Матвей 19:16 - Библи

¹⁶ Хэншьеб нэгэтэ Иисүүстэ ерэжэ: – Эрхим багша! Мүнхын амидаралда хүртэхын тула би ямар буянтай юумэ хэхэ ёһотойбиб? – гэжэ һураба.

Шэнэ Хэлсээн

¹⁶ Хэншьеб нэгэтэ Иисуста ерэжэ: «Эрхим багша! Мүнхын амидаралда хүртэхын тула би ямар буянтай юумэ хэхэ ёһотойбиб?» – гэжэ һураба.

Матвей 19:16 ပူးပေါင်းရင်းမြစ်များ

Даниил 12:2

Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.

Матвей 19:15

Иисүүс үхибүүдые гараараа адислаад, тэндэһээ ябаа һэн.

Матвей 19:26

Иисүүс тэдэнээ шэртэн хараад: – Хүнүүд өөһэдыгөө абаржа шадахагүй, харин Бурхан юушье хэхэ аргатай, – гэбэ.

Матвей 19:29

Баһа Минии түлөө гэр байраяа гү, аха дүүнэрээ гү, эгэшэ дүүнэрээ гү, аба эжыгээ гү, һамга үхибүүдээ гү, али эдлэжэ байһан газараа орхиһон хүн бүхэн зуу дахин ехэ юумэ абаха, үшөө тиихэдэ мүнхын амидаралда хүртэхэ.

Матвей 25:46

Тиигээд тэдэ буруутаһан зон хэтэ заяандаа хэһээгдэхэ, харин Бурханай һайшаалда хүртэһэн зон мүнхын амидаралда хүртэхэ.

Иоанн 10:28

Би тэдэндэ мүнхэ наһа үгэнэб, тэдэ хэзээшье хосорхогүй, тэдэниие Намһаа хэншье буляажа абахагүй.

Иоанн 12:25

Ами наһаяа гамнадаг хүн ами наһаяа алдана, харин энэ дэлхэйдэ байхадаа ами наһаяа хайрлан гамнадаггүй хүн мүнхэ наһатай болохо.

Иоанн 3:15

Тиигэбэл Тэрээндэ этигэдэг хүн бүхэн мүнхэ ами наһатай байха.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Иоанн 5:39

Мүнхын амидарал олохобди гэжэ этигэн, таанар Нангин Бэшэгые оролдосотойгоор шудалнат. Теэд Нангин Бэшэгтэшье Нам тухай гэршэлэн хэлэгдэнэ!

Иоанн 6:47

Таанарта үнэн зүбые хэлэнэб: Намда этигэдэг хүн мүнхэ наһанда хүртөөд байна.

Иоанн 6:68

– Эзэн аа, бидэ ондоо хэндэ ошохомнай гээшэб? Тандал мүнхэ наһа олгодог үгэнүүд байна ха юм.

Хэрэгүүд 16:30

– Эзэдни, абарагдахын тула би юу хэхэ ёһотой гээшэбиб? – гэжэ тэдэ хоёрые гаргаха зуураа һураба.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Римэйхиндэ 5:21

Хүн бүхэниие нүгэлэй хүтэлэн үхэлдэ хүргэдэг байһантайл тон адляар Бурханай үршөөл хайра маанадые хүтэлэн, үнэн сэдьхэлтэй болгодог, манай Эзэн Иисүүс Христоосой ашаар мүнхын амидаралда хүргэдэг.

Тимофейдэ 1-дэхи 1:16

Бурхан намайе үршөөл хайрадаа хүртөөгөө. Ушарынь юуб гэбэл, нүгэлтэдэй мууниинь байһан намда Христоос Иисүүс ехэл тэсэбэритэй байгаа. Хүн зон Тэрээндэ һүзэглэжэ, һүүлдэнь мүнхын амидаралда хүртэхынь тулада Христоос тиимэ тэсэбэри үзүүлээ.

Тимофейдэ 1-дэхи 6:12

Христоосто һүзэглэн, ажамидаралдаа илалта туйлажа бай. Мүнхын амидаралай дээдын шагналда хүртэхэеэ зори. «Христоос болбол Эзэн гээшэ» гэжэ гэршэнэрэй урда хэлэхэдэшни, Бурхан шамайе мүнхын амидаралда дуудаа.

Тимофейдэ 1-дэхи 6:19

Тиигэжэл ерэдүйдэ мүнхын амидаралай бата һуури болохо баялигые тэдэ өөһэдтөө суглуулха.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Иоаннай 1-дэхи хандалга 2:25

Христоос бидэндэ мүнхын Амидарал үгэхэб гэжэ найдуулаа!

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.