Тимофейдэ 2-дохи 2:24 - Библи

²⁴ Эзэнэй зараса, ши хэрүүл гаргангүй, харин уринаар хүн бүхэндэ хандажа, тэсэбэритэй һайн һургагша байха ёһотойш.

Шэнэ Хэлсээн

²⁴ Дээдын Эзэнэй зараса, ши хэрүүл гаргангүй, харин уринаар хүн бүхэндэ хандажа, тэсэбэритэй һайн һургагша байха ёһотойш.

Тимофейдэ 2-дохи 2:24 ပူးပေါင်းရင်းမြစ်များ

2 Угай бэшэг 24:6

Тиихэдэнь хаан тэдэнэй толгойлогшо Ёядаа гэгшые дуудажа асаруулаад, хэлэбэ: – Иуда болон Иерусалимһаа мүнгэ татабари суглуулхыень юундэ левидүүдые эльгээнэгүйбши? Суглаанай майханиие заһабарилан байха хэрэгтэ мүнгэ суглуулдаг байха гээд Эзэнэй богоол Моисей болон израильшуудай суглаан шиидээ һэм шуу.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Даниил 6:20

Нүхэндэ дүтэлхэдөө тэрэ сошон-мэгдэн иигэжэ Даниилые дуудаба: – Амиды Бурханай богоол болохо Даниил! Саг үргэлжэ зальбардаг Бурханшни шамайе арсалануудһаа абаржа шадаа гээшэ гү?!

Матвей 12:19

Тэрэ арсалдахагүй, хашхархагүй, гудамжануудта шангаар хүрхирхэгүй,

Иоанн 6:52

Тиихэдэнь еврейнүүдэй хоорондо гани халуун арсалдаан болобо: – Энэ хүн хайшан гээд өөрынгөө бэеые манда эдюулхэнь гээшэб?!

Хэрэгүүд 15:2

Энэ асуудалай талаар Павел Барнааба хоёр тэдэнтэй нилээд заргалдаба, арсалдаба. Тиимэһээ энэ асуудалые элшэнэртэй ба бүлгэмэй хүтэлэгшэдтэй зүбшөөд ерэхыень Павел Барнааба хоёрые хэдэн һүзэглэгшэдтэй хамта Иерусалим эльгээхэ гэжэ шиидэбэ.

Хэрэгүүд 23:9

Шанга хүхирэлдөөн боложо, фарисейнүүдэй дундаһаа хэдэн Хуули заадаг багшанар бодоод: – Энэ хүниие гэмнэхээр нэгэшье юумэ олоногүйбди. Энэ хүнтэй Һүлдэ гү, али Бурханай Эльгээмэл хөөрэлдэһэн байхадаа болохо, – гэжэ хэлэбэ.

Хэрэгүүд 7:26

Хойто үдэрынь хоёр еврейнүүдэй өөһэд хоорондоо хэрэлдэжэ байхые тэрэ хараад, тэдэниие эбтэй болгохо һанаатайгаар: «Үгы, шагныт, таанад аха дүүнэр ха юмта! Юундэ бэе бэеэ гомодхоонобта?», – гэбэ.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 6:4

Ямаршье юумэ хэхэдээ, бидэ тохёолдоһон бэрхэшээл зоболонгуудые, дутагдал дундануудые, хүшэр байдалые даруу номгоноор дабажа гаран, өөһэдыгөө Бурханай үнэн зарасанар гэжэ харуулнабди.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Эфесэйхиндэ 4:2

Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.

Хуули дабталга 34:5

Иигэжэ Моисей, Эзэнэй зараса, тэндэ, Моһаабай газарта, Эзэнэй айладаһанай ёһоор, наһанһаа нүгшэһэн байна.

Филиппынхидтэ 2:14

Ямаршье гэмгүй, арюун сэбэр, эрхим һайн Бурханай үхибүүдынь байхын тула таанад юушье хэхэдээ, бү гэмэрэлдэгты, арсалдаа бү гаргагты. Забхай зальхай, нүгэл шэбэлтэй зоной дунда амидархадаа амидарал хайрладаг мэдээсэлые хатуугаар баримталан, таанад тэдэ зоной дунда тэнгэридэ гэрэлтэжэ байһан одо мүшэдтэл адли яларан толоржо байха ёһотойт. Тиигэбэлтнай, Христоосой заларан ерэхэ үдэр би таанадаар бахархан омогорхохо шалтагаантай байхаб, бүхы оролдолгонуудни, үйлэ хэрэгүүдни дэмы үнгэрөөгүй гэжэ мэдэхэлби.

