Матвей 26:55 - Библи

⁵⁵ Тиигээд Иисүүс зэбсэгтэй ерэһэн улад зондо хандажа: – Таанар дээрмэшэниие барихаяа гараһандал һэлмэ, шиидам һаднагтайгаар Намайе барихаяа ерэбэ гүт? Теэд үдэр бүхэн таанадые Һүмэ соо һургахадамни Намайе барижа хаадаггүй бэлэйлта, – гэбэ.

Шэнэ Хэлсээн

⁵⁵ Тиигээд Иисус зэбсэгтэй ерэһэн улад зондо хандажа: «Таанар дээрмэшэниие барихаяа гараһандал һэлмэ, шиидам һаднагтайгаар намайе барихаяа ерэбэ гүт? Теэд үдэр бүхэн таанадые Бурхан Һүмэ соо һургахадамни намайе барижа хаадаггүй бэлэйлта», – гэбэ.

Матвей 26:55 ပူးပေါင်းရင်းမြစ်များ

Матвей 21:23

Һүмэдэ Иисүүсэй дахин ерээд һургажа байхадань, түрүү санаартан, улад зоной ахамадууд Тэрээндэ ойртожо: – Та иимэ юумэ хэхэ ямар эрхэтэйбта? Иимэ эрхэ засаг Танда хэн үгөөб? – гэжэ асууба.

Матвей 26:47

Иисүүсэй иигэжэ хэлэжэ байтарнь, арбан хоёр шабинарайнь нэгэн болохо Иуда ерэбэ. Тэрээнтэй хамта түрүү санаартанай, улад зоной ахамадуудай, Хуули заадаг багшанарай эльгээһэн һэлмэ, шиидам һаднаг бариһан олон зон байба.

Марк 10:1

Иисүүс тэндэхи газарһаа гараад, Иордан голой нүгөө талада оршодог Иудей можо ерэбэ. Дахяад лэ ехэ олон зон Тэрээндэ ерэжэ, Иисүүс тэдэниие урдынхидаал адляар һургаба.

Марк 12:35

Һүмэ соо зониие һургажа байхадаа Иисүүс һураба: – Бурханай табисуурта болбол Давидай үри һадаһан байха гэжэ Хуули заадаг багшанар юундэ хэлэдэг бэ?

Лука 19:47

Иисүүс үдэр бүри Һүмэ руу ерэжэ, һургаалаа номнодог байгаа. Түрүү санаартан, Хуули заадаг багшанар, ахамадууд хамтаржа, Иисүүсые алаха гэлсээ.

Лука 20:1

Нэгэтэ Һүмэ соо зондо һургаалаа номножо, Һайн Мэдээсэл айладхажа байхадань, түрүү санаартан, Хуули заадаг багшанар, ахамадууд ерэжэ:

Лука 4:20

Иисүүс номоо хаажа, мүргэлэй гэрэй нэгэ туһалагшада бусаажа үгөөд, һууба. Мүргэлэй гэр соо байһан хүнүүд булта Тэрээн тээшэ хараһаар байгаа.

Иоанн 7:14

Һайндэрэй хахад сагынь үнгэршэхэдэ Иисүүс Һүмэ соо бии боложо, һургаалаа номнобо.

Иоанн 7:28

Тиихэдэнь Иисүүс һургаалаа Һүмэ дотор номножо байгаад: – Таанар Намайе мэдэнэ гүт? Минии хаанаһаа ерэһэн тухай баһа мэдэнэ гүт? Би Өөрэһөөн ерээ бэшэб. Намайе эльгээгшэдэ этигэжэ болохо, зүгөөр таанар Тэрээниие мэдэхэгүйт.

Иоанн 8:2

Эртэ үглөөгүүр Иисүүсэй дахин Һүмэ ерэхэдэ, бүхы зоной Тэрээндэ ерэхэдэнь, Иисүүс номнол айладхаба.

Иоанн 8:20

Һүмэдэ мүнгэ алта үргэдэг газарай хажууда зогсон номножо байхадаа, Иисүүс тиигэжэ хэлээ һэн. Хэншье Тэрээниие барижа тушаагаагүй, ушарынь нэрлэбэл, Тэрэнэй сагынь үшөө ерээдүй байгаа.