Римэйхиндэ 11:4 - Библи

⁴ Бурхан харюудань юун гэжэ хэлээ һэм? «Хуурмаг бурхан Баалда һүгэдөөгүй долоо мянган хүниие Би Өөртөө үлөөгөөб».

Шэнэ Хэлсээн

⁴ Бурхан харюудань юун гэжэ хэлээ һэм? «Хуурмаг бурхан Ваалда мүргөөгүй долоон мянган хүнүүдые би өөртөө үлөөгөөб».

Римэйхиндэ 11:4 ပူးပေါင်းရင်းမြစ်များ

3 Хаан түрэнүүд 16:31

Набаадай хүбүүн Еробоһаамай нүгэлые даган байхань багадаад, тэрэ Сидооной хаан Этбаалай басаган Изээбэлые һамга абажа, Баалда мүргэдэг болобо.

3 Хаан түрэнүүд 19:10

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

3 Хаан түрэнүүд 19:18

Гэбэшье Би долоо мянган хүниие Израильда амиды мэндэ үлөөгөөб. Тэдэ бултадаа Баалда һүгэдөөгүй, тэрэниие үнсэн таалаагүй, – гэжэ Эзэн айладаба.

Исай 4:3

Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ.

Ерэмияа 19:5

Түгэс шатаалта үргэл болгон үхи хүүгэдээ галда шатаахын тула тэдэ Баалда обоонуудые бариһан юм. Энэнь Минии хэзээшье захираагүй, хэлээгүй, Минии һанаандашье ороогүй зүйл лэ.

Һошээ 13:1

Эпрааимай обогой зоной үгэ хэлэхэдэ, бусад обогуудай улад зон шэшэрэлдэн айжа байдаг бэлэй. Эпрааимайхид бусадта хүндэтэй һэн. Теэд тэдэ Баалда шүтэжэ, нүгэл үйлэдэжэ, хосоржо байна.

Һошээ 2:8

Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!

Цэпаанияа 1:4

Иудын болон Иерусалимай бүхы ажаһуугшадые усадхахаяа гараа һунгахаб. Баалда мүргэдэг зүйлнүүдэй бүхы үлдөөсые энэ газарһаа үгы хэхэб, шүтээнэй санаартад тушаа һануулха юушье үлөөхэгүйб.

Тоололго 25:3

Израильшууд Пэһоорой Баалда шүтэн мүргэжэ эхилбэ. Тиихэдэнь тэдээндэ Эзэнэй уур сухал бусалба.

Хуули дабталга 4:3

Пэһоорой Баалда Эзэнэй юу хэһые таанад хараа бэлэйт. Пэһоорой Баалда шүтэн мүргэһэн хүн бүхэнииетнай Эзэн үгы хээ бэлэй.

Ударидагшад 2:13

Израильшууд Эзэнээ орхижо, Баалда болон Аштаартуудта шүтэн мүргэжэ эхилбэ.