Матвей 23:8 - Библи

⁸ Теэд таанарай хэншье багша гэжэ өөрыгөө нэрлүүлхэ ёһогүй, юундэб гэбэл, таанар ори ганса багшатайт, тиин таанад бултадаа аха дүүнэр гээшэт.

Шэнэ Хэлсээн

⁸ Теэд таанарай хэншье багша гэжэ өөрыгөө нэрлүүлхэ ёһогүй, юундэб гэбэл, таанар ори ганса багшатайт, тиин таанад бултадаа аха дүүнэр гээшэт.

Матвей 23:8 ပူးပေါင်းရင်းမြစ်များ

Матвей 10:25

Шабинь багшынгаа зэргэ болобол, барлагынь эзэнэйгээ зэргэ болобол, болохо даа. Хэрбээ гэрэй эзэниие Бээлзэбүүл гэжэ шолмосой нэрээр нэрлэбэл, тэрэнэй гэртэхиниие бүришье муухайгаар нэрлэхэ бэшэ гү?

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 23:10

Баһа «һургагша» гэжэ өөһэдыгөө бү нэрлэгты, юундэб гэбэл, гансал Бурханай табисуурта Христоос танай һургагша юм.

Матвей 23:7

Баһа тэдэнэр олон зоной дунда мэндэшэлүүлхэ, «Рабби! Рабби!» гэжэ нэрлүүлхэ дуратай.

Матвей 26:25

Мүн Иисүүсые барижа үгэхэеэ байһан Иудашье: – Рабби, би бэшэ аабзаб? – гэжэ һураба. Иисүүс тэрээндэ: – Ши өөрөө тиигэжэ хэлэбэш, – гэжэ харюусаба.

Матвей 26:49

Иуда сэхэ Иисүүстэ дүтэлэн ерэжэ: – Рабби, амар мэндэ! – гэмсээрээ Тэрээниие таалаба.

Марк 10:51

– Шамда юу хэжэ туһалхабиб? – гэжэ Иисүүс тэрээнһээ һураба. – Багша, намайе харадаг болгыт даа, – гэжэ Бартимей харюусаба.

Марк 11:21

Пётр урдань Иисүүсэй тэрэ модондо юумэ хэлэжэ байһыень һанаад: – Рабби, харыт! Танай хараалда хүртэһэн модон хаташоод байнал, – гэжэ багшадаа хэлэбэ.

Марк 14:45

Иуда сэхэ Иисүүстэ ойртожо: – Рабби! – гэмсээрээ Тэрээниие таалаба.

Марк 9:5

Тиихэ зуура Пётр Иисүүстэ: – Рабби! Эндэ байхадамнай манда ямар һайн гээшэб. Гурбан майхан бодхоое: нэгыень Танда, нэгыень Моисейдэ, үшөө нэгыень Элияада, – гэбэ.

Лука 22:32

Гэбэшье, Симон, һүзэгэйншни буурахагүйн тула Би зальбарааб. Тиигээд ши Намдаа бусажа ерэхэдээ, аха дүүнэрээ зоригжуулан батадхаарай!

Иоанн 1:38

Иисүүс эрьежэ, хойноһоонь тэдэнэй дахажа ябахые хараад: – Таанарта юун хэрэгтэйб? – гэжэ һураба. – Рабби аа (еврей хэлэн дээрэ «багша» гэһэн удхатай), Та хаана байдагбта? – гэжэ тэдэнь урдаһаань асууба.

Иоанн 1:49

– Рабби аа! Та ёһоороол Бурханай Хүбүүн, Израилиин Хаан байнат! – гэжэ Натанаил дуугарба.

Иоанн 11:8

– Багша аа, һаяхан Иудейн зон Таниие шулуудажа алахаяа һэдээ бэлэй, харин Та дахин тиишэ ошохоёо һанаба гүт? – гэжэ шабинарынь асууба.

Иоанн 20:16

– Мария! – гэбэ Иисүүс. Мария гэдэргээ эрьен хараад: – Раббуни! – гэжэ еврей хэлэн дээрэ хашхараад абаба (энэнь «багша» гэһэн удхатай үгэ).

Иоанн 3:2

Тэрэ нэгэ һүни Иисүүстэ ерээд: – Рабби, Та Бурханай эльгээһэн багшат гэжэ бидэ мэдэнэбди. Хэрбээ Бурханай үршөөгөөгүй һаа, Та иимэ гайхамшагта үзэгдэлнүүдые харуулжа шадахагүй һэнта, – гэжэ хэлээ һэн.

Иоанн 3:26

Тэдэ Иоаннда ерээд: – Рабби аа, Иорданай саада бэедэ байхадаа нэгэ Хүн тухай хэлэһэнээ һанана гүт? Тэрэтнай баһал уһаар арюудханал, хүнүүд Тэрээндэ булта ошонол! – гэбэд.

Иоанн 4:31

Энэ үедэ шабинарынь: – Рабби аа, эдеэлэгты! – гэжэ гуйба.

Иоанн 6:25

Нуурай нүгөө эрьедэ тэдэнэр тамаран ерэжэ, Иисүүсые олоод: – Багша аа, Та хэзээ иишэ ерэһэн байбат? – гэжэ асууба.

Иоанн 9:2

– Багша аа, энэ хүн яахадаа һохор түрөө гээшэб? Хэниинь нүгэл хэһэн байгааб: энэ өөрөө гү, али энээнэй эхэ эсэгэнь гү? – гэжэ Тэрэнэй шабинарынь һураба.

Коринфынхидтэ 2-дохи 1:24

Юундэ һүзэглэжэ байхыетнай зааха гэжэ оролдоогүйбди, хатуу һүзэгтэй байһыетнай бидэ мэдэнэбди. Жаргалтай байхынтнайл түлөө бидэ таанадаар хамта хүдэлнэбди.

Коринфынхидтэ 2-дохи 4:5

Бидэ өөһэдыгөө айладханагүйбди, харин Иисүүс Христоосые Эзэн гэжэ, бидэ Иисүүсэй аша туһада танай зарасанарбди гэжэ номнонобди.

Эфесэйхиндэ 3:15

Тэнгэри дээрэшье, газар дэлхэйдэшье байһан бүхы изагуур угсаатан Эсэгэһээ эхитэй.

Филимондо 1:16

Мүнөө тэрэ ганса барлаг бэшэ, харин барлагһаа үлүү ехэ: тэрэ хайрата дүү гээшэ. Мүнөө би тэрээниие ехэл һайшаанаб. Харин хүн байһан хубидаа, Эзэнээр дүүшни гэжэ нэрлэгдэһэн хубидаа тэрэ шамда бүришье хайратай байхал.

Яковай хандалга 3:1

Аха дүүнэрни, таанад бүгэдөөрөө багшанар болохо гэжэ бү оролдогты, бидэ багшанар бүри шэрүүн зарга шүүбэридэ орохобди гэжэ таанад мэдэнэ ха юмта.

Пётрой 1-дэхи хандалга 5:3

Таанадта даалгагдаһан хүнүүдые захирха гэжэ бү оролдогты, харин тэдэндээ һайн жэшээ харуулжа байгты.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».

Гэршэлгэ 22:9

Теэд Эльгээмэл намда иигэжэ хэлээ: «Боли даа, иимэ юумэ бү хэ! Би шам шэнгил, шинии лүндэншэд – аха дүүнэр шэнгил, энэ номой үгэнүүдые сахин бэелүүлэгшэдтэйл адли зарасаб. Ши Бурханда һүгэдэн мүргэ!»