Матвей 27:31 - Библи

³¹ Тиигэжэ Иисүүсые ханатараа баһаад, удаань үнөөхи улаан субыень тайлажа хаяа. Тиигээд Өөрынь хубсаһа үмдэхүүлээд, хэрээһэндэ хадахаяа абаашаа һэн.

Шэнэ Хэлсээн

³¹ Тиигэжэ Иисусые ханатараа баһаад, удаань үнөөхи улаан субыень тайлажа хаяа. Тиигээд өөрынь хубсаһа үмдэхүүлээд, хэрээһэндэ хадахаяа абаашаа һэн.

Матвей 27:31 ပူးပေါင်းရင်းမြစ်များ

3 Хаан түрэнүүд 21:10

урдаһаань харуулан, хоёр этэгээдүүдые һуулгаад, «энэ хүн Бурханиие ба хааниие хараана» гэжэ худалаар гэршэлхыень заагты. Тиигээд тэрэниие гаргажа, үхэтэрынь шулуугаар сохигты.

3 Хаан түрэнүүд 21:13

Хоёр этэгээдүүд урдаһаань хараад һуужа, «Набоот Бурханиие болон хааниие хараана» гэжэ худалаар хардан, зоной дуулахаар хэлэбэ. Тиигээд Набоодые хотоһоо гаргаад, үхэтэрынь шулуугаар сохибо.

Исай 53:7

Тэрэ тамалагдаа, зобоошье һаа, юушье дуугараагүй. Үүслэгдэхээ туугдажа байһан хурьгандал адли, нооһо хиргагшын урда байһан хониндол адли Тэрэ абяа гараагүй.

Тоололго 15:35

Тиихэдэнь Эзэн Моисейдэ иигэжэ айладаба: – Энэ хүн үхэхэ ёһотой. Энэ хүниие хотон хүреэнэй газаа гаргаад, шулуугаар шэдэжэ алагты!

Матвей 20:19

Тиигээд Тэрээниие хариин зоной гарта тушааха. Тэдэнь Тэрээниие доромжолон наада бариха, сохихо, хэрээһэндэ хадаха. Тиигэбэшье Хүбүүн үхөөд, гурбадахи үдэртөө амидырха, – гэбэ.

Матвей 21:39

Тиигээд тэрэ хүбүүень барижа, үзэмэй сэсэрлигһээ гаргаад, алажархёо бэлэй.

Матвей 26:2

– Хоёр хоноод, Паасхын һайндэр болохо гэжэ мэдэнэт, тиихэдэ Хүн түрэлтэнэй Хүбүүниие хэрээһэндэ хадажа саазалха, – гэжэ хэлэбэ.

Марк 15:20

Тиигэжэ сэрэгшэд Иисүүсые ханатараа баһаад, удаань үнөөхи улаан субыень тайлаба. Тиигээд Өөрынь хубсаһа үмдэхүүлээд, хэрээһэндэ хадахаяа абаашаа һэн.

Иоанн 19:16

Тиихэдэнь лэ Иисүүсые хэрээһэндэ хадажа саазалхыень Пилат зүбшөөһэн байна. Тэдэ Иисүүсые харуулда дамжуулба. Тиихэдэнь тэдэ Иисүүсые туужа абаашаба.

Иоанн 19:27

Удаань шабидаа: – Энэ шинии эжы гээшэ, – гэбэ. Хожомынь тэрэ шабинь Иисүүсэй эжые гэртээ асаржа байлгаа.

Хэрэгүүд 7:58

тэрэниие хотоһоо гаргаад, шулуудаба. Гэршэнэр өөһэдынгөө субые тайлаад, Саул гэжэ нэрэтэй хүбүүнэй хүлдэнь орхибо.

Еврейнүүдтэ 13:12

Тиимэһээ Иисүүсшье арад зоноо шуһаараа арюудхахын тула хотоһоо гаргуулан саазалуулаа.