Матвей 17:18 - Библи

¹⁸ Иисүүсэй ада шүдхэртэ захирхадань, тэрэнь хүбүүнэй бэе сооһоо гараба, хүбүүн тэрэ дары эдэгэшэбэ.

Шэнэ Хэлсээн

¹⁸ Иисусай ада шүдхэртэ захирхадань, тэрэнь хүбүүнэй бэе сооһоо гаража, хүбүүн дары эдэгэшөө һэн.

Матвей 17:18 ပူးပေါင်းရင်းမြစ်များ

Матвей 12:22

Нэгэтэ хүнүүд ада шүдхэртэ барюулһан дээрэһээ һохор, хэлэ амагүй хүниие Иисүүстэ асарба. Иисүүс тэрэ хүниие эдэгээбэ: тэрэ юумэ хэлэдэг, харадаг болобо.

Матвей 15:28

Тиихэдэнь Иисүүс тэрээндэ: – Ай, эхэнэр! Шинии һүзэг ехэ байна! Һанаһан хүсэһэн юумэншни бүтэхэ! – гэжэ харюусаба. Эгээл тэрэ үедэ эхэнэрэй басаганиинь эдэгэшэбэ.

Матвей 17:17

– Этигэл һүзэггүй, забхай ябадалтай зон аа! Үшөө хэды шэнээн таанадтай байхабиб? Үшөө хэды болотор таанадые тэбшэхэбиб? Хүбүүгээ наашань Намда абаад ерэ, – гэжэ Иисүүс хэлэбэ.

Матвей 17:19

Хожомынь шабинарынь Иисүүстэ гансаараа байхадань дүтэлжэ: – Яахадаа бидэ тэрэ ада шүдхэрые даража шадабагүй гээшэбибди? – гэжэ һурабад.

Матвей 9:22

Иисүүс эрьежэ, тэрэ эхэнэрые хараад: – Басаган, ши зоригтой бай! Этигэлшни шамайе абараа, – гэбэ. Тэрэ дороо эхэнэр эдэгэшэбэ.

Марк 1:34

Иисүүс элдэб үбшэнтэй олон зониие эдэгээбэ, олон ада шүдхэрнүүдые намнажа гаргаба. Тэрэнэй Бурханай табисуурта байһыень ада шүдхэрнүүдэй мэдэжэ байһан хадань, юумэ хэлэхыень тэдээндэ Тэрэ хорибо.

Марк 5:8

Тиигэжэ бархирһанайнь ушар гэбэл, Иисүүс тэрэ хүндэ ороһон ада шүдхэрнүүдтэ: – Энэ хүнһөө зайлагты! – гэжэ захирһан байгаа.

Лука 4:41

Олон хүнүүдэй досооһоо ада шүдхэрнүүд гарахадаа, хашха хуугай табилдан: – Та Бурханай хүбүүнта, – гэлдэбэ. Ада шүдхэрнүүд Тэрэнэй Бурханай табисуурта байһые мэдээ бшуу. Харин Иисүүс энээн тухай хэлэхыень тэдэниие хорижо байгаа.

Лука 8:29

Юундэ тиигээб гэхэдэ, Иисүүс тэрэ хүн сