Матвей 28:6 - Библи

⁶ Тэрэтнай эндэ үгы! Өөрынгөө хэлээшээр Тэрэтнай амидыраа. Ороод, шарилайнь хэбтэһэн газарые харагты.

Шэнэ Хэлсээн

⁶ Тэрэтнай эндэ үгы! Өөрынгөө хэлээшээр тэрэтнай амидыраа. Ороод, шарилайнь хэбтэһэн газарые харагты.

Матвей 28:6 ပူးပေါင်းရင်းမြစ်များ

Матвей 12:40

Яажа Иона халим загаһанай гэдэһэн дотор гурбан үдэр, гурбан һүни үнгэргөө һэм, тон тиигэжэл Хүн түрэлхитэнэй Хүбүүн гурбан үдэр, гурбан һүни соо газарай гүндэ оршохо.

Матвей 16:21

Тэрэ сагһаа эхилээд, Иисүүс өөртэйнь юунэй ушарха тухай шабинартаа хэлэдэг болобо. – Би Иерусалим ошохо ёһотойб, тэндэ ахамадһаа, түрүү санаартанһаа, Хуули заадаг багшанарһаа боложо ехэ зоболон эдлэхэб. Би алуулхаб, тиигээд гурбан үдэрһөө амидырхаб, – гэдэг байба.

Матвей 17:9

Шабинартаяа хадаһаа буужа ябахадаа, Иисүүс: – Хүн түрэлхитэнэй Хүбүүнэй үхөөд амидыртар, энэ үзэһэнөө хэндэшье бү хөөрэгты, – гэжэ тэдээндээ захирба.

Матвей 20:19

Тиигээд Тэрээниие хариин зоной гарта тушааха. Тэдэнь Тэрээниие доромжолон наада бариха, сохихо, хэрээһэндэ хадаха. Тиигэбэшье Хүбүүн үхөөд, гурбадахи үдэртөө амидырха, – гэбэ.

Матвей 27:63

– Ноён аа! Тэрэ мэхэшэнэй үшөө амиды байхадаа: «Гурбан үдэрһөө амидырхаб», – гэжэ хэлэһые һанабабди.

Марк 16:6

тэрэ хүн: – Бү айгты! Таанад хэрээһэндэ хадуулһан Назаредэй Иисүүсые бэдэрнэт гэжэ би мэдэнэб. Тэрэтнай эндэ үгы, амидыраа. Энэ бэеыень табиһан газар харыт.

Марк 8:31

Иисүүс Өөртэйнь юу болохо тухай шабинартаа хөөрэжэ эхилбэ: – Хүн түрэлхитэнэй Хүбүүн аргагүй ехээр зобохо, ахамадууд, ахамад санаарта болон Хуули заадаг багшанар Тэрээнһээ арсаха. Тэрээниие алаха, теэд гурбадахи үдэртөө Тэрэ амидырха.

Лука 24:12

Зүгөөр Пётр һууриһаа бодоод, агы нүхэн тээшэ гүйжэ ошобо. Тонгойгоод харахадань, орёоһон бүдэнь лэ байба. Ямар һонин юумэн болооб гэжэ гайхаһаар тэрэ гэртээ бусаба.

Лука 24:23

Иисүүсэй шарил агы нүхэн хуурсагтаа байбагүй. Тэндэ Бурханай хоёр Эльгээмэлынь эхэнэрнүүдтэ үзэгдэжэ, «Иисүүс амиды!» – гэжэ хэлэһэн байгаа.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.

Иоанн 10:17

Дахин амидырхынгаа тула Би ами наһаяа үгэхэб, тиимэһээ Эсэгэмни Намда дуратай юм.

Иоанн 2:19

– Энэ Һүмэ һандаргагты, тиигээд Би энээниие гурбан үдэр соо дахин бодхоохоб, – гэжэ Иисүүс еврейнүүдэй ахамадуудта хэлэбэ.

Хэрэгүүд 2:24

Гэбэшье Бурхан Тэрэниие үхэлэй зоболонһоо аршалан амидыруулаа, үхэл Тэрэниие һабартаа барижа шадахагүй байгаа бшуу.