Матвей 24:31 - Библи

³¹ Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Шэнэ Хэлсээн

³¹ Шанга дуутай бүреэгэй дуугархада, тэрэ өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Матвей 24:31 ပူးပေါင်းရင်းမြစ်များ

Псалманууд 67:7

Гансаардаһан зондо Бурхан гэр байра болон гэр бүлэ үршөөдэг, баряанда байгшадые гэнжэһээнь сүлөөлдэг. Харин буһалгаата зон сүл губида үлэг лэ!

Псалманууд 81:3

Ядуу болон үншэн хэнзые аршалагты, зобоһон-тулиһан болон үгытэй зониие зүбөөр шүүжэ байгты.

Египедһээ гаралга 19:16

Гурбадахи үдэрынь эртэ үглөөнһөө тэнгэри дуугарба, сахилгаан сахилба, хадын орой үдхэн үүлэндэ хушагдаба. Бүреэгэй шанга абяанай соностоходо, зоной зосоо заригад гэбэ.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 60:4

Оршон тойроод харыш: улад зоншни гэртээ ерэхэеэ забдажа байна. Хүбүүдшни алас холоһоо ерэхэ, басагадыеш үхи хүүгэд мэтээр гар дээрээ үргэн ерэхэ.

Даниил 7:2

Даниил иигэжэ хөөрэнэ: – Һүниндөө иимэ үзэгдэл зүүдэн соогоо харааб – тэнгис далай дээрэ дүрбэн зүгһөө һалхи шуурган үлеэн-һүүен байба.

Захарияа 14:5

«Минии уулын хүндыгөөр таанар зугадаха болонот, уулын хүнды Ацээлдэ хүрэхэ юм. Иудын хаан Уззияагай байха үедэ газарай хүдэлэлгэһөө тэрьелһэн шэнги тэрьелхэт». Тиин минии Бурхан болохо Эзэн заларха, Тэрээнтэй хамта хамаг гэгээн сэрэгынь ерэхэ.

Захарияа 2:6

«Һүүе! Һүүе! Хойто зүгэй оронһоо бодон тэрьелэгты! Ушарынь хадаа Би таанарые тэнгэриин дүрбэн һалхин мэтэ сасан тарааһан байгааб» гээ.

Захарияа 6:5

– Дүрбэн һалхин гээшэ. Тэдэ хамаг юртэмсын Эзэнэй урда гараад байна.

Захарияа 9:10

Энэ хаан тунхаглана: «Эпрааимай дайшалхы тэргэнүүдые бута сохихоб, Иерусалимда моритониие таһа татахаб. Дайнай һурша номо усадхагдаха». Энэ хаан энхэ тайбаниие тунхаглажа, Тэрэнэй эзэрхэл далайһаа далай хүрэтэр, Евфрадай заха хүрэтэр оршохо.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.

Матвей 13:41

Хүн түрэлхитэнэй Хүбүүн Эльгээмэлнүүдээ ябуулха, тэдэнь хаан орон соонь бүхы буруу ябадалтаниие болон бусад зониие нүгэлдэ оруулагшадые суглуулха,

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 24:32

– Боди модонһоо жэшээ абагты: тэрэнэй һалаа мүшэрнүүдэй зөөлэрөөд, набша намаагайнь һалбархада, зун ойртобо гэжэ мэдэдэгта.

Матвей 25:31

– Хүн түрэлхитэнэй Хүбүүн алдар солотойгоор бүхы Эльгээмэлнүүдтэйгээ хамта ерэхэдээ, Өөрынгөө алдарта шэрээдэ һууха.

Матвей 28:18

Тиигээд Иисүүс тэдэндэ ойртоод: – Тэнгэридэшье, газар дээрэшье бүрин эрхэ засаг Намда үгтэбэ!

Марк 13:27

Тиигээд Тэрэ Бурханай шэлэжэ абаһан зониие суглуулхын тула газар дэлхэйн заха хизаарһаа огторгойн заха хизаар хүрэтэр Эльгээмэлнүүдээ ябуулха.

Лука 24:47

Тиигээд нүгэлөө хүлисүүлхынь тула бүхы арадуудта Бурханда хандагты гэһэн мэдээсэл Тэрэнэй нэрээр номногдохо ёһотой. Таанад Иерусалимһаа эхилээд,

Иоанн 11:52

Гансашье еврей зоной түлөө бэшэ, харин дэлхэй дээгүүр эндэ тэндэ бутаран тарашаһан Бурханай бүхы үхибүүдые суглуулан нэгэдхэхын түлөө үхэхэ.

Римэйхиндэ 10:18

Израилиин арад зон мэдээсэл соносоогүй аал гэжэ би асуунаб. Юундэ соносохогүйб, «Тэдэнэй хэлээшэнь бүхы газар дэлхэйгээр тараа, тэдэнэй үгэнүүдынь газар дэлхэйн заха хизаар хүрөө», – гэжэ Нангин Бэшэг соо хэлэгдэнэ.

Эфесэйхиндэ 1:10

Һанаашалһан юумэеэ Бурхан хэрэгтэй сагта бэелүүлхэ, тиин Христоос огторгойн ба дэлхэйн бүхы юумые эблүүлэн нэгэдүүлхэ.

Хуули дабталга 30:4

Тэнгэриин хирхаг хүрэтэр тараагдаһан байгаашье һаатнай, Эзэн Бурхантнай таанадые суглуулжа, тэндэһээ һөөргэнь асархал.

Хуули дабталга 4:32

Урданайнгаа үе саг һанаад үзэгты, алтан дэлхэй дээрэ хүниие Бурханай байгуулһан үдэрһөө хойшо, дэлхэйн нэгэ захаһаа нүгөө заха хүрэтэр энээндэл адли агуу хэрэг байгаа юм гү, энээндэл адли юумэн дуулдаһан гээшэ гү? Иимэ гайхамшагта хэрэг хэзээ нэгэтэ болоо һэн гү? Үгы!

Фессалоникиинхидтэ 1-дэхи 4:16

Айладхаһан абяанай гарахада, Бурханай ахалагша Эльгээмэлэй дуу дуулдахада, Бурханай бүреэгэй дуугархада, Эзэн Өөрөө тэнгэриһээ доошоо бууха. Эдэ бүхэнэй болохын урда тээ Христоосто һүзэгтэйгөөр наһа бараһан зон амидырха.

Фессалоникиинхидтэ 2-дохи 2:1

Эзэн Иисүүс Христоосой ерэхэ болон бидэнэй Тэрээнтэй хамта байха суглаан тухай хэлэбэл, аха дүүнэрни,

Еврейнүүдтэ 12:19

бүреэгэй дуугархада, дуунуудай шууяандашье таанад ерээгүйт. Хүнүүд тэрэ дуу дуулахадаа, ондоо нэгэшье үгэ хэлэнгүй байхыень гуйжа байгаа,

Гэршэлгэ 1:20

Минии гартаа баряад байхые шинии хараһан долоон одонуудай, алтан долоон дэнгүүдэй нюусань иимэ: долоон одонууд һүзэглэгшэдэй долоон бүлгэмүүдэй Эльгээмэлнүүд мүн, шинии хараһан долоон дэнгүүд һүзэглэгшэдэй долоон бүлгэмүүд мүн гээшэ.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 7:1

Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.

Гэршэлгэ 8:2

Тиигээд Бурханай урда долоон Эльгээмэлнүүдэйнь зогсожо байхые харабаб. Тэдэ Эльгээмэлнүүдтэ долоон бүреэнүүд үгтэбэ.