Римэйхиндэ 5:9 - Библи

⁹ Христоосой адхарһан шуһанай ашаар бидэ мүнөө Бурханай урда үнэн сэдьхэлтэй болоод, Бурханай хэһээлтэһээ заатагүй абарагдахабди.

Шэнэ Хэлсээн

⁹ Христосой адхарһан шуһанай ашаар бидэ мүнөө Бурханай урда үнэн сэдьхэлтэй болоод, Бурханай хэһээлтэһээ заатагүй абарагдахабди.

Римэйхиндэ 5:9 ပူးပေါင်းရင်းမြစ်များ

Иоанн 5:24

Би таанарта үнэниие хэлэнэб: Минии үгэ дуулаһан хүн, Намайе эльгээгшэ Эсэгэдэ этигэдэг хүн хэтэ мүнхэдөө амиды ябаха. Тиимэ хүн гэмнүүлхэгүй, тиимэ хүн үхэлһөө абарагдан, амидырха.

Римэйхиндэ 1:18

Нүгэлтэ болон бузар муухай юумэнүүдые үйлэдэжэ, үнэн зүбые даража байһан хүнүүдтэ ехэ уур сухалтай байһанаа Бурхан тэнгэриһээ харуулна.

Римэйхиндэ 5:1

Мүнөө бидэ һүзэгэйнгөө ашаар Бурханай урда үнэн сэдьхэлтэй болообди, тиин манай Эзэн Иисүүс Христоосоор дамжан Бурхантай эбээ нэгэдхээбди.

Римэйхиндэ 5:10

Хэрбээ Бурханай дайсадынь байхадамнайшье Тэрэ Өөрынгөө Хүбүүнэй үхэлөөр маанадтай эбээ нэгэдхээ юм һаа, мүнөө эбтэй эетэй байхадамнай, Тэрэ Хүбүүнэйнгээ аминай ашаар маанадые хэһээлтэһээ заабол абарха бэшэ аал.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.

Римэйхиндэ 8:30

Бурхан шэлэжэ абаһан хүнүүдээ дуудаа, дуудаһан хүнүүдээ үнэн сэдьхэлтэй болгоо, үнэн сэдьхэлтэнгүүдые алдар солодоо хүртөөгөө.

Эфесэйхиндэ 2:13

Харин мүнөө Иисүүс Христоостой нэгэдээд, урдань Бурханһаа холо байһан хүнүүд Христоосой шуһаар Тэрээндэ ойртобот.

Эфесэйхиндэ 2:3

Бидэ булта тэдэ зондол адли мүн шанарайнгаа жама ёһоор амидаран, өөһэдын бэеын ба һанал бодолой хүсэлэнгүүдые ханган, хүн бүхэндэл адли Бурханай уур сухал хүргэжэ байгаабди.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Еврейнүүдтэ 9:22

Үнэндөө Хуулиин ёһоор бүхы юумэн шуһаар лэ арюудхагдадаг, тиимэһээ шуһа адхаруулангүй нүгэл сагааруулжа болоогүй һэн.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.