Матвей 21:31 - Библи

³¹ Эдэ хоёр хүбүүдэй алиниинь эсэгынгээ хүсэһэниие дүүргээб? – гэжэ Иисүүсэй һурахадань, Тэрээндэ: – Ехэ хүбүүниинь, – гэжэ харюусаба. Тиихэдэнь Иисүүс тэдэндэ хэлэбэ: – Алба татаашад, мүн янхан эмэнүүд таанарай түрүүндэ Бурханай хаан орондо орохо гэжэ үнэниие хэлэнэб.

Шэнэ Хэлсээн

³¹ Эдэ хоёр хүбүүдэй алиниинь эсэгынгээ хүсэһэниие дүүргээб?» – гэжэ Иисусай һурахадань, тэрээндэ: «Ехэ хүбүүниинь», – гэжэ харюусаба. Тиихэдэнь Иисус тэдэндэ хэлэбэ: «Алба татаашад, мүн янхан эмэнүүд таанарай түрүүндэ Бурханай хаан орондо орохо гэжэ үнэниие хэлэнэб.

Матвей 21:31 ပူးပေါင်းရင်းမြစ်များ

Иоов 15:6

Шамайе заатагүй буруудхаха гэнэгүйб. Хэлэһэн бүхы үгэшни шамайе элишэлжэ байна.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Матвей 12:50

Огторгойдо оршодог Эсэгымни эрхэ хүсэл бүтээгшэд Минии аха дүүнэр, эгэшэ дүүнэр, эжымни гээшэ, – гэбэ.

Матвей 18:3

хэлэбэ: – Хэрбээ таанар хубилжа, үхибүүдтэ адли болоогүй һаа, Огторгойн хаан орондо орохогүйт гэжэ баталан хэлэнэб.

Матвей 20:16

Тон тиигэжэл адагай һүүлдэ байгшад түрүү зэргэдэ гараха, тиин түрүү зэргэдэ байгшад адагай һүүлшын болохо.

Матвей 21:30

Тиигээд үнөөхи хүн бага хүбүүндээ ойртожо, баһал үзэмэй сэсэрлигтэ ошожо ажаллахыень хэлэбэ. Тэрэнь: «Эзэн, би ошохоб», – гэһэн аад, ошобогүй.

Матвей 5:18

Газар тэнгэри хоёрой байгаал сагта, Хуулиин багаханшье зүйл, бишыханшье үзэгынь үгы болохогүй гэжэ таанадта баталан хэлэнэб. Досоонь бэшээтэй бүхы юумэнүүд заабол бэелхэ зэргэтэй юм.

Матвей 5:46

Хэрбээ өөһэдыетнай энхэрдэг зонииел хайрлажа байбалтнай, Бурхан яагаад таанадые шагнаха юм? Алба татаашадшье тиидэг бэшэ аал?

Матвей 6:5

Зальбархадаа, ши хоёр нюуртанда адли бү боло. Тэдэнэр улад зондо үзэгдэхэ харагдахын тула мүргэлэй гэртэ бодоод, гудамжын булангуудаар зогсоод зальбаран мүргэхэ дуратай байдаг. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Матвей 7:21

«Эзэн! Эзэн!» гэжэ Намда хэлэгшэ хүн бүхэн Бурханай хаан орондо орохогүй, зүгөөр тэнгэридэ байгша Эсэгымни эрхэ хүсэл бүтээдэг лэ хүнүүд тиишээ орохо юм.

Матвей 9:9

Тэндэһээ саашаа ябажа ябатараа, Иисүүс Матвей гэдэг алба татагшын татабари суглуулдаг газартаа һуухые хараад: – Хойноһоомни яба, – гэжэ хэлэбэ. Тиихэдэнь Матвей бодоод, хойноһоонь ябаба.

Лука 15:10

Эгээл энээн шэнги нэгэшье хүнэй Бурханда хандабал, Бурханай Эльгээмэлнүүд баярлаха юм.

Лука 19:22

Эзэниинь тэрээндэ хэлэбэ: «Хара мэхэтэй барлаг, хэлэһэн үгыншни ёһоор шамайе хэһээхэб! Өөрын бэшэ юумэ абадаг, өөрөө таряагүй ургаса хададаг шэрүүн хүн гэжэ намайе мэдэжэ байгааш.

Лука 7:29

Иоаннай һургаһан ёһоор уһаар арюудхуулһан бүхы зон, тэрэнэй тоодо алба татаашадшье, Иисүүсэй хэлээшые шагнаад, Бурханиие алдаршуулба.

Иоанн 3:3

– Дахин түрэһэн лэ хүн Бурханай хаан орониие үзэхэ гэжэ Би шамда үнэниие хэлэнэб! – гэжэ Иисүүс тэрээндэ харюусаба.

Иоанн 3:5

– Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Хэрэгүүд 17:30

Бурханиие мэдээгүй сагта Бурхан эдэ бүгэдые хүнүүдтэ хүлисэдэг байгаа. Харин мүнөө хаа хаанагүй ажаһуудаг зониие нүгэл үйлэдэхэеэ болихыень Бурхан захирна,

Римэйхиндэ 3:19

Хүн түрэлхитэнэй өөрыгөө сагааруулхаяа болихын тула, бүхы газар дэлхэйнхидые Бурханай зарга шүүбэридэ оруулхын тула Хуули соо хэлэгдэһэн бүхы юумэнүүд Хуулиин мэдэлдэ байһан хүнүүдтэ хандуулаатай гэжэ бидэ мэдэнэбди.

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Пётрой 2-дохи хандалга 3:9

Эзэн найдуулһан юумэеэ бэелүүлхэеэ яаранагүй гэжэ зарим хүнүүд һанадаг. Үнэндөө болбол Тэрэ маанадай нэгэшье хүнэй хосоронгүй, нүгэлөө мэдэрэн гэмшэхыемнай тэсэбэритэйгээр хүлеэнэ.