Тимофейдэ 2-дохи 4:17 - Библи

¹⁷ Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Шэнэ Хэлсээн

¹⁷ Тэрэ үедэ Дээдын Эзэн намтай байжа, намайе зоригжуулһан байгаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Тимофейдэ 2-дохи 4:17 ပူးပေါင်းရင်းမြစ်များ

Һургаал 20:2

Хаанай уур хилэн арсаланай хэрхирээнтэй адли. Тэрэниие уурлуулха гээшэ өөртөө муу һанаһантай адли.

Һургаал 28:15

Хуулигүй нүгэлтэй засаг баригша ядуушуулда хандахадаа, хэрхирһэн арсалан, үлэн баабгай мэтэ.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Ерэмияа 2:30

Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Даниил 6:22

Бурхамни тэнгэриин Эльгээмэлээ эльгэжэ, Тэрэ арсалануудай ама таглаал! Тэдэ намайе яагаашьегүй! Юуб гэхэдэ, би Бурханай урда нүгэлтэй бэшэб, үндэр түрэлтэ хаан, танайшье урда ямаршье гэм зэмэ хээгүйб.

Даниил 6:27

Тэрэ абардаг, аршалдаг, огторгой, газар дээрэ дүлгэ тэмдэгүүдые, гайхамшагта үзэгдэлнүүдые хэдэг. Даниилые Тэрэ арсалануудһаа абараал.

Матвей 10:19

Таниие барижа тушаахадань, юу хэлэхэ, яажа хэлэхэ тухайгаа һанаагаа бү зобооройгты. Тэрэ сагтаа хэлэхэ үгэнүүдтнай таанадта үршөөгдэхэ.

Лука 1:1

Эрхим хүндэтэ Теофил! Манай дунда болоһон ушар ябадалнууд тухай туужа олон зон бэшэхэ гэжэ һэдэнэ.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Хэрэгүүд 23:11

Хойто һүнинь Эзэн Павелай урда бии боложо: «Зоригтой бай! Иерусалимда Нам тухай гэршэлһэндээл адляар, ши мүнөө Рим хотодо гэршэлхэш», – гэбэ.

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Римэйхиндэ 15:31

Иудейн һүзэггүй зонһоо Бурхан намайе аршалһай, Иерусалимда хэхэ ажални тэндэхи Бурханай зондо һайшаагдаһай гэжэ зальбарыт даа.

Коринфынхидтэ 2-дохи 12:9

«Минии үршөөл хайрал шамда яһала хангалтатай хүрэхэ, һүр хүсэн ахир һула байхада аргагүй һайнаар элирэн харагдадаг юм», – гэжэ Тэрэ намда харюусаа. Тиимэһээ би Христоосой хүсэ шадалаар дүүрэхын тулада ахир һула байһанаараа бахархаха ехэл дуратай байнаб.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Тимофейдэ 1-дэхи 1:12

Намда ажаллаха хүсэ шадал үгэһэн Эзэн Христоос Иисүүстэ би баясхалан хүргэнэб. Намайе найдабаритай гэжэ тоолоод, Өөртэнь алба хэхыемни табиһандань баясхалан хүргэнэб.

Тимофейдэ 2-дохи 2:1

Хүбүүмни, Иисүүс Христоосой хайрлаһан үршөөл хайраарнь бэхижэжэ бай.

Тимофейдэ 2-дохи 2:9

Тэрэл Һайн Мэдээсэлэй түлөө би зобожо, үшөө тиихэдэ дээрмэшэндэл мэтэ гэнжээр хүлеэтэй байнаб. Зүгөөр Бурханай үгые гэнжээр хүлихэ аргагүй.

Тимофейдэ 2-дохи 3:11

Антиох, Икоони, Листра хотонуудта мүрдүүлдэг, зободог байһандамнил адли ши баһа мүрдүүлнэш, зоболон эдлэнэш. Тэдэ зоболонгуудые би дабажа гараа хүнби, Эзэн тэдэнһээ намайе аршалаа.

Тимофейдэ 2-дохи 4:5

Харин ши ямаршье ушарта бэеэ барижа, зоболонгуудые дабажа, Һайн Мэдээсэл дэлгэрүүлхэ ажалаа бүтээжэ, Бурханай зарасын дүүргэхэ ёһотой уялга гүйсэдхэжэ байгаарай.

Еврейнүүдтэ 11:33

Тэдэнэр этигэл һүзэгөөрөө хаан оронуудые дайлан диилэдэг, үнэн зүб юумэ хэдэг, Бурханай найдуулһан юумэндэ хүртэдэг, арсалангуудай амыень хаадаг,

Пётрой 1-дэхи хандалга 5:8

Һэргэлэн байгты, бү һажагты. Танай дайсан болохо шолмос эдихэ зууха хүниие бэдэржэ байһан арсалан мэтэ хүрхиржэ ябана.

Пётрой 2-дохи хандалга 2:9

Үнэн сэдьхэлтэй зониие туршалгануудһаа яажа аршалхые, муу муухай ябадал гаргагшадые Зарга шүүбэриин Үдэрэй хэһээлтэ хүрэтэр яажа һахижа байхые Эзэн мэдэхэ гэжэ урда хэлэгдэһэн харуулна.

1 Хаан түрэнүүд 17:37

Давид саашань: – Арсалан, баабгайн һабарһаа намайе абарһан Эзэн тэрэ пилишт хүнэйшье гарһаа намайе абарха, – гээ бэлэй. Саул Давидта: – Ошо. Эзэн шамтай хамта байха болтогой, – гэжэ хэлэбэ.