Матвей 21:23 - Библи

²³ Һүмэдэ Иисүүсэй дахин ерээд һургажа байхадань, түрүү санаартан, улад зоной ахамадууд Тэрээндэ ойртожо: – Та иимэ юумэ хэхэ ямар эрхэтэйбта? Иимэ эрхэ засаг Танда хэн үгөөб? – гэжэ асууба.

Шэнэ Хэлсээн

²³ Бурхан Һүмэдэ Иисусай дахин ерээд һургажа байхадань, түрүү санаартан, улад зоной ахамадууд тэрээндэ ойртожо: «Ши иимэ юумэ хэхэ ямар эрхэтэйбши? Иимэ эрхэ засаг шамда хэн үгөөб?» – гэжэ асууба.

Матвей 21:23 ပူးပေါင်းရင်းမြစ်များ

Египедһээ гаралга 2:14

– Хэн шамайе манай дээрэ ноён болгоо юм, зарга шиидхэгшээр табяа юм? Египедэй тэрэ хүниие алаһандаал адли намайе алахаяа һанаа гүш? – гэжэ тэрэ хүн урдаһаань һөөргэдэбэ. Тэрэ үйлэ хэрэгни мэдэгдээ гэжэ Моисей ойлгоходоо, айхын ехээр айба.

Матвей 20:4

Эзэн тэдэндэ хандажа: «Таанаршье минии үзэмэй сэсэрлигтэ ошожо ажаллагты, хүлһыетнай таанарта зүбөөр үгэхэб», – гэхэдэнь,

Матвей 21:24

Иисүүс: – Бишье таанадһаа нэгэ юумэ һурахамни. Хэрбээ Намда харюу үгэбэлтнай, Бишье иимэ юумэ хэхэ ямар эрхэтэй байһанаа таанарта хэлэхэб.

Матвей 24:1

Иисүүс Һүмэһөө гараад ябаба. Тиихэ үедэ шабинарынь Тэрэнэй анхарал Һүмын барилгануудта хандуулха зорилготойгоор хажуудань ерэбэ.

Матвей 26:55

Тиигээд Иисүүс зэбсэгтэй ерэһэн улад зондо хандажа: – Таанар дээрмэшэниие барихаяа гараһандал һэлмэ, шиидам һаднагтайгаар Намайе барихаяа ерэбэ гүт? Теэд үдэр бүхэн таанадые Һүмэ соо һургахадамни Намайе барижа хаадаггүй бэлэйлта, – гэбэ.

Лука 19:47

Иисүүс үдэр бүри Һүмэ руу ерэжэ, һургаалаа номнодог байгаа. Түрүү санаартан, Хуули заадаг багшанар, ахамадууд хамтаржа, Иисүүсые алаха гэлсээ.

Лука 20:1

Нэгэтэ Һүмэ соо зондо һургаалаа номножо, Һайн Мэдээсэл айладхажа байхадань, түрүү санаартан, Хуули заадаг багшанар, ахамадууд ерэжэ:

Хэрэгүүд 4:7

Тэдэнэр Пётр Иоанн хоёрые урдаа байлгажа: – Ямар хүсэ шадалаар, хэнэй нэрэ алдараар энэ хэрэг үйлэдэбэт? – гэжэ һураба.

Хэрэгүүд 7:27

Гэбэшье нэгэ шуһанайнгаа хүниие сохижо байһан нүгөөдэн хэрүүлхэн, Моисейе түлхеэд: «Хэн таниие манай дээрэ ноён болгооб, зарга шиидхэгшээр табяаб?