Матвей 20:30 - Библи

³⁰ Тэрэ үедэ харгын захада һууһан хоёр һохор хүн хажуугаарнь Иисүүсэй гаража ябаһан тухай дуулаад: – Эзэн, Давидай үри һадаһан, маниие үршөөжэ хайрлыт! – гэжэ хашхаралдаба.

Шэнэ Хэлсээн

³⁰ Тэрэ үедэ харгын захада һууһан хоёр һохор хүн хажуугаарнь Иисусай гаража ябаһан тухай дуулаад: «Эзэн, Давидай үри һадаһан, маниие үршөөжэ хайрлыш!» – гэжэ хашхаралдаба.

Матвей 20:30 ပူးပေါင်းရင်းမြစ်များ

Псалманууд 146:8

Тэрэ тэнгэриие үүлээр бүрхөөдэг, газар хүрьһэндэ бороо эльгэдэг, хада уула дээрэ зүлгэ ногоо ургуулдаг.

Исай 29:18

Тэрэ сагай мандахада, дүлии зон хуйламал номой үгэ соносожо, харанхыда байгааша һохор зоной нюдэн харадаг болохол!

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 42:18

Эзэн айладхана: Таанад, дүлии зон, шагныта! Һохор зон, харыта!

Исай 59:10

Бидэ һохор зон мэтэ хана тэмтэрэн, нюдэгүй мэтэ гараараа барин ябанабди, үдын тэн багаар бүрэнхы байдалда байһандал бүдэрнэбди, элүүр энхэ зоной дунда үхэһэн хүнүүдтэ адлибди.

Матвей 13:4

Үрэһэеэ сасахадань, зариманиинь харгын хажууда унаба, тэдэнииень шубууд ерэжэ тоншобо.

Матвей 15:22

Тэндэ ажаһуудаг нэгэ хананей эхэнэр Иисүүстэ ерэжэ: – Эзэн, Давидай үри һадаһан, намайе хайрлажа үршөөгыт! Басагамни ада шүдхэртэ барюулаад, аймшагтай зобожо байна, – гэжэ орилбо.

Матвей 20:31

Улад зоной тэдэ хоёрто дуугүй бологты гэбэшье, тэдэ хоёрынь бүри шангаар: – Эзэн, Давидай үри һадаһан! Маниие үршөөн хайрлыт, – гэжэ хашхаралдаба.

Матвей 21:14

Һүмэдэ Иисүүстэ һохор дохолон хүнүүд ерэбэ, Иисүүс тэдэниие эдэгээбэ.

Матвей 21:9

Урдуурнь ябаһан зон, мүн хойноһоонь дахагшад: – Давидай үри һадаһан алдар солотой байһай! Эзэнэй нэрээр заларан Ерэгшэ үршөөл хайратай байһай! Дээдын тэнгэридэ оршоһон Бурханда алдар соло! – гэжэ шанга шангаар хашхаралдаба.

Матвей 22:42

– Бурханай табисуурта тухай таанар юун гэжэ һананат? Тэрэ хэнэй удам байхаб? – гэжэ һураба. Тэдэнь: – Давид хаанай үри һадаһан байха, – гэжэ харюусаба.

Марк 10:46

Иисүүс шабинартайгаа Ерихоон хото ерэбэ. Хожом хотоһоо ехэ олон зоноор үдэшэлүүлэн гаража ябахадань, харгын хажууда Тимейн Бартимей гэдэг һохор хүбүүн юумэ гуйраншалжа һууба.

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Лука 7:21

Эгээл энэ үедэ Иисүүс олон хүнүүдые үбшэ хабшанһаань эдэгээбэ, ада шүдхэрнүүдһээнь сүлөөлбэ, олон һохор хүниие хараатай болгобо.

Хэрэгүүд 2:30

Давидай хаан шэрээдэ үри һадаһыень һуулгахаб гэжэ Бурханай үгэһэн тангаригые Давид лүндэншэ байһан дээрэһээ мэдэжэ байгаа.