Матвей 6:19 - Библи

¹⁹ Газар дэлхэй дээрэ баялиг зөөри өөртөө бү суглуулагты, тэрэнииетнай хүйр хорхой, жэбэ жонхо эдижэ магадгүй, хулгайшад шургажа ороод, хулуужа магадгүй.

Шэнэ Хэлсээн

¹⁹ Газар дэлхэй дээрэ баялиг зөөри өөртөө бү суглуулагты, тэрэнииетнай хүйр хорхой, жэбэ жонхо эдижэ магадгүй, хулгайшад шургажа ороод, хулуужа магадгүй.

Матвей 6:19 ပူးပေါင်းရင်းမြစ်များ

Иоов 24:16

Хулгайша хүн харанхы болохые хүлеэгөөд, үдэр хаража абаһан бусадай гэртэ нүхэ малтадаг. Тэдээндэ гэрэл хэрэггүй.

Иоов 31:24

Мүнгэ зөөридэ би найдажа ябаагүйб. Баян шадалтайгаараа бардамлажа үзөөгүйб. Алта мүнгые амидаралай үндэһэн болгоогүйб.

Псалманууд 39:6

Эзэн Бурхамнай! Хэды олон юумэ бүтээгээ гээшэбта! Хэды олон гайхамшагта хэрэгүүдые маанад тушаа түсэблөөт, хэниишье Тантай сасуулмаар бэшэ. Би тэрэ гайхамшагта үйлэнүүдые олондо зарлан хэлэхэб, гэбэшье тэдэ тоолошогүй олон юм.

Псалманууд 62:10

Харин намайе алахаяа бэдэрэгшэд газарай гүн руу шабагдахал!

Египедһээ гаралга 22:2

Хэн нэгэн буха гү, али хони хулгайлаад, алаһан гү, али худалдаһан байбал, тэрэ нэгэ бухын түлөө табан буха ба нэгэ хониной түлөө дүрбэн хони үгэхэ ушартай.

Һургаал 11:4

Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.

Һургаал 16:16

Алта абагшаһаа мэргэн ухаае олохонь үлүү. Бодото мэргэн ухаа абахань мүнгэнһөө үлүү үнэтэй.

Экклезиаст 2:26

Нюдэндөө һайшаагдаһан хүндэ Тэрэ мэргэн ухаа, мэдэлгэ, баяр жаргал үгэдэг. Тиихэдээ Өөрынгөө урда гэмгүй нэгэндэ үгэхын тулада суглуулха, нөөсэлхэ ажалые нүгэлтэй хүнөөр хүүлэдэг байна. Энэньшье дэмы хүлгөөн, һалхи намнаһантай адли.

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Матвей 19:21

Иисүүс тэрээндэ: – Хэрбээ эрхим түгэс байха гэбэл, ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хойноһоомни ябаарай, – гэбэ.

Матвей 6:20

Харин баялигаа тэнгэридэ суглуулагты, тэндэ хибэн хорхойшье, жэбэ жонхошье эдихэгүй, хулгайшадшье шургажа ороод хулуухагүй.

Лука 12:21

Хөөрөөнэйнгөө түгэсхэлдэ Иисүүс: – Эрдэни баялиг Бурханай урда бэшэ, харин өөрынгөө үбэртэ суглуулдаг хүн болгон иимэ хойшолонтой, – гэжэ хэлэбэ.

Лука 12:33

Байһан юумэеэ худалдажа, мүнгынь бадар болгон үгытэйшүүлдэ хубаагты! Үмхирхэгүй дараанаа, барагдашагүй баялигаа тэнгэридэ хадагалагты, тэндэ хулгайшаншье ойронь хүрэхэгүй, хибэн хорхойшье химэлхэгүй.

Лука 12:39

Хэрбээ гэрэй эзэн хулгайшанай хэдыдэ орожо ерэхые мэдэжэ байбал, һэргэлэн байжа, хулгайшаниие гэртээ шургуулан оруулхагүй һэн бэзэ гэжэ таанар һайн мэдэнэт.

Лука 18:22

Энэ харюуень дуулаад, Иисүүс тэрээндэ хэлэбэ: – Үшөөл нэгэ юумэн шамда дутана: зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хажуудамни ябаарай.

Лука 18:24

Тэрэнэй гашуудал ойлгоод, Иисүүс хэлэбэ: – Баян хүнүүдэй Бурханай хаан орондо орохонь бэрхэтэйл байха даа.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.