Цэпаанияа 3:19 - Библи

¹⁹ Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Цэпаанияа 3:19 ပူးပေါင်းရင်းမြစ်များ

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 62:7

Иерусалимые һэргээн бодхооторынь, бүхы дэлхэйн магтаал болготорынь тэдэ Эзэндэ амар заяа үгэхэгүйл.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Ерэмияа 31:8

Үзөөрэйгты, Би тэдэниие хойто зүгтэхи нютагһаа суглуулхаб. Һохор ба дохолон зон, хээлитэй ба үхибүү түрэхэ гэжэ үбдэжэ байһан эхэнэрнүүд тэдэнэй дунда байха. Үй түмэн зон һөөргөө бусаха.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Ерэмияа 46:28

Минии зараса Яков, бү ай, Би таанадтай байнам. Таанадые ондоо орон нютагаар тараагаа һэм, тэрэ нютагай үндэһэ яһатаниие хюдахаб. Таанадые үгы хэхэгүйб, гэбэшье хэһээлтэ амасуулхаб, үнэн зүбөөр хэрэг ябуулхаб! Энэ болбол Би, Эзэн, айладхана мүн!

Эзэкээл 16:27

Тиимэһээ Би үршөөл хайраяа шамһаа хаһажа, Пилиштын хомхой хобдог дайсадташ газар уһанайш хубиие эзэлхыень зүбшөөгөө һэм. Харин тэдэшье шинии эшхэбтэр ябадалһаа боложо жэрхэжэ байна.

Эзэкээл 16:57

Харин мүнөө бүгэдэ шинии хорон мууе хаража ойлгоо. Араамай, Пилиштын зон, мүн тиихэдэ бусад хүршэнэршни шамайе үзэн ядажа, зэмэлэн байна.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Эзэкээл 39:13

Дэлхэйн бүхы зон тэдэниие хүдөөлүүлхэдэ туһалха, Минии, Эзэн Бурханай, алдар солын мандаһан тэрэ илалтын үдэр тэдэ шагнал хайрада хүртэхэ.

Эзэкээл 39:26

Тэдэ аюулгүй амгалан орон нютагтаа ажаһуужа эхилхэдээ муу муухай хэрэгүүдээ, Намда урбадаг байһанаа һанажа, эшэхэ.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Цэпаанияа 3:15

Эзэн шам тушаа шиидхэбэреэ болюулаа! Дайсадыеш зайлуулаа! Израилиин хаан, Эзэн таанартай хамта! Саашадаа таанар юунһээшье айхагүйт.

Захарияа 8:23

Түмэн Сэрэгтэ Эзэн айладана: Тэдэ үдэрнүүдтэ ондоо хэлэн дээрэ дуугардаг арбан зон нэгэ иудей хүндэ ерэжэ, хубсаһанһаань татан хэлэхэ: «Бурхан тантай гэжэ дуулаабди. Бидэниие өөһэдтөө абыт».

Хуули дабталга 26:19

«Өөрынгөө бүрилдүүлһэн таанадые бусад арадуудһаа бүри олон болгохоб, хүндэтэй, нэрэ түрэтэй, толотомо һайханаар ажаһуухат, Минии Өөрын нангин арад болохот», – гэжэ Эзэн Бурхантнай тунхаглана.

Еврейнүүдтэ 12:13

Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Гэршэлгэ 20:9

Тэдэнэр бүхы газар дайдые алхалан гаража, Бурханай зоной байрлаһан газарые, тэрэ зоной эгээн дуратай хотые хүреэлхэ. Теэд тэрэ үедэнь тэнгэри дээрэһээ гал буужа ерээд, бултыень шатаажархиха.

Ударидагшад 1:7

Адони-Бээзэг тэдээндэ иигэжэ хэлэбэ: – Би далан хаашуулай хүлэйнь болон гарайнь эрхы хургануудые таһар сабшаа һэм. Минии шэрээ доро мухарин унаһан тэдэ эрхы хургануудые тэдэнэр суглуулаа бэлэй. Мүнөө Эзэн эгээл тэрэ минии хэһэн үйлэ хэрэгээрни намайе хэһээбэ. Тэрэниие Иерусалимда асарба. Тэрэ тэндэ наһа бараа.