Матвей 23:23 - Библи

²³ Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар Бурханда ургасынгаа – халуун үбһэ, укроп, тмин гэхэ мэтын ургамалнуудай – арбанай нэгэ хуби үгэнэт, харин Хуулиин эгээл шухала зүйлнүүд болохо зарга шүүбэри, үршөөл хайра, этигэл найдабари тоонгүй орхибот. Эдэ зүйлнүүдые таанад баримталха ёһотой байгаат, мүн арбанайнгаа нэгэ хубиие Бурхандаа үгэжэл байха ёһотойт.

Шэнэ Хэлсээн

²³ Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар Бурханда ургасынгаа – халуун үбһэ, укроп, тмин гэхэ мэтын ургамалнуудай – арбанай нэгэн хуби үгэнэт, харин Хуулиин эгээл шухала зүйлнүүд болохо зарга шүүбэри, үршөөл хайра, этигэл найдабари тоонгүй орхибот. Эдэ зүйлнүүдые таанад баримталха ёһотой байгаат, мүн арбанайнгаа нэгэ хубиие Бурхандаа үгэжэл байха ёһотойт.

Матвей 23:23 ပူးပေါင်းရင်းမြစ်များ

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Исай 28:25

Газарай хүрьһэ элдүүрилһэнэй удаа тэрэ укроп болон тмин мэтэ ургамалай үрэ таридаг. Тэрэ шэниисэ болон ешмээн жэгдээр һуулгадаг. Таряалангай захаар тад ондоо орооһо тэрэ тарина.

Ерэмияа 22:3

– Би, Эзэн, үнэн зүбөөр хэрэгүүдые шиидхэхыетнай захирнаб. Хүн зониие дарлагшадһаань аршалагты. Ерүүл хүндэ, үншэн хэнзэдэ, мүн бэлбэһэн эхэнэртэ муугаар бү хандагты, бү харшалагты. Энэ нангин газарта гэм зэмэгүй зониие алажа бү байгты.

Һошээ 6:6

Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.

Левит 27:30

Газарай ургасын, модоной жэмэсэй арбанай нэгэ хуби – Эзэнэй. Энэ бол Эзэнэй нангин зөөри мүн.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Матвей 12:7

Хэрбээ таанар: «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын үнэн удха мэдэжэ байбал, зэмэгүй зониие буруушаахагүй һэнта.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Лука 11:42

Фарисейнүүд, таанад гашуудал үзэхэт! Ургуулһан хангалта ургамалай, мүн огородойнгоо эдеэнэй арбанайнь нэгэл хубиие Бурханда үргэдэгта, харин тэрээнтэй зэргэ хүнүүдые хууранат, Бурханда дурагүй байнат. Тиихэдэ таанад бусад зондо үнэн зүбөөр хандаха, мүн арбанайнгаа нэгэ хубиие Бурхандаа үгэжэ байха ёһотойт.

Лука 18:12

Долоон хоногтоо хоёр дахин масагладагби, олзынгоо арбанай нэгэ хубиие Тандаа үргэдэгби».

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.