Матвей 9:33 - Библи

³³ Ада шүдхэрэй гарахада, хэлэ амагүй хүн юумэ хэлэдэг болобо. Улад зон гайхалдажа: – Израильда иимэ мэтын юумэн хэзээшье үзэгдөөгүйл, – гэлсэбэ.

Шэнэ Хэлсээн

³³ Ада шүдхэрыень гаргаһан хойнонь, хэлэ амагүй хүн юумэ хэлэдэг болобо. Улад зон гайхалдажа: «Израильда иимэ мэтын юумэн хэзээшье үзэгдөөгүйл», – гэлсэбэ.

Матвей 9:33 ပူးပေါင်းရင်းမြစ်များ

4 Хаан түрэнүүд 5:8

Элишаа, Бурханай хүн, Израилиин хаанай өөрынгөө хубсаһые таһар удар шуулаһые дуулаад: – Та юундэ өөрынгөө хубсаһа хахар удар шуулабат! Израильда лүндэншэ бии гэжэ хараг, тэрэ хүн намда ерэг лэ, – гэжэ хэлэхыень зарасаяа хаанда эльгээбэ.

Псалманууд 76:1

[Дуунай бүлэгэй хүтэлбэрилэгшэдэ: Едүтүүнэй аялга. Асаапай псалма.]

Исай 35:6

Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Ерэмияа 32:20

Египедтэ гайхамшагта үзэгдэлнүүдые, дүлгэ тэмдэгүүдые харуулаат, мүнөөшье болотор тэдэниие Израильда болон ондоо үндэһэ яһатанай дунда хэнэт. Хаа-хаанагүй Та мэдээжэт.

Матвей 8:10

Иисүүс энээниие дуулаад, ехээр гайхаба, тиигээд хойноһоонь ябаһан зондо: – Би израильшуудайшье дунда иимэ һүзэг этигэлтэй хүниие үзөөгүйб гэжэ таанадта үнэниие хэлэнэб, – гэбэ.

Матвей 9:32

Тэдэ хоёрой гаража байха үедэ ада шүдхэртэ барюулһан хэлэ амагүй нэгэ хүниие Иисүүстэ асарба.

Марк 2:12

Бүхы хүнүүдэй хараһаар байтар үнөөхи үбшэн хүн бодоод, дэбисхэрээ абаад, гаража ябаба. Улад зон бултадаа айхабтар ехээр гайхалдан: – Бидэ иимэрхүү юумэ нэгэтэшье үзөөгүйбди, – гэлдэн, Бурханиие магтаба.

Лука 11:14

Иисүүс нэгэ хүндэ шэгэһэн хэлэгүй ада шүдхэрые бэеһээнь зайлуулба. Ада шүдхэрэй гарахада, тэрэ хүн дуугардаг болошобо. Улад зон ехэтэ гайхалдаба:

Лука 7:9

Иисүүс энээниие дуулаад, ехээр гайхаба. Тиигээд дахажа ябаһан олон зон тээшэ эрьежэ: – Би израильшуудайшье дунда иимэ һүзэг этигэлтэй хүниие үзөөгүйб, – гэбэ.