Матвей 20:19 - Библи

¹⁹ Тиигээд Тэрээниие хариин зоной гарта тушааха. Тэдэнь Тэрээниие доромжолон наада бариха, сохихо, хэрээһэндэ хадаха. Тиигэбэшье Хүбүүн үхөөд, гурбадахи үдэртөө амидырха, – гэбэ.

Шэнэ Хэлсээн

¹⁹ Тиигээд тэрээниие хариин зоной гарта тушааха. Тэдэнь тэрээниие доромжолон наада бариха, сохихо, хэрээһэндэ хадаха. Тиигэбэшье Хүбүүн үхөөд, гурбадахи үдэртөө амидырха», – гэбэ.

Матвей 20:19 ပူးပေါင်းရင်းမြစ်များ

Иоов 30:8

Нэрэ хүндэгүй тэдэниие хүн бүхэн үлдэжэ гаргадаг.

Исай 26:19

Үхэһэн зомнай дахин амидырха! Хумхаа тооһон бологшод һэргэн бодожо, баяртай дуулалдаха. Газар дайдые шүүдэрэй һэргээдэгтэл, Эзэн нүгшэһэн зониие амидыруулха!

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Һошээ 6:2

Хоёр үдэрэй удаа Тэрэ маанадые амидыруулха, гурбадахи үдэрынь бидэ бодожо эхилхэбди, тиигээд Тэрэнэй хажууда ажамидаран байхабди.

Матвей 12:40

Яажа Иона халим загаһанай гэдэһэн дотор гурбан үдэр, гурбан һүни үнгэргөө һэм, тон тиигэжэл Хүн түрэлхитэнэй Хүбүүн гурбан үдэр, гурбан һүни соо газарай гүндэ оршохо.

Матвей 16:21

Тэрэ сагһаа эхилээд, Иисүүс өөртэйнь юунэй ушарха тухай шабинартаа хэлэдэг болобо. – Би Иерусалим ошохо ёһотойб, тэндэ ахамадһаа, түрүү санаартанһаа, Хуули заадаг багшанарһаа боложо ехэ зоболон эдлэхэб. Би алуулхаб, тиигээд гурбан үдэрһөө амидырхаб, – гэдэг байба.

Матвей 27:26

Тиихэдэнь Пилат тэдэндэ Бараббаае табиба, харин Иисүүсые сохёод, хэрээһэндэ хадахыень захирба.

Матвей 27:63

– Ноён аа! Тэрэ мэхэшэнэй үшөө амиды байхадаа: «Гурбан үдэрһөө амидырхаб», – гэжэ хэлэһые һанабабди.

Марк 14:65

Тиигээд зариманиинь Иисүүсые нёлбожо оробо, нюдыень боогоод, нюдаргаараа шаан: – Таниие хэн сохёоб, хэлэгты даа! – гэлдэбэ. Удаань харуулшад Тэрэнэй хасарые альгадаба.

Марк 15:1

Үүр сайха үеэр түрүү санаартан, ахамадууд, Хуули заадаг багшанар яаралтайгаар Зүблэлэй гэшүүдтэй уулзажа хуралдаба. Тэдэ Иисүүсые хүлижэ, Пиладта абаашажа тушаагаа.

Марк 15:15

Пилат улад зоной һайшаалда хүртэхэеэ һанажа, тэдэндэ Бараббаае табиба, харин Иисүүсые сохёод, хэрээһэндэ хадахыень захирба.

Лука 18:32

Хүн түрэлхитэнэй Хүбүүниие хариин зоной гарта тушааха, тэдэнь Тэрэниие баһаха, доромжолхо, нёлбохо,

Лука 23:11

Ирод сэрэгшэдтэеэ хамта Иисүүсые баһан доромжолоод, хаанай хубсаһа үмдэхүүлжэ, Пиладта һөөргэнь эльгээбэ.

Лука 24:46

– Бурханай табисуурта алуулха, тиигээд гурбадахи үдэртөө дахин амидырха.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Хэрэгүүд 21:11

Агааб манай байһан газарта ерэжэ, Павелай бүһэ абажа, хүл гараа хүлеэд: – «Энэ бүһын эзэниие еврейнүүд Иерусалимда иигэжэ хүлеэд, бусад арадуудта тушааха» гэжэ Арюун Һүлдэ соносхоно, – гэбэ.

Хэрэгүүд 4:27

Нээрээшье Ирод ба Понтий Пилат хоёр Израилиин арад зонтой болон бусад арадуудтай энэ хотодо үгэсэлдэн, Танай табисуурта, нангин Зараса Иисүүсэй урдаһаа эбээ нэгэдхэбэ.