Цэпаанияа 1:8 - Библи

⁸ Эзэн иигэжэ айладхаа: – Тахил үргэхэ үдэрөө Би түшэмэлнүүдые, хаанай хүбүүдые, хариин ёһо заншалнуудые сахидаг зониие усадхахаб.

Цэпаанияа 1:8 ပူးပေါင်းရင်းမြစ်များ

4 Хаан түрэнүүд 10:22

Еһүү тэдэнэй хубсаһа хадагалдаг хүндэ хандажа: – Баалай бүхы албатадта хубсаһануудыень тараа, – гэжэ захирба. Тэрэ хүн хубсаһануудые асаржа, Баалай албатадта тарааба.

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 2:6

Теэд Та, Эзэн Бурхан, Өөрынгөө арад түмэн болохо Яковай үри һадаһадые орхёот! Юуб гэхэдэ, тэдэ зүүн зүгэй заншалтай, пилиштүүд шэнги үзэлшэ мэдэлшэдтэй болонхой, хариин зонтой холилдоно.

Исай 24:21

Огторгойн сэрэг, газарай хаашуулые Эзэнэй хэһээхэ сагынь тэрэ үдэр!

Исай 39:7

Шинии үри һадаһад, удамайшни таһардаһанууд, угыешни залгамжалагшад баряанда абтажа, Вавилооной хаанай ордон соо заһаагаа абхуулһан харуулшад болохо.

Аввакуум 1:10

Хаашуулые тэдэ доромжолно, захирагшадые наадална. Бүхэлэлтэ бүхэниие тэдэ шооложо, шулуу обоолон, тэрэниие эзэлнэ.

Хуули дабталга 22:5

Эхэнэр хүн эрэ хүнэй хубсаһа бү үмдэг, эрэ хүн эхэнэрэй хубсаһа бү үмдэг. Юуб гэхэдэ, Эзэн Бурхандатнай энэ ехэ муухай үйлэ хэрэг гээшэ.