Тимофейдэ 1-дэхи 6:1 - Библи

¹ Бурханай нэрэ алдарые, манай һургаалые хүнүүдэй муулахагүйн тула дарлалтада байһан барлагууд эзэдээ алишье талаһаань хүндэлжэ байха ёһотой.

Шэнэ Хэлсээн

¹ Бурханай нэрэ алдарые, манай һургаалые хүнүүдэй муулахагүйн тула дарлалтада байһан барлагууд эзэдээ алишье талаһаань хүндэлжэ байха ёһотой.

Тимофейдэ 1-дэхи 6:1 ပူးပေါင်းရင်းမြစ်များ

Эхин 16:9

Эзэнэй Эльгээмэл айладаба: – Эзэн эхэнэртээ бусажа, мэдэлдэнь оро.

Эхин 24:12

Тиихэдэнь Абраһаамай зараса иигэжэ Эзэниие гуйба: – Эзэн Бурхан, минии эзэн Абраһаамай Бурхан! Абраһаам эзэндэмни үршөөл хайраяа үзүүлжэ, зориһон хэрэгыемни мүнөөдэр бүтэмжэтэй болгыт!

Эхин 24:2

гэр байрынь түлөө харюусадаг ахалагша зарасаяа нэгэтэ дуудаад, иигэжэ хэлэбэ: – Хоёр гуяымни хоорондо гараа табяад,

Эхин 24:27

иигэжэ хэлэбэ: – Эзэн Бурхан, минии эзэн Абраһаамай Бурхан, Өөрын үршөөл хайра, үнэн шударгаа эзэнһээмни холодуулаагүй байһандатнай баясан магтанаб! Та намайе эзэнэймни түрэл саданарта сэхэ асараат!

2 Хаан түрэнүүд 12:14

Харин энэ хэрэг хэжэ, Эзэниие тоогоогүй байһанайш түлөө шинии хүбүүн заабол гээгдэхэ, – гэжэ Натаан хэлэбэ.

4 Хаан түрэнүүд 5:13

Өөрынь һахюулшадһаа хүнүүд тэрээндэ ерээд: – Эсэгэ манай, лүндэншын танда бэрхэшээлтэй юумэ хэ гэжэ хэлээ һаань, хэлэгшыень бэелүүлхэгүй һэн гүт? «Шунга, элдиншни сэбэрлэгдэхэ» гэжэл юрэ тэрэ хэлээ ха юм, – гэжэ байжа аргадабад.

Нэхэмьяа 9:5

Иисүүс, Кадмиһээл, Бании, Хашабнэяа, Шэрээбияа, Һодьяа, Шэбааньяа, Пэтаахияа гэгшэ левидүүд: – Бодогты, тиигээд өөһэдынгөө Эзэн Бурханда магтаал үргэгты! Алдар нэрыень хэтын хэтэдэ магтан дуулагты! Хэнһээшье ехэ алдар солотой, ямаршье магтаалһаа үлүү лэ Танай нэрэ! – гэгты.

Исай 47:6

Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Исай 52:5

Мүнөө Би юу хэхэбиб? Арадни миинтээр баригдажа, ударидагшадынь сурхирса уйлана, Минии нэрэ саг үргэлжэ, үдэр бүри хараалда хүртэжэ байна.

Исай 58:6

Яагаад масаг барихаб гэжэ Минии шэлэһэн түхэл янзань: дарлалтын гэнжэнүүдые, хөөмэгшын ооһор таһалжа, дарлалтада байһан зониие сүлөөдэ табигты.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Эзэкээл 36:23

Өөрынгөө нангин байһые хариин арадуудта гэршэлхэдэм, тэдэ Намайе Эзэн Бурхан гээд ойлгохо. Энэ болбол Би, Эзэн Бурхан, айладхана мүн!

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Матвей 11:30

Минии таанадта үгэхэ хазаар хашар бэшэ юм даа, таанадта ашаха ашаан хүнгэн юм даа.

Матвей 11:9

Таанар юу үзэхэеэ тиишэ ошообта? Лүндэншые гү? Тиимэ даа, тиихэдэ таанад лүндэншэһөө дээгүүр хүниие хараалта гэжэ таанарта хэлэнэб.

Лука 17:1

Иисүүс шабинартаа хэлэбэ: – Хүнэй хорхойтожо, нүгэл хэхэ юумэн олон байдаг. Зүгөөр нүгэл хүүлэгшэ уй гашуудал үзэхэ!

Хэрэгүүд 10:22

– Бидэниие зуунай дарга Корнелий эльгээгээ. Тэрэ үнэн сэдьхэлтэн, Бурханда һүзэглэдэг хүн, тэрэниие бүхы еврей зон ехээр хүндэлдэг. Хэлэһэн юумыетнай Корнелиин шагнахын тула Бурханай Эльгээмэл тэрэниие танда эльгээжэ, таниие гэртээ дуудажа асархыень захираа, – гэжэ харюусабад.

Хэрэгүүд 10:7

Эльгээмэлэй ябаһан хойно Корнелий хоёр зарасаяа, үнэн сэдьхэлтэ сэрэгэй нэгэ туһалагшаяа дуудажа,

Хэрэгүүд 15:10

Тиигээд үбгэ эсэгэнэртэмнайшье, маанадташье даагдахагүй хүндэ ашаае шабинарай хүзүүндэ тээхэеэ оролдон, Бурханиие мүнөө юундэ туршаа юмта.

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

Коринфынхидтэ 1-дэхи 10:32

Иудейнүүдтэшье, бусад арадай зондошье, Бурханай һүзэглэгшэдэй бүлгэмдэшье ямаршье гомдохол түрүүлэнгүй ажамидарагты.

Галадуудта 5:1

Христоосой үршөөһэн эрхэ сүлөөдэ ажамидарагты, дахин барлагууд бү бологты.

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Тимофейдэ 1-дэхи 5:14

Тиимэһээ залуу бэлбэһэн эхэнэрнүүд хадамда гараад, үхибүүдые түрөөд, гэрээ хараад, манай дайсадта бидэниие муулаха шалтагаан олгонгүй байхыень би хүсэжэ байнаб.

Тидтэ 2:5

бэеэ баридаг, арюун сэбэр ябадалтай байхыень, гэрээ һайнаар хаража, нүхэдэйнгөө үгөөр ябахыень баһа заабаришалжа байг. Тиигэжэ Бурханай үгэ муушалха шалтаг тэдэ хэндэшье бү олгог.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.

Пётрой 1-дэхи хандалга 3:16

Тиихэдээ дарууханаар, хүндэлһэнөө харуулан, харюусаарайт. Һэшхэлтнай арюун сэбэр байг, тиигэбэл Христоосто һүзэглэдэг танай ашатай ажамидаралые хардадаг хүнүүд өөһэдынгөө хэлэһэн үгэнүүдһээ эшэхэл.