Цэпаанияа 1:18 - Библи

¹⁸ Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Цэпаанияа 1:18 ပူးပေါင်းရင်းမြစ်များ

Эхин 6:7

иигэжэ айладхаба: – Би газар дэлхэйн нюрууһаа хамаг хүн зониие, тэдэнтэй хамта адуу мал, мүлхидэг амитадые, арьяатаниие, шубуудые огтолон үгы болгохоб. Эдэниие байгуулһандаа голхорноб.

3 Хаан түрэнүүд 14:22

Иудын улад зон Эзэндэ таагүй хэрэгүүдые эрхилжэ, эсэгэнэрэйнгээ нүгэл бүри арьбадхан, Эзэниие уурлуулба.

Иоов 21:30

Гэмтэй муу хүн һүйдхэлэй үдэртэ бүтэн үлэдэг, Бурханай ууртай шиидхэлдэ тэрэ ородоггүй.

Иоов 3:15

гэрээ мүнгөөр дүүргэжэ, алта суглуулжа байһан ноёдтой хамта хэбтэхэ һэмби.

Псалманууд 79:5

Түмэн Сэрэгтэ Эзэн Бурхан! Өөрын арад түмэнэй зальбаралда уурлахатнай хэды болтор юм?

Һургаал 11:4

Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.

Һургаал 18:11

Баян хүнэй эд зөөри тэрээндэ бэхи хото, үндэр хана мэтээр һанагдадаг.

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Эзэкээл 16:38

Үбгэндөө урбан, һальхай һамуу ябадал гаргаһанайш, алууршан байһанайш түлөө Би шамайе шүүбэрилхэб! Угаа ехээр уурлан, шамайе хороохо гэжэ заргада оруулан шиидхэхэб!

Эзэкээл 23:25

Би шамда угаа уурланхайб, тиимэһээ тэдэнэй шамда хэрзэгы муухайгаар хандахыень хорихогүйб. Тэдэ хамар, шэхыеш отолхо, үхи хүүгэдыеш һэлмээр усадхаха, галдан һалгааха.

Эзэкээл 7:11

Хүсэрхэлгэ ехэ олон хорон муу юумэ үйлэдэхэ. Тэдэнэй баялигһаа, яла сала байдалһаа, суу солоһоонь юуншье үлэхэгүй.

Эзэкээл 7:19

Алта, мүнгэеэ тэдэ бог шорой мэтээр газаа хаяха, юуб гэхэдэ, Эзэн Бурханай хилэнсэгтэ үдэр алта, мүнгэниинь тэдэниие абархагүй. Баялигаар тэдэ хүсэлөө бэелүүлжэ шадахагүй, гэдэһээ садхааха бэшэ, алта, мүнгэнһөө боложо тэдэ нүгэл үйлэдөө бшуу.

Эзэкээл 7:5

Эзэн Бурхан иигэжэ айладхана: – Гай тодхор дээрэ дээрэһээ таанад руу буужа байна.

Цэпаанияа 1:11

Хотын доодо шатада ажаһуугааша зон, шангаар бархирыта! Юуб гэбэл, аралжаа наймаа эрхилэгшэд, мүнгэ хэмжээшэд бултадаа хюдагдаха!

Цэпаанияа 1:15

Энэ үдэр хадаа уур хилэнгэй үдэр, бэрхэшээл, зоболонгой үдэр, һандарал, эзэгүйрэлгын үдэр, хаб харанхы, бүрэнхын үдэр, үүлэтэ, бүрхэг харанхын үдэр болохол.

Цэпаанияа 2:2

Мэхиинэ мэтээр һалхинда туугдан хиидэхэ үдэрэйтнай ерэхын урда тээ, Эзэнэй гал дүлэн мэтэ уур хилэнсэгэй таанад руу хүрэтэр

Цэпаанияа 3:8

Тиимэһээ Намайе хүлеэгты! Минии ерэхэ үдэр хүрэтэр! Арадуудые суглуулжа, хан түрэнүүдые дуудажа, уур сухалаа, уур хилэнсэгэйнгээ бүхы гал дүлэн тэдээн дээрэ адхахаб! Иигэжэ Би зарга шүүбэри ябуулхаб, иигэжэ Минии уур сухалай гал дүлэндэ бүхы дэлхэй шатаха!

Матвей 16:26

Хэрбээ таанад бүхы дэлхэйе олзолоод, ами һүнэһэеэ алдабалтнай, танда ашагтай гү? Үгыл даа! Таанад ямаршье юумэ түлөөд, ами һүнэһэеэ бусаажа шадахагүйлта.

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?

Хуули дабталга 31:17

Тиихэдэнь тэрэ дары Минии уур сухал бужаганажа, Би тэдэниие орхихоб, тэдээндэ туһалхаяа болихоб. Тэдэнэр һалаха тээшээ болохо, элдэб олон гай тодхор дээрэнь бууха. Тиихэдэнь тэдэ иигэжэ хэлэхэ: «Бурханаймнай маанадтай байгаагүйһөө боложо, энэ муу юумэн бидэниие дайраа бэшэ гү?»