Цэпаанияа 3:15 - Библи

¹⁵ Эзэн шам тушаа шиидхэбэреэ болюулаа! Дайсадыеш зайлуулаа! Израилиин хаан, Эзэн таанартай хамта! Саашадаа таанар юунһээшье айхагүйт.

Цэпаанияа 3:15 ပူးပေါင်းရင်းမြစ်များ

Эхин 30:23

Рахээл хээлитэй боложо, хүбүү түрөөд, иигэжэ хэлэбэ: – Бурхан намай эшхэбтэр байдалһаа абарба.

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Псалманууд 19:9

Тэдэ ганхажа унаба, харин бидэ бата зогсонобди!

Псалманууд 85:3

Эзэн, намайе хайрлыт, юуб гэбэл, бүхэлиин үдэрөө Таниие дууданаб.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 51:22

Өөрынгөө арад түмэнэй түлөө тэмсэгшэ Эзэн Бурхантнай иигэжэ айладхана: «Уур хилэн дундаа таанадта үгэһэн аягаяа мүнөө һөөргэнь абанаб. Найгалзуулдаг гашуун хэһээлтын шүлэ таанад бэшэ уухагүйт.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 54:14

Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 65:19

Иерусалимда баярлан, арад түмэндөө баясажа байхаб. Тиигээд тэндэ уйлаха, туһа эрин орилхо абяан саашадаа бэшэ дуулдахагүй.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Эзэкээл 35:10

Иудын хан түрэ болон Израиль манай болохо, газарыень эзэмдэн ажаһуухабди гээд хэлээ бэлэйт. Харин Би, Эзэн, тэдэнэй Бурхан байнаб.

Эзэкээл 36:15

Ондоо арадууд таанадые шоо үзэхэеэ, наадалхаяа болихо. Арад зондоо баян ургаса үршөөн байхат.

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Амоос 9:15

Түрэл дайдадань өөһэдыень батаар һуурижуулхаб, тиихэдэм, тэдээндэ үршөөһэн газарһаам хэншье тэдэниие һуга татан гаргажа шадахагүй! Иигэжэ танай Эзэн Бурхан айладана гээшэ.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Аввакуум 2:17

Ливаанай ой модо хайра гамгүй усадхааш. Ан амитадые, улад зониие хюдааш, орон нютагуудые хооһоруулааш, һандаргааш. Энээнэй түлөө ши зэмээ амасахаш.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Захарияа 12:3

Тэрэ үдэр Би Иерусалимые шулуун шэнги бэхи бүхэ болгохоб. Тэрэниие дайлан абаха гэһэн хүнүүд хуу бэртэхэ. Дэлхэйн бүхы үндэһэтэн Иерусалимда эсэргүүсэн сугларха.

Захарияа 14:11

Хүнүүд тэндэ амидарха, хараал тунахагүй, дайсан ерэхэгүй, Иерусалим аюулгүй оршохо.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Иоанн 1:49

– Рабби аа! Та ёһоороол Бурханай Хүбүүн, Израилиин Хаан байнат! – гэжэ Натанаил дуугарба.

Иоанн 12:15

«Сионой басаган, ши бү ай! Харыш! Тээ тэрэ шинии Хаан залуу элжэгэ унаад, шамда дүтэлжэ ябана!»

Иоанн 19:19

Хабтагай модо бэлдээд, хэрээһэн дээрэнь хадаха гэжэ Пилат захирба. Тэрэ хабтагай дээрэнь: «Назаредэй Иисүүс, еврейнүүдэй хаан» гэжэ бэшээтэй байгаа.

Иоанн 5:30

Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Гэршэлгэ 12:10

Тэнгэри дээрэһээ шангаар хэлэһэн иимэ үгэнүүдые би дуулаа һэм: – Одоошье Бурханай хүнүүдэй абарагдаха саг ерэбэ. Одоошье манай Бурхан засаг түрые абаад, хаан болохо. Тиин Бурханай Табисуурта бүхы дэлхэйе ударидан зонхилжо байха. Юуб гэбэл, бидэнэй аха дүүнэрые Бурханаймнай урда үдэр һүнигүй гэмнэгшэ газар руу шэдүүлэн унаба.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 19:16

Тэрэнэй суба дээрэ, гуя дээрэ иигэжэ бэшээтэй: хаашуулай Хаан, эзэдүүдэй Эзэн.

Гэршэлгэ 7:15

Тиимэһээ эдэ хүнүүд Бурханай хаан шэрээгэй урда зогсоод, Тэрэнэй һүмэ дотор үдэр һүнигүй Тэрээндэ алба хэнэ. Тиин хаан шэрээдэ Һуугааша эдэ хүнүүдые хамгаалха.