Цэпаанияа 1:5 - Библи

⁵ Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Цэпаанияа 1:5 ပူးပေါင်းရင်းမြစ်များ

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

3 Хаан түрэнүүд 11:5

Иигэжэ Соломоон Сидооной эхэнэр бурхан Аштаартада, Аммооной жэгшүүрилтэ шүтээн Милхоомдо шүтэжэ эхилбэ.

3 Хаан түрэнүүд 18:21

Элияа бүхы арад зондо дүтэлэн: – Таанад хэды болотор хоёрой хоорондо байхабта? Эзэнэй Бурхан юм һаань, Тэрээндэ мүргэгты. Баалай Бурхан һаань, Баалда мүргэгты, – гэбэ. Арад зон тэрээндэ нэгэшье үгэ хэлэбэгүй.

4 Хаан түрэнүүд 17:32

Тэрэ үе сагта тэдэнэр Эзэндэ мүргэдэг, өөһэдынгөө яһатанһаа хэн нэгые нютагайнгаа обоонуудай санаарта болгожо томилбо. Тэрэ санаарта тэндэхи обоонуудта, мүн дуганууд соо тэдээндэ мүргэл үнгэргэдэг болобо.

4 Хаан түрэнүүд 17:33

Теэд тэдэнэр Эзэндэ мүргөөшье һаа, өөһэдынгөө бурхадта шүтэдэг байба. Ушар юуб гэхэдэ, хари газарта нүүжэ ерэһэн тэдэнэр эхэ орондоо шүтэжэ байһан өөһэдынгөө бурхануудые мартабагүй.

4 Хаан түрэнүүд 17:41

Эзэндэ мүргэжэ, өөһэдынгөө онгон бурхануудта алба хэжэл байба. Тэдэнэй үхи хүүгэд ба ашанар мүнөө болотор эсэгэнэрэйнгээ хэһэн ябадалнуудые даган үргэлжэлүүлһэн зандаа юм.

4 Хаан түрэнүүд 23:12

Тиигээд тэрэ Иудын хаашуулай, Ахаазай амардаг гэрэй дээдэ дабхарай оройдо бодхооһон үргэлэй шэрээнүүдые һандаргаба. Мэнашшээ тахилай тэдэ шэрээнүүдые Эзэнэй һүмын хоёр хашаа хорёо соо бүтээлгэһэн байгаа. Тэрэ тэдэниие һандарган буталжа, бутархайнуудыень тооһо шоройтойгоор хамаад, тэдэнииень Кидрооной хүндыдэ хаюулба.

Исай 22:1

Үзэгдэлэй Нюруу тушаа зүн. Энэ хадаа юун болоод, хотын бүхы зон гэрэй хушалтанууд дээрэ гараа гээшэб?

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 19:13

Гэрэй хушалтанууд дээрэ огторгойн мүшэдтэ уталга ууюулһан, ондоо бурхадта сэржэм үргэһэн – бүхы иимэ Иерусалимай гэр байранууд, Иудын хаашуулай гэрнүүд Тоопэт газартал бузарлагдаха».

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 49:1

Аммооной арад зон тушаа Эзэн иигэжэ айладхана: – Израилиин улад зон үгы юм гү? Юундэ Милхоом бурханда мүргэдэг зон Гаадай обогой газар уһые эзэмдээд, тэндэнь ажаһуунаб?

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Ерэмияа 7:10

энээнэй удаа ерэжэ, Минии нэрээр нэрлэгдэһэн энэ үргөө соо урдамни зогсоод, «Бидэ абарагдаабди!» гэжэ хэлэнэт. Тиигээд эдэ бүхы жэгшүүрилтэ зүйлнүүдые саашадаашье хэжэл байнат.

Ерэмияа 7:9

Таанад хулгай хэжэ, алажа, забхайржа, худалаар тангариглажа, Баалда үргэл үргэн, мэдэхэгүй ондоо бурхадта мүргэжэ байгаад,

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Һошээ 10:2

Урбадаг зүрхэ сэдьхэлтэйшүүл хэһээгдэхэ. Бурхан тэдэнэй үргэлэй шэрээнүүдые һандаргаха, мүргэдэг модонуудыень бута сохихо.

Һошээ 4:15

Израилиин улад зон, таанад ондоо бурхадай хойноһоо ябанат. Нүгэл хэжэ ябаа хадаа ябаад, Иудын зониие бү дахуулагты! Гилгаал болон Бэт-Аавэн руу ябажа мүргэхэеэ болигты! Амиды Эзэнэй нэрээр хуурмаг тангариг үргэхэеэ болигты!

Амоос 5:26

Саккуут хаанай болон Кайбаан одон-бурханай дүрсэнүүдые өөһэдтөө дархалан абажа ябаат.

Матвей 6:24

Хэншье хоёр эзэндэ зарагдажа шадахагүй: нэгэн гэбэл, таанад нэгэ эзэндээ дурагүй, нүгөөдэдөө дуратай байхалта; али үгышье һаа, нэгэ эзэндээ дуратайгаар, нүгөөдэдөө дурагүйгөөр ажаллаха бшуут. Таанад Бурханда болон эд зөөридэ нэгэ зэргэ алба хэжэ шадахагүйлта.

Хэрэгүүд 10:9

Үглөөдэрынь, үдын багта тэдэнэрэй хотодо ойртожо байхада, Пётр Бурханда зальбархаяа гэрэй орой дээрэ гараба.

Римэйхиндэ 14:11

«Яһатан бүхэн урдамни мүргэхэ, ямаршье хэлэтэй хүн Намайе Бурхан гэжэ айладхаха, баталан тангаригланаб гэжэ Эзэн хэлэнэ», – гэжэ Нангин Бэшэг соо хэлээтэй байдаг.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 4:19

Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.