Тимофейдэ 1-дэхи 3:6 - Библи

⁶ Тэрэ хүн Эзэндэ һаял һүзэглэһэн зоной дундаһаа табигдаха ёһогүй, тиигээ һаа, тэрэ хамараа дээшэнь үргөөд, һүүлдэнь шолмостой хамта буруушаагдажа магадгүй.

Шэнэ Хэлсээн

⁶ Тэрэ хүн Дээдын Эзэндэ һаял һүзэглэһэн зоной дундаһаа табигдаха ёһогүй, тиигээ һаа тэрэ хамараа дээшэнь үргөөд, һүүлдэнь шолмостой хамта буруушаагдажа магадгүй.

Тимофейдэ 1-дэхи 3:6 ပူးပေါင်းရင်းမြစ်များ

4 Хаан түрэнүүд 14:10

Эдоомые диилэһэн илалта шинии толгойе эрьюулээ. Сэдьхэлдээ гансал энэ илалтаараа омогорхо. Юундэ өөртөө гай тодхор бэдэрбэш? Магад, өөрөө хүлөө алдажа, Иудатай хамта унажа болохош!

2 Угай бэшэг 26:16

Уззияа хүсэ шадалтай болоходоо, бардамлажа эхилбэ, энэнь тэрэниие хосоруулаа. Нэгэ үдэр тэрэ Эзэнэй Һүмэ руу орожо, үргэлэй шэрээ дээрэ уталга ууюулба. Иигэжэ тэрэ нүгэл хээ һэн.

2 Угай бэшэг 32:25

Теэд энээнэй түлөө Хэзэкияа Эзэндэ баяр баясхалан хүргэн хүндэлэн ёһолбогүй, юуб гэхэдэ, тэрэ бардамлаа шуу. Иуда болон Иерусалим энээнэй түлөө гэм амасаа һэн.

Һургаал 18:12

Бардам сэдьхэл һүйдхэлэй урда ехэлиг. Хүндэлэлэй урда хүнэй сэдьхэл даруу байдаг.

Һургаал 29:23

Бардам зан хүниие дарана, харин гудагар номгон хүн хүндэдэ хүртэнэ.

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Даниил 11:12

Хэдэн мянгаад сэрэгые хюдаһандаа урда зүгэй хаан ехэ бардамлан байха. Гэбэшье бэшэ тэрэ илалта туйлахагүй.

Лука 10:18

Тиихэдэнь Иисүүс тэдээндээ хэлэбэ: – Тэнгэриһээ сатанагай сахилгаан мэтээр доошоо унаһые Би хараһан байнаб.

Коринфынхидтэ 1-дэхи 3:1

Аха дүүнэр, Һүлдэ тогтооһон хүнүүдтэл адляар таанадта хандан хэлэхэ аргагүй байгааб, харин энэ дэлхэйн хүнүүдтэл, Христоосто һүзэглэһэнөөрөө нарай үхибүүд байһан хүнүүдтэл мэтэ хандан хэлээб.

Коринфынхидтэ 1-дэхи 8:1

Мүнөө онгонуудта үргэгдэһэн эдеэн тухай асуудалаар хөөрэлдэе. Бидэ булта мэдэлгэтэйбди гэжэ тэдэнэй хэлээшэ үнэн зүб юм. Гэхэдэ тиимэ мэдэлгэ хүниие омог бардам болгодог, харин хайра дуран бэхижүүлдэг юм.

Хуули дабталга 17:20

Тиигэбэл, хаан арад зондоо дээрэлхэжэ байхагүй, захяа заабаринуудһаа баруун, зүүн тээшээ хазагайржа байхагүй. Тиимэл хаан ба тэрэнэй уг изагуур удаан саг соо Израилиин хаанта засагые гартаа баряад зонхилхол.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Тимофейдэ 1-дэхи 3:7

Тиихэдээ муугаар хэлүүлхэгүйн тула, шолмосой һабарта орохогүйн тула тэрэ хүн һүзэглэгшэдэйнгөө бүлгэмһөө гадна зоной дунда хүндэтэй байха ёһотой.

Тимофейдэ 1-дэхи 6:4

юушье мэдэхэгүй омог зантай хүн гээшэ. Тиимэ хүн арсалдаа гаргажа, үгэ буляалдажа һурашанхай. Тэдэнь атаа жүтөөн, хэрүүл ама, хорон үгэ ба хуурмаг һэжэг түрүүлдэг.

Тимофейдэ 2-дохи 3:4

урбадаг, убайгүй ябадалтай, маадагар зантай, Бурханда шүтэнхаар, нааршаахань дээрэ гэжэ тоолодог,

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.

Пётрой 2-дохи хандалга 2:4

Эльгээмэлнүүдэйшье нүгэл үйлэдэхэдэ, Бурхан тэдэниие хайрлаагүй, Зарга шүүбэриин Үдэрэй ерэтэр тэдэниие тамада хэтын харанхыда хүлеэд барижа байгаа.

Иудын хандалга 1:6

Эрхэ түрэеэ алдаад, байраяа орхиһон эльгээмэлнүүдые Бурхан харанхыда хэтын хэтэдэ гэнжээр хүлиһэн тухайнь һанагты. Тэдэ Эльгээмэлнүүд агууехэ үдэр зарга шүүбэридэ оротороо тэндэ байха.