Римэйхиндэ 12:19 - Библи

¹⁹ Аха дүүнэр, үһөөгөө абахые бү һэдэгты, харин Бурханай уур сухалда тэрэнээ даалгагты. «Би үһөөгөө абахаб, Би харюулхаб гэжэ Эзэн хэлэнэ», – гээд Нангин Бэшэг соо бэшээтэй байдаг.

Шэнэ Хэлсээн

¹⁹ Аха дүүнэр, үһөөгөө абаха гэжэ бү забдагты, харин Бурханай уур сухалда тэрэнээ даалгагты. «Би үһөөгөө абахаб, би харюулхаб гэжэ Дээдын Эзэн хэлэнэ», – гээд Нангин Бэшэгтэ бэшээтэй байдаг ха юм.

Римэйхиндэ 12:19 ပူးပေါင်းရင်းမြစ်များ

Һургаал 20:22

«Хорон муугай түлөө хэһээхэм» гэжэ бү хэлэ. Эзэндэ найда, Тэрэ шамайе хамгаалха.

Һургаал 24:29

«Тэрэ намда яажа ханданаб, тиимээр лэ би ханданаб, харюуень тэнсүүгээр хүргэнэб» гэжэ бү хэлэ.

Ерэмияа 51:36

Тиимэһээ Эзэн Иерусалимай улад зондо иигэжэ айладхана: – Би танай хэрэг үмэглэжэ, танай түлөө дайсадһаатнай үһөөгөө абахаб. Би Вавилооной булагые хатаахаб, гол мүрэнүүдыень хуурай болгохоб.

Эзэкээл 25:12

Эзэн Бурхан иигэжэ айладхана: – Эдоомой арад түмэн Иудын зонһоо үһөөгөө ехэ шангаар абаһандаа зэмэтэй.

Левит 19:18

Өөрынгөө яһанай хүндэ бү үһөөрхэгты, бү сухалдагты. Дүтынгөө хүндэ өөртөөл адли дуратай байгты. Би Эзэн гээшэб.

Матвей 5:39

Харин Би мүнөө танда иигэжэ хэлэхэб: хоротоноор бү үһөөрхэлдэ. Хэрбээ баруун хасарыешни хүнэй альгадабал, тэрэ хүндэ зүүн хасараа табижа үгэ.

Римэйхиндэ 12:14

Таанадые хашан мүрдэжэ байһан хүнүүдые үреэжэ, хараалгүйгөөр үреэжэ байгты.

Римэйхиндэ 12:17

Таанадта муу юумэ хэһэн хүндэ харюудань муу юумэ бү хэгты. Харин хүн бүхэнэй һайн гэжэ бододог юумэ бүтээхэеэ оролдогты.

Римэйхиндэ 13:4

Тэдэнэршни шинии аша туһада ажаллажа байһан Бурханай зарасанар ха юм. Хэрбээ харата муухай юумэ үйлэдэжэ байбал, тэдээнһээ айжа бай, тэдэшни хэһээхээр бодото хүсэ шадалтай юм. Тэдэ засаг баригшадшни харата муухай юумэ үйлэдэжэ байһан зониие хэһээдэг Бурханай зарасанар юм.

Эфесэйхиндэ 4:27

Шолмосто шургажа орохо боломжо бү үгэгты.

Хуули дабталга 32:35

Бүдэрхэдэнь, үһөөгөө абахаб, зэмыень амасуулхаб. Хосорхо сагынь дүтэлөө, удахагүй тэдэнэр хэһээгдэхэ».

Хуули дабталга 32:43

Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.

Фессалоникиинхидтэ 1-дэхи 4:6

Тиимэһээ таанадай хэншье Христоосто һүзэглэгшэ ондоо хүндэ муу юумэ хэхэ, мэхэлэн барашхаа ёһогүй. Тиимэ юумэ хэһэн зониие Эзэн хэһээхэ гэжэ бидэ уридшье хэлээ һэмди, мүнөөшье хатуугаар һэргылнэбди.

Тимофейдэ 2-дохи 4:14

Түмэр дархан Александр намда ехэл муу юумэ хээ һэн. Эзэн хэһэн зэргээрнь тэрээндэ харюулаг лэ.

Еврейнүүдтэ 10:30

«Би үһөөгөө абахаб, Би харюулхаб», баһа «Эзэн арад зоноо шүүхэ», – гэжэ хэлэгшые бидэ мэдэнэбди.

1 Хаан түрэнүүд 25:26

Мүнөө, минии эзэн, Эзэнэй нэрээр болон танай ами наһаар тангариглая. Эзэн таниие шуһа урдахуулхаһаа, үһөөгөө абахаһаа тогтоог лэ. Танай дайсад, минии эзэндэ хоро хүсэгшэд Набаалтай адли болохонь болтогой!

1 Хаан түрэнүүд 25:33

Мүн шинии һаруул ухаан магтаалтай! Намайе мүнөөдэр шуһа урдахуулхаһаа болон үһөөгөө абахаһаа болюулһан ши үреэл магтаалтайш!

1 Хаан түрэнүүд 26:10

Давид мүн лэ: – Эзэнэй нэрээр тангаригланаб, Эзэн тэрэниие заабол усадхаха, үгышье һаа, тэрэнэй үхэхэ үдэр ерэхэ, үгы һаа, тэрэ тулалдаанда ошожо гээгдэхэ!

1 Хаан түрэнүүд 26:11

Минии Эзэнэй тоһолһон хүндэ гараа далайхыемни Эзэн хорихо болтогой! Мүнөө толгойнь хажуудахи жада, уһатай домбо абаад ябая, – гэжэ хэлэбэ.