Римэйхиндэ 12:12 - Библи

¹² Найдалаараа урмашажа, зоболон бэрхэшээлнүүдтэ тэсэбэритэй байжа, саг үргэлжэ зальбаржа байгты.

Шэнэ Хэлсээн

¹² Найдалаараа урмашажа, зоболон бэрхэшээлнүүдтэ тэсэбэритэй байжа, саг үргэлжэ зальбаржа байгты.

Римэйхиндэ 12:12 ပူးပေါင်းရင်းမြစ်များ

Псалманууд 109:4

Эзэн тангариг үргөө, хэлэһэн үгэеэ ондоо болгохогүй: «Мэлхицээдэгэй заяаһанаар ши хэтын хэтэдэ санаарта байхаш».

Псалманууд 37:7

Би бүхыгөөб, угаа доошоо тонгойгооб, бүхэлиин үдэр гай гасалантай ябанам.

Псалманууд 40:1

[Дуунай бүлэгэй хүтэлбэрилэгшэдэ: Давидай псалма.]

Псалманууд 62:8

Юуб гэбэл, Та – минии туһаламжа, дали жэгүүр доротнай баясан дууланаб.

Һургаал 10:28

Зүб хүнэй этигэл найдабаринь баяр баясхалан болодог, хара һанаатанай найдабари мүхэдэг.

Һургаал 14:32

Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

Матвей 5:12

Баярлажа, хүхижэ ябагты! Тэнгэридэ таанадта агууехэ шагнал бэлдээтэй байна. Эртэ урда ажамидарһан лүндэншэдые баһал иигэжэ хашажа үлдэжэ байһан юм.

Лука 10:20

Таанад ада шүдхэрнүүдые мэдэлдээ оруулһандаа бэшэ, харин нэрэеэ тэнгэридэ бэшүүлһэндээ баярлагты!

Лука 21:19

Намда үнэн сэхэ байһанайнгаа ашаар таанад абарагдахат.

Лука 8:15

Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Хэрэгүүд 1:14

Тэдэнэр Иисүүсэй эхэ Мариятай, аха дүүнэртэйнь болон бусад эхэнэрнүүдтэй хамта сугларжа, ходо һанал сэдьхэлээрээ нэгэдэн зальбардаг байгаа.

Хэрэгүүд 12:5

Пётрые түрмэдэ барижа байхадань, һүзэглэгшэдэй бүлгэм тэрэнэй түлөө үргэлжэ Бурханда зальбаржа байгаа.

Хэрэгүүд 2:42

Тэдэ зон элшэнэрэй һургаал шагнадаг, бэе бэетэйгээ һайнаар харилсадаг, хамта хоол баридаг, зальбардаг бэлэй.

Хэрэгүүд 6:4

харин өөһэдөө Бурханай үгэ номножо, зальбаран амидархабди.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Римэйхиндэ 15:4

Нангин Бэшэг соо хэлээтэй бүхы юумэнүүд маанадта найдал үгэхэ зуураа һургаха, тэсэбэритэй болгохо, урмашуулха зорилготойгоор бэшээтэй.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Римэйхиндэ 8:25

Харин хараагүй юумэндээ найдахадаа бидэ ехэл тэсэбэритэйгээр хүлеэдэгбди.

Коринфынхидтэ 1-дэхи 13:13

Тиибэ яабашье, би һүзэгтэй, найдалтай, хайра дуратай байнаб. Эдэ гурбанай тон шухалань хайра дуран юм.

Коринфынхидтэ 2-дохи 12:8

Би энээн тухай Эзэндэ гурба дахин зальбарааб, тэрэ хадхуурые намһаа абажа хаяхыень гуйгааб.

Филиппынхидтэ 3:1

Аха дүүнэрни, Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.

Колоссынхидтэ 1:11

Тэрэнэй алдарта хүсэ шадалаар бэхижэн, таанад аргагүй ехэ тэнхээ тэсэбэритэй болохот. Тиимэһээ тэнгэриин гэрэл туяада Өөрынгөө һунгаһан хүнүүдтэ бэлдээд байһан юумые хубаалсаха эрхэ таанадта үгэһэн Эсэгэ Бурхандаа баяртайгаар баясхалан хүргэгты.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 4:12

Иисүүс Христоосой зараса, таанадай үшөө нэгэн болохо Эпапраас таанадта баһа амар мэндые хүргэнэ. Тэрэ таанадай эрхим түгэс боложо, Бурханай эрхэ хүсэлые бүрин мэдэжэ байхын тула таанадай түлөө үргэлжэ Бурханда зальбардаг юм.

Колоссынхидтэ 4:2

Үргэлжэ Бурханда баяр хүргэн зальбарагты, зальбархадаа, һэргэлэн байгты.

Фессалоникиинхидтэ 1-дэхи 1:3

Эсэгэ Бурханай урда тээ этигэл һүзэгөө хэрэг дээрээ бэелүүлдэг байһыетнай, хайра дуран ажалыетнай бэхижүүлдэг байһыень, Эзэн Иисүүс Христоосто бэхи батаар найдажа байдагыетнай бидэ үргэлжэ һанадагбди.

Фессалоникиинхидтэ 1-дэхи 5:8

Гэхэдээ бидэ үдэрэй харьяалай хүнүүд хадаа эрүүл байха ёһотойбди. Бидэ һүзэг ба дуран хоёроо хуяг мэтэ үмдэжэ, абарагдаха найдалгаа дуулга мэтэ углаад байха ёһотойбди.

Фессалоникиинхидтэ 2-дохи 1:4

Тиимэһээ бидэ һүзэглэгшэдэй бүлгэмүүдэй урда таанадаар омогорхонобди. Бүхы хашалан мүрдэлгэнүүдтэ, зоболонгуудта һүзэг этигэлээ алдангүй таанадай тэсэбэритэй байһандатнай омогорхонобди.

Фессалоникиинхидтэ 2-дохи 3:5

Бурханай хайра дурые мэдэрүүлжэ, Христоосой ерэхые хүлеэхэ тэсэбэри Эзэн таанадта үршөөг лэ.

Тимофейдэ 1-дэхи 6:11

Харин ши, Бурханай хүн, эдэ бүхэнһөө болгоомжоло. Ши Бурханай урда үнэн сэдьхэлтэй бай, Бурханай эрхэ хүсэлые гүйсэдхэ, Тэрээндэ һүзэглэжэ, хайра дура сэдьхэлдээ бадараа, тэсэбэритэй, номгон даруу зантай бай.

Тимофейдэ 2-дохи 3:10

Зүгөөр ши минии һургаалые баримталбаш, намдал адли ажамидарнаш, намдал адли зорилготой, һүзэгтэй, хайра дуратай байнаш, намдал адли шиираг тэсэбэритэй байнаш.

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Еврейнүүдтэ 10:32

Таанадтай урдань юунэй тохёолдоһые һанаандаа оруулагты. Бурханай гэрэл туяагай таанадые гэрэлтүүлхэдэ, таанад зоболонгуудые дабан, агууехэ баатаршалга гаргабат.

Еврейнүүдтэ 10:36

Бурханай эрхэ хүсэлые бэелүүлэн, найдуулһан юумыень абаха гэбэл, таанад тэсэбэритэй байха ёһотойт.

Еврейнүүдтэ 12:1

Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.

Еврейнүүдтэ 3:6

Харин Христоос тэрээндэ орходоо Бурханай гэртэ байһан Хүбүүндэл адли найдабаритай. Өөһэдынгөө этигэжэ байһан зориг ба найдабари хадагалжа байбал, бидэ Тэрэнэй гэрынь болохобди.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Еврейнүүдтэ 6:12

Таанадые залхуурангүй, һүзэг этигэлтэй, тэсэбэритэй байгаад, Бурханай найдуулһан юумые хүлеэжэ абадаг хүнүүдтэл адли байхыетнай хүсэнэбди.

Еврейнүүдтэ 6:15

Абраһаам ехэл тэсэбэритэй байжа, Бурханай найдуулһанда хүртөө.

Яковай хандалга 5:7

Зай, аха дүүнэр, Эзэнэй заларан ерэтэр тэсэбэритэй байгты. Таряашаниие хараад үзыт, тэрэ газарһаа ургаса абахын тула ехэл тэсэбэритэйгээр намарай болон хабарай бороо хүлеэдэг.

Пётрой 1-дэхи хандалга 4:13

Зүгөөр, Христоосой зоболонгуудые хубаалсажа байһандаа баясажа байгаарайт, Тэрэнэй һүр жабхалантайгаар ерэхэ Үдэрнь таанад баясахат, хүхихэт.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Гэршэлгэ 13:10

Барисада абтаха хубитай хүн барисада абтаха. Һэлмээр сабшуулжа үхэхэ хубитай хүн һэлмээр сабшуулжа үхэхэ. Бурханай табисуурта арад зон хатуу зоригтой, үнэн шударгы байха ёһотой гэжэ эдэ үгэнүүдһээ элирнэ бшуу!