Рүүт 4:10 - Библи

¹⁰ Баһа Махлооной бэлбэһэн эхэнэрые, моһааб Рүүдые, өөрын һамган болгон абанаб. Иигэжэ угайнь зөөридэ наһа бараһан хүнэй нэрэ нэрлүүлэгдэхэ, хотын зоной дундаһаа угынь таһалдан үгы болохогүй. Мүнөөдэр таанар энээнэй гэршэнэр мүн! – гэжэ хэлэбэ.

Бурятский Библия. Отдельные книги Ветхого Завета

¹⁰ Баһа Махлооной бэлбэһэн эхэнэрые, моһааб Рүүдые, өөрын һамган болгон абанаб. Иигэжэ угайнь зөөридэ наһа бараһан хүнэй нэрэ нэрлүүлэгдэхэ, хотын зоной дундаһаа угынь таһалдан үгы болохогүй. Мүнөөдэр таанар энээнэй гэршэнэр мүн! — гэжэ хэлэбэ.

Рүүт 4:10 ပူးပေါင်းရင်းမြစ်များ

Эхин 29:27

Түрэ найрай долоон хоногой болзор дүүрэхэдэнь, бидэ бага басагаяа шамда үгэхэбди, зүгөөр тэрэнэй түлөө ши намда үшөө долоон жэл ажаллахаш.

Эхин 38:9

Зүгөөр Тамаарай түрөө һаань, үхибүүниинь тэрэнэй бэшэ, наһа бараһан ахынь гэжэ тоологдохо ёһотойдо Онаан эбсэхэгүй байжа, Тамаартай унтаха бүридөө тэрэниие хээлитэй болгохогүйн тула үрэ һалайгаа газарта адхаруулдаг һэн.

Псалманууд 34:16

Намайе баһан-доромжолон, нам руу шүдөө хабиран байна.

Һургаал 18:22

Эхэнэрые олобол, һайниие олонош. Эзэнэй талархалда хүртэһэнэйш тэмдэг мүн.

Һургаал 19:14

Гэр бууса ба эд хүрэнгэ эхэ эсэгэһээ хүртэдэг, ухаатай эхэнэр Эзэнһээ ерэдэг.

Исай 48:19

Үри һадаһадтнай элһэн мэтэ тоо томшогүй, уг удамтнай орооһон мэтэ тоолошогүй байха байгаал! Тэдэнэй нэрэ Минии урда үгы болохогүй, хосорхогүй байгаал!

Һошээ 12:12

Яков Араамай талмайнууд руу тэрьедэн ошожо, һамга абахын тула хони адуулан байгаа.

Һошээ 3:2

Тиимэһээ би арбан табан шээкэл мүнгөөр, нэгэ хахад хоомэр арбай таряагаар иимэ эхэнэрые худалдан абабаб.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Малаахи 2:14

«Юундэ Эзэн манай үргэл абанагүйб?» гэжэ асуужа болохот. Юундэб гэхэдэ, Эзэн шинии нүгэл хэлгын гэршэ болоно. Өөрынгөө һамгые мэхэлхыеш хараһан байна. Ши залуудаа тэрэ һамга абаа һэнши. Тэрэ шинии хани халуун нүхэр байгаа, хожомынь заяата эхэнэршни болоо. Эзэн тэрээнэй гэршэ болоно.

Эфесэйхиндэ 5:25

Эрэшүүл, Христоос яажа һүзэглэгшэдэй бүлгэмдэ дуратай байжа, тэрэнэй түлөө ами наһаяа үгөө һэм, тон тиигэжэл таанад һамгадтаа дуратай байгты.

Хуули дабталга 25:6

Тэрэ һамганһаа гараһан түрүүшын үхибүүн наһа бараһан аха-дүүгэйнь нэрэ зүүжэ ябаха, гуламтыень залгамжалха болоно. Иигэжэ тэрэнэй нэрэ Израиль соо мартагдахагүй, үлэхэ юм.

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.

Нүүнэй Иисүүс 7:9

Ханаһаан оронойхид ба газар дэлхэйн бүхы зон дуулаад, манай нэрые газар дээрэһээ усадхахал. Тиихэдэнь Танай агууехэ нэрэ нэрлүүлхэдэ Та юу хэхэбта?

Рүүт 4:9

Бооһаз аха заханарта болон бүхы арад зондо хандан: – Мүнөөдэр би Наомииһаа Элимээлэх ба Хилиһоон, Махлооной угай бүхы зөөри худалдан абаһанайм гэршэнэр та бүгэдэ мүн!