Матвей 27:30 - Библи

³⁰ Тиигээд Тэрээниие нёлбобо, таягынь абаад, тархи түрүүень сохибо.

Шэнэ Хэлсээн

³⁰ Тиигээд тэрээниие нёлбобо, таягынь абаад, тархи түрүүень сохибо.

Матвей 27:30 ပူးပေါင်းရင်းမြစ်များ

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 50:6

Намайе сохигшодто нюргаа табижа үгөөб, доромжолходонь, тэдэниие болюулаагүйб, һахалыемни зулгаагша хүндэ хасараа табяад үгөөб, нёлбоходонь, нюураа халхалаагүйб.

Исай 52:14

Тэрэниие харахадаа, олон зон сошоо бэлэй: түһөө шарайнь угаа муухай, хүнэй нюурта адли бэшэ һэн, харахада, хүн бэшэ шэнги һэн.

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Исай 53:7

Тэрэ тамалагдаа, зобоошье һаа, юушье дуугараагүй. Үүслэгдэхээ туугдажа байһан хурьгандал адли, нооһо хиргагшын урда байһан хониндол адли Тэрэ абяа гараагүй.

Михей 5:1

Сэрэгэй бүлэгүүдэй хото! Сэрэгээ суглуулан, дайлалдахада зохистойгоор таби! Дайсад бидэниие бүһэлөөл! Тэдэ Израилиин удамаршые хасар руунь һабаа модоор сохихо.

Матвей 26:67

Тиигээд тэдэнэр Иисүүсэй нюур руунь нёлбобо, нюдаргаараа сохибо, зариман Тэрэнэй хасарые альгадажа байгаад:

Марк 10:34

Тэдэнь Тэрэниие баһаха, нёлбохо, сохихо, хожомынь алаха. Зүгөөр Хүбүүн гурбадахи үдэртөө амидырха.

Марк 14:65

Тиигээд зариманиинь Иисүүсые нёлбожо оробо, нюдыень боогоод, нюдаргаараа шаан: – Таниие хэн сохёоб, хэлэгты даа! – гэлдэбэ. Удаань харуулшад Тэрэнэй хасарые альгадаба.

Марк 15:19

Тиигээд сэрэгшэд Тэрэнэй тархи түрүүень таягаар сохижо, урдаһаань нёлбожо, мүн үбдэг дээрээ унан дохибо.