Тимофейдэ 2-дохи 1:3 - Библи

³ Үбгэ эсэгэнэрэйнгээ мүргэдэг Бурханда би үнэн зүрхэнһөө алба хэжэ, үдэр һүнигүй Тэрээндээ зальбархадаа, үргэлжэ шамайе дурдан, баяр хүргэжэ байдагби.

Шэнэ Хэлсээн

³ Үбгэ эсэгэнэрэйнгээ мүргэдэг Бурханда би үнэн зүрхэнһөө алба хэжэ, үдэр һүнигүй тэрээндээ зальбархадаа үргэлжэ шамайе дурдан, баяр хүргэжэ байдагби.

Тимофейдэ 2-дохи 1:3 ပူးပေါင်းရင်းမြစ်များ

Лука 2:37

Мүнөө тэрэ үдэр һүнигүй Бурханда мүргэжэ, масаг сахижа, Һүмэһөө холододоггүй һэн.

Хэрэгүүд 22:3

– Би Килики ороной Тарс хотодо түрэһэн еврей хүнби. Тэрэ хотодо Гамалиһээлэй хүтэлбэри доро үбгэ эсэгэнэрэй Хуули ехэ нягтаар сахижа хүмүүжүүлэгдэһэн хүнби. Би таанадтал адли Бурханай урда бүхы үүргэнүүдээ оролдосотойгоор дүүргэдэг һэнби.

Хэрэгүүд 23:1

Павел Зүблэлэй гэшүүдые шэртэн хараад: – Аха дүүнэр! Бүхы наһаараа энэ үдэр хүрэтэр би Бурханда үнэн сэхээр алба хээб, – гэжэ хэлэбэ.

Хэрэгүүд 24:14

Буруу шажанай бүлгэм гэжэ эдэ зоной нэрлэдэг Зам баримталжа байһан дээрэһээл би үбгэ эсэгэнэрэйнгээ Бурханиие хүндэлнэб гэжэ танда мэдүүлнэб. Моисейн Хуулида болон лүндэншэдэй номууд соо бэшэгдэһэн бүхы юумэндэ би этигэнэб.

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Хэрэгүүд 26:4

Минии ажамидарал эдир залуу наһанһаа эхилэн еврейнүүдэй дунда мэдээжэ. Би түрүүн өөрынгөө арад зоной дунда, һүүлдэнь Иерусалимда ажаһуугааб.

Хэрэгүүд 27:23

Эрхэ мэдэлдэнь байдаг, минии шүтэдэг Бурхан үнгэрһэн һүни Эльгээмэлээ намда эльгээгээ.

Римэйхиндэ 9:1

Христоосто һүзэглэдэг би үнэн зүбые хэлэнэб, худалаар хэлэнэгүйб. Тиин Арюун Һүлдэшье, һэшхэлнишье минии хэлэһые үнэн гэжэ гэршэлнэ.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Галадуудта 1:14

Би үбгэ эсэгэнэрэйнгээ ёһо гуримуудые наринаар сахидаг, шажанайнгаа хуули ёһые өөрынгөө үетэнһөө үлүү һайнаар гүйсэдхэдэг бэлэйб.

Эфесэйхиндэ 1:16

би зальбархадаа, таанадые һанан, таанадай түлөө үргэлжэ Бурханда баяр баясхалан хүргэжэ байдагби.

Фессалоникиинхидтэ 1-дэхи 3:10

Таанадтай уулзаха, этигэл һүзэгтэтнай дутажа байһан юумые үгэхэ хүсэлтэйгөөр бидэ үдэр һүнигүй Бурханиие үнэн зүрхэнһөө гуйнабди.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй, һүзэгөө алдаа.

Тимофейдэ 1-дэхи 1:5

Һүзэглэгшэдэй бэе бэедээ дуратай байхые урмашуулхань тэрэ захиралтын зорилго болоно. Тиимэ хайра дуран үнэн зүрхэнһөө, арюун сэбэр һанаанһаа, бодото һүзэг этигэлһээ эхи абадаг.

Тимофейдэ 1-дэхи 5:5

Хойноһоонь хараха хүнгүй, үнэндөө бэлбэһэн эхэнэр хүн гансал Бурханда найдажа, үдэр һүнигүй Тэрэниие гуйжа, Тэрээндэ зальбаржа байдаг.

Тимофейдэ 2-дохи 1:5

Үнэн зүрхэнһөө Бурханда һүзэглэдэг байһыешни би һананаб. Лоида хүгшэн эжышни, Эвниикэ эхэшни үнэн зүрхэнһөө һүзэглэдэг бэлэй. Шишье баһал тиимэ һүзэгтэйш гэжэ би этигэнэб.

Тимофейдэ 2-дохи 3:15

шинии үхибүүн байха сагһаа мэдэдэг Нангин Бэшэг шамайе һургажа, сэсэн ухаатай болгоно. Тиин тэрэ ухаан Иисүүс Христоосто этигэһэн һүзэгэйшни ашаар шамайе абарна.

Еврейнүүдтэ 13:8

Тэрэ этигэл һүзэгынь болохо Иисүүс Христоос үсэгэлдэр, мүнөөдэршье, хэтын хэтэдэ хубилхагүй.

1 Хаан түрэнүүд 12:23

Мүн би таанадай түлөө зальбархаяа болихогүйб – Эзэнэй урда нүгэл хэхэеэ тэбшэхэб. Би таанадта һайн, сэхэ зам заахаб.