Филиппынхидтэ 2:3

Юумэ хэхэдээ, өөр тухайгаал бү бодогты, али хүнэй магтаалда хүртэхын лэ тула бү оролдогты. Зүгөөр даруу номгон байгты, бусад зониие өөрһөө дээгүүр бодожо байгты.

Колоссынхидтэ 3:13

Таанад бэе бэеэ ойлгожо байгты, тиимэһээ хэн нэгэнэйтнай нүгөөдэдөө гомдолтой байбалнь, гомдохооһон хүнөө хүлисэжэ байгты. Эзэнэй таанадые хүлисэһэндэл адли таанад бэе бэеэ хүлисэжэ байха ёһотойт.

Фессалоникиинхидтэ 1-дэхи 2:7

Бидэ Христоосой элшэд юм хадаа таанадһаа мүнгэнэй туһаламжа абаха аргатай байгаабди. Зүгөөр бидэ үхибүүдтээ һаналаа табижа байдаг эхэнэр шэнги таанадтай ехэл зөөлэн байгаабди.

Тимофейдэ 1-дэхи 6:11

Харин ши, Бурханай хүн, эдэ бүхэнһөө болгоомжоло. Ши Бурханай урда үнэн сэдьхэлтэй бай, Бурханай эрхэ хүсэлые гүйсэдхэ, Тэрээндэ һүзэглэжэ, хайра дура сэдьхэлдээ бадараа, тэсэбэритэй, номгон даруу зантай бай.

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисүүс Христоосой элшэн Павел бэшэнэ. Бурхан Эсэгэ болон манай Абарагша Иисүүс Христоос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, һунгаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээгээ. Энэ үнэн зүйл мүнхын амидаралда найдаха гол түшэг болоно. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ Өөрынгөө һургаалда нээгээ. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номноноб.

Тидтэ 1:7

Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханда алба хэдэг, Тэрэнэй эрхилэгшэ ушарһаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Тидтэ 1:9

Тэрэ хүн зүб һургаалтай зүрилдэдэггүй, найдабаритай үгые хатуу баримталха ёһотой. Тиигэжэл тэрэ хүтэлэгшэ үнэн зүйтэй һургаалаар ондоо хүнүүдые урмашуулжа, һургаалда эсэргүү байһан хүнүүдэй бурууе элирүүлэн харуулха аргатай байха.

Тидтэ 3:2

Хүниие хардажа бү хэлэгты, харин эбтэй эетэй, амгалан тайбан байгты, хүн бүхэндэ ходо дарууханаар хандагты гэжэ тэдэндэ баһал хэлэжэ байгаарай.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг.

Яковай хандалга 4:2

Таанад ямар нэгэн юумэтэй болохые хүсэнэт, теэд тиимэ юумэтэй боложо шаданагүйт, тиимэһээ таанад алахадашье бэлэн байнат. Юумэнүүдтэй байхые угаа ехээр хүсэнэт, теэд тэдэ юумэнүүдтэй болохо аргагүй байһанһаа хэрүүл ама гарганат, үһөөрхэнэт. Хүсэһэн юумэнүүдээ Бурханһаа гуйгаагүй хадаа таанад тэдэнээ абанагүйт.

Нүүнэй Иисүүс 1:1

Эзэнэй богоол Моисейн наһа бараһан хойно Эзэн Нүүнэй хүбүүн, Моисейн албатан Иисүүстэ хэлэбэ:

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты.

Иудын хандалга 1:3

Хүндэтэ аха дүүнэрни, бидэ бүгэдын абарагдаха тухай би бэшэхэ һанаатай байгааб. Тиихэ зуураа Бурханай зондо нэгэтэ, гэхэдэ хэтын хэтэдэ үгтэһэн һүзэгэй түлөө таанад тэмсэхэ ёһотойт гэжэ уряалан бэшэхэ хэрэгтэй гэжэ тоолоноб.