Римэйхиндэ 7:6 - Библи

⁶ Харин мүнөө бидэ урдань маанадые хүлеэд байһан Хуулиин талаар үхөөд, эрхэ мэдэлһээнь мултараабди. Саашадаа бидэ бэшэгдэһэн Хуули сахижа, хуушан аргаар алба хэхэгүйбди, харин шэнэ аргаар Һүлдын мэдэлдэ байгаад, Бурханда алба хэхэбди.

Шэнэ Хэлсээн

⁶ Харин мүнөө бидэ урдань маанадые хүлеэд байһан Хуулиин талаар үхөөд, эрхэ мэдэлһээнь мултараабди. Саашадаа бидэ бэшэгдэһэн Хуули сахижа, хуушан аргаар алба хэхэгүйбди, харин шэнэ аргаар Һүлдын мэдэлдэ байгаад, Бурханда алба хэхэбди.

Римэйхиндэ 7:6 ပူးပေါင်းရင်းမြစ်များ

Эзэкээл 11:19

Би тэдээндэ ондоо зүрхэ, ондоо сэдьхэл үршөөхэб, үсэд шулуун зүрхыень абажа, үгэ дууламгай зүрхөөр һэлгэхэб.

Эзэкээл 36:26

Үсэд зүрхыетнай үгэ дууламгай шэнэ зүрхөөр һэлгэхэб. Шэнэ һанаа бодолтой болохот.

Римэйхиндэ 1:9

Зальбарха бүхэндөө таанад тухай дурдажа, таанадтай хэзээшьеб уулзуулхыень гуйдаг байһыемни Бурхан мэдэхэ. Би Хүбүүн тухайнь Һайн Мэдээсэл номнон, үнэн зүрхэнһөө Тэрээндэ алба хэнэб.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Римэйхиндэ 6:11

Тиимэһээ таанадшье нүгэлэй талаар үхөөбди, харин Иисүүс Христоосой үгэһэн амяар Бурханай түлөө ажамидарнабди гэжэ өөһэд тухайгаа бодохо ёһотойт.

Римэйхиндэ 6:19

Таанадай үшөөл гүйсэд болбосороогүй хадатнай би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор бэеынгээ эрхэтэнүүдые нүгэлэй барлаг болгоһон байгаат. Харин мүнөө бэеынгээ бүхы эрхэтэнүүдые үлзытэй хэрэгүүдые бүтээжэ байхаарнь зүб юумэнэй барлагууд болгогты.

Римэйхиндэ 6:2

Үгыл даа. Нүгэлэй талаар үхөөд, эрхэ мэдэлһээнь мултарһан хадаа яажа саашадаашье нүгэл хэжэ ажамидархабибди?

Римэйхиндэ 6:22

Мүнөө таанад нүгэл шэбэлһээ сүлөөлэгдөөд, Бурханай барлагууд болобот. Тэрэнэй үрэ дүндэнь таанад арюун гэгээн болобот, мүнхын амидаралда хүртэбэт.

Римэйхиндэ 6:4

Уһаар арюудхуулхадаа, бидэ Христоостой хамта үхөөд хүдөөлүүлэгдөөбди. Тиимэһээ Эсэгынь алдарта һүр хүсэнэй Христоосые амидыруулһандал адляар бидэшье ажамидаралай шэнэ зүргөөр ябахабди.

Римэйхиндэ 7:1

Аха дүүнэрни, таанад Хуули ойлгонот, тиимэһээ Хуули гансал амиды хүнүүдые захиржа шадаха гэжэ мэдэнэт.

Римэйхиндэ 7:2

Жэшээлбэл, хуулиин ёһоор хадамтай эхэнэр нүхэрэйнгөө амиды байха үедэл нүхэртэйгөө холбоотой; хэрбээ нүхэрынгөө наһа барабалнь, тэрэ эхэнэр гэрлэлгын Хуулиһаа сүлөөлэгдэнэ.

Римэйхиндэ 7:4

Аха дүүнэрни, таанадай нүхэсэл тон тиимэ. Таанад мүнөө Христоосой бэеын эрхэтэн болоод, Хуулитай холбоогоо таһалбат. Мүнөө таанад Бурханда алба хэжэ аша туһатай байхын тула үхөөд амидырһан Христоосой хүнүүд болобот.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Коринфынхидтэ 2-дохи 5:17

Христоостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Галадуудта 3:13

Дээрэмнай бууха ёһотой байһан Хуулиин хэһээлтэһээ бидэниие Христоос аршалжа, тэрэ хэһээлтые Өөр дээрээ даажа абаа. Тиимэһээ Хуули соо баһа иигэжэ бэшэгдээтэй: «Модондо үлгөөтэй хүн хараалда хүртөө».

Галадуудта 6:15

Отолуулһан гү, али отолуулаагүй гү – тэрэнь ямаршье хамаагүй. Шэнэ хүн бии боложо мүндэлһэниинь лэ шухала юм.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Колоссынхидтэ 3:10

Таанад шэнэ хүнүүд болобот. Таанадта Өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил Өөртөө адли болгон шэнэдхэдэг.