Матвей 18:28 - Библи

²⁸ Тэрэ зараса газаашаа гаража ябатараа, өөртэнь зуун динари үритэй нэгэ нүхэртэйгөө уулзаба. Тиигээд тэрэнээ һабардажа баряад: «Үриеэ намда түлэ» гэжэ байгаад, хоолойень бахалуурдаба.

Шэнэ Хэлсээн

²⁸ Тэрэ зараса гадагшаа гаража ябатараа, өөртэнь зуун динари үритэй нэгэ нүхэртэйгөө тааралдаба. Тиигээд тэрэнээ һабардажа баряад: „Үриеэ намда түлэ“ гэжэ байгаад, хоолойень бахалуурдаба.

Матвей 18:28 ပူးပေါင်းရင်းမြစ်များ

Нэхэмьяа 10:31

Субботын үдэр ондоо арадуудай наймаанда асарһан эд бараа, орооһо таряаень энэ үдэр, мүн ондоо нангин үдэрнүүдэй үедэ бидэ худалдажа абахагүйбди. Долоон жэлэй һүүлээр газар эдлүүрилхэ ёһогүйбди, хүнэй али бүхы үринүүдыень хүлисэн орхихо ёһотойбди.

Нэхэмьяа 5:7

Би бодожо үзөөд, ноёд һайдуудые, баяшуулые, даргануудые зэмэлбэб. Тиигээд би тэдэнэртэ иигэжэ хэлэбэб: – Таанар юундэ аха дүүнэртээ алта мүнгэ ехэ түрэсэтэйгээр зээллэжэ, баяжажа байнат?! Би энэ ушараар суглаа зарлабаб,

Һургаал 28:3

Ядуушуулые зобоодог үгытэй хүн таряалангые урыда урадхуулха аадар бороотой адли.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Эзэкээл 45:9

Эзэн Бурхан иигэжэ айладхана: – Израилиин удамаршад, нүгэл үйлэдэхэтнай хүрөө! Харшалха, дээрмэшэлхэеэ болижо, үнэн зүбые үйлэдэн байгты. Өөрын газар дээрэһээнь арад зониием үлдэжэ, гаргажа байхаяа болигты. Энэ болбол Би, Эзэн Бурхан, айладхана мүн!

Матвей 18:27

Эзэн хаан барлагые хайрлажа, үриень хүлисөөд, гэртэнь табиба.

Матвей 18:29

Тиихэдэнь нүхэрынь хүлдэнь унан: «Намайе хүлеэжэ хайрлыт, би танда үриеэ дууһыень түлэхэлби», – гэжэ ехэтэ гуйба.

Матвей 20:2

Тиигээд үдэрэй нэгэ динари түлэхөөр хүлһэншэдтэеэ хэлсээд, тэдэниие ажаллахыень сэсэрлигтээ эльгээбэ.

Марк 14:5

Энэ тоһо бидэ гурбан зуун динаряар худалдаад, мүнгыень үгытэйшүүлдэ хубаажа үгэхэ байгаабди, – гэжэ тэрэ эхэнэрые зэмэлбэ.

Марк 6:37

– Таанад өөһэдөө эдэндэ эдихэ юумэ үгэгты, – гэжэ Иисүүс харюусаба. – Эдэ зониие эдеэлүүлхын тула хоёр зуун динари мүнгөөр хилээмэ худалдажа абахамнай гээшэ гү? – гэжэ шабинарынь гайхаба.

Лука 10:35

Хойто үдэрынь айлшадай буудаг газарай эзэндэ хоёр динари мүнгэ үгөөд, «Энэ хүниие харууһалжа байгаарай, үлүү гаргаша гаргаа һааш, бусаха замдаа түлэхэб», – гэбэ.

Лука 7:41

– Нэгэ хүн хоёр хүндэ мүнгэ урьһалаа һэн ха: нэгэндэнь – табан зуун динари, нүгөөдэдэнь – табин динари.

Иоанн 6:7

– Хоёр зуун динари мүнгөөр хилээмэ худалдажа абаад, зүһэм зүһэмөөршье хубаагаа һаа, бултанда хүртэхэгүйл, – гэжэ Филипп харюусаба.

Хуули дабталга 15:2

Энэ яагаад хэгдэхэб гэхэдэ, нэгэ яһанай болохо хүндэ зөөри, мүнгэ хэн нэгэн зээлеэр үгэһэн байгаа һаа, тэрэниие хүлисэжэ, нэгэ уг унгиин энэ хүнһөө үриеэ бү нэхэг. Юуб гэхэдэ, тэрэ жэлдэ үри хүлисэхэ ёһотой гээд Эзэн тунхаглаһан байна.