Матвей 6:12 - Библи

¹² Манда муу юумэ хэгшэдые манай хүлисэдэгтэл адляар, маанадай буруу хэрэгүүдые хүлисыт даа.

Шэнэ Хэлсээн

¹² Манда муу юумэ хэгшэдые манай хүлисэдэгтэл адляар, маанадай буруу хэрэгүүдые хүлисыш даа.

Матвей 6:12 ပူးပေါင်းရင်းမြစ်များ

3 Хаан түрэнүүд 8:30

Минии болон Өөрын арад түмэн Израилиин энэ газарта зальбаржа гуйжа байхада, огторгойдо оршогшо газарһаа маанадые анхаржа, нүгэлымнай хүлисэжэ хайрлыт!

3 Хаан түрэнүүд 8:34

огторгойн уудамһаа тэдэниие дуулажа, Өөрын арад түмэн Израилиин нүгэл хүлисэжэ, элинсэг хулинсагтань үгэһэн газар дайда руу тэдэниие бусаагыт!

3 Хаан түрэнүүд 8:39

Оршодог газар – огторгойн уудамһаа тэдэнэй гуйлта дуулажа, тэдэниие хүлисэжэ, хэһэн хэрэгэйнь хэмээр хүн бүхэндэ хэһээлтыень амсуулжа, ашыень харюулыт. Хүнэй зүрхэ сэдьхэлдэ юун байһые гансал Та мэдэнэ ха юмта.

3 Хаан түрэнүүд 8:50

Хэды ехэ нүгэл хээшье һаань, арад түмэнөө хүлисыт, баряанда абагша дайсадайнь тэдээндэ һайнаар хандахыень үршөөгыт!

Псалманууд 32:1

Зүб шударга улад зон, Эзэн тухай баясан хүхилдэн байгты! Сэхэ сэбэр зантай зоной Эзэндэ магтаал үргэхэнь угаа таатай.

Египедһээ гаралга 34:7

Үршөөл хайрань мянганшье үедэ хубилдаггүй: зэмэ, нүгэл, гэмтэ ябадал Тэрэ тэсэн даадаг. Теэд гэмтэниие гэмгүй гэхэгүй: эсэгын нүгэлэй түлөө үри хүүгэдыень, аша гушанарыень хэһээдэг!

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Даниил 9:19

Эзэмнай, маанадые шагныт! Эзэмнай, хүлисыт! Эзэмнай, анхарыт! Энэ болбол Танай нэрэ зүүгшэ хото, мүн Танай арад түмэн, тиимэһээ Өөрын нэрэ хүндые хаража, гуйлтыемнай дүүргыт, бү удаарыт!

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Матвей 9:2

Хэдэн хүн тэрээндэ саа үбшэндэ дайруулһан нэгэ хүниие шэрдэгтэйнь тэлээд асарба. Иисүүс тэдэ зоной аргагүй ехэ этигэлтэй байһыень хараад, саа үбшэнтэндэ хандан: – Ши, хүбүүн, зоригоо бү алда! Нүгэлнүүдшни хүлисэгдэбэ, – гэжэ хэлэбэ.

Марк 11:25

Баһа таанад зальбаржа байхадаа, хэн нэгэндэ гомдолтой һаа, тэрэ хүнөө хүлисэгты. Тиигэбэл тэнгэридэ оршодог Эсэгэтнайшье танай нүгэлые хүлисэхэ.

Лука 11:4

Манда мууе хэһэн алибаа хүниие манай хүлисэдэгтэл адляар бидэнэйшье нүгэл хилэнсые хүлисыт даа. Горидолго хорхойтуулгада маниие бү оруулыт даа!

Лука 13:4

Үгышье һаа, унаһан Шилоамай аранга самхагта даруулжа үхэһэн арбан найман хүниие Иерусалимай бүхы зонһоо үлүү ехэ нүгэлтэй байгаа гэжэ һанана аалта?

Лука 6:37

– Бусад зониие бү шүүбэрилэн зэмэлэгты, тиигэбэл Бурхан таанадые шүүбэрилэн зэмэлхэгүй. Бусадые бү муушалагты, тиихэдээ өөһэдөө муушалуулхагүйт. Бусадые хүлисэжэ байгты, тиихэдэтнай Бурхан таанадые хүлисэхэ.

Хэрэгүүд 13:38

Тиимэһээ, аха дүүнэрни, Иисүүсээр дамжуулан, Бурхан таанадта нүгэл хүлисэхэ тухай айладхаа гэжэ мэдэгты. Моисейн Хуули сахяадшье хүлисүүлхэ аргагүй нүгэлнүүдые Иисүүстэ этигэдэг хүн бүхэндэ Иисүүсэй хүсөөр тэрэ нүгэлнүүдынь хүлисэгдэбэ.

Эфесэйхиндэ 1:7

Тэрэ агууехэ буян хэшэгтээ маанадые элбэг дэлбэгээр хүртөөгөө. Тэрэнэйнь ашаар бидэ Хүбүүнтэйнь нэгэдээд, шуһанайнь сэнгээр сүлөөтэй боложо, нүгэлнүүдээ хүлисүүлээбди. Тэрэ сэсэн ухаагаараа, оюун мэдэлээрээ

Эфесэйхиндэ 4:32

Харин бэе бэеэ энхэрэн, хайрлажа ябагты, Бурханай Христоосоор дамжан таанадые хүлисэһэндэл адляар бэе бэеэ хүлисэжэ байгты.

Колоссынхидтэ 3:13

Таанад бэе бэеэ ойлгожо байгты, тиимэһээ хэн нэгэнэйтнай нүгөөдэдөө гомдолтой байбалнь, гомдохооһон хүнөө хүлисэжэ байгты. Эзэнэй таанадые хүлисэһэндэл адли таанад бэе бэеэ хүлисэжэ байха ёһотойт.