Матвей 24:24 - Библи

²⁴ Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Шэнэ Хэлсээн

²⁴ Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 24:24 ပူးပေါင်းရင်းမြစ်များ

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Матвей 22:14

Уряалаар ерээшэд олоншье һаа, шэлэгдэн абтаашад үсөөн юм, – гэжэ Иисүүс хөөрөөгөө түгэсхэбэ.

Матвей 24:11

Баһа олон хуурмаг лүндэншэд бии болохо, олон уладай толгой эрьюулэн мэхэдээ оруулха.

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Матвей 24:25

Болохо бүхы юумые Би таанадта эртэнһээ һэргылжэ хэлэбэб.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Матвей 24:5

Юуб гэхэдэ, олон хүнүүд Минии нэрые зүүжэ ерэхэ: «Би Бурханай табисууртаб», – гэжэ өөһэд тухайгаа гэршэлхэ, тиигэжэ олонииетнай мэхэдээ оруулха.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Марк 13:22

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Иоанн 4:48

– Гайхамшаг дүлгэ тэмдэгүүдые, хэрэгүүдые үзөөгүй һаа, хэнтнайшье этигэхэгүйл! – гэжэ Иисүүс харюусаба.

Иоанн 6:37

Минии Эсэгын Намда үгэһэн хүн бүхэн Намда ерэхэ. Намда ерэһэн хүниие Би намнахагүйб.

Иоанн 6:39

Намайе эльгээһэн Эсэгын дура хүсэлынь иимэ: Тэрэнэй Намда үгэһэн хүнүүдэй нэгыеньшье хосороонгүйгөөр, һүүлшын Үдэртэ бүгэдые амидыруулха.

Хэрэгүүд 20:16

Павел Асида удаан болохогүйн тула, Эфес руу зогсонгүй тамарха гэжэ шиидэбэ. Арга байбал, Табидахи үдэрэй һайндэрые Иерусалимда угтаха һанаатай тэрэ ехэл яаралтай ябаба.

Римэйхиндэ 12:18

Хүн бүхэнтэй эбтэй эетэй байхые хэшээжэ, бүхы шадалаараа шармайгты.

Галадуудта 4:15

Урматнай хосороо гээшэ гү? Тэрэ үедэ таанар нюдөөшье хайрлангүй, таһа татажа гаргаад, намда үгэхөөр бэлэн байгаа һэнта гэжэ би гэршэлнэб.

Хуули дабталга 13:1

Таанадай дунда лүндэншэ гү, али зүүдэ тайлбарилагша бии болоод, дүлгэ тэмдэг гү, али гайхамшагта үзэгдэл харуулхаяа найдуулжа,

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Пётрой 2-дохи хандалга 3:17

Хайрата аха дүүнэрни, таанад энээн тухай мэдэн, болгоомжотой байгты, Бурханиие буруушааһан эдэ хүнүүдтэл адли үндэһэ һууригүй зон бү бологты.

Иоаннай 1-дэхи хандалга 2:18

Үхибүүд, һүүлшын саг ерэбэ! Христоосой дайсан ерэхэ ёһотой гэжэ таанар дуулаһан байхат. Тиин Христоосой дайсад мүнөө олон болонхой. Иихэдээ һүүлшын саг ерэбэ гэжэ мэдэнэбди.

Иоаннай 1-дэхи хандалга 2:22

Худалша гээшэмнай хэн гээшэб? Иисүүсые Бурханай табисуурта Христоос гэжэ тоолодоггүй хүн худалша мүн. Христоосой дайсан хадаа Эсэгэ Бурханай, Тэрэнэй Хүбүүнэй байһые арсагша юм.

Иоаннай 1-дэхи хандалга 5:18

Бурханһаа түрэһэн хүн бүхэн нүгэл хэгшэгүй гэжэ бидэ мэдэнэбди: Бурханһаа түрэһэн хүниие Бурханай Хүбүүн хаража аршалжа байдаг. Шолмос тэрэ хүндэ муу юумэ хэжэ шадахагүй.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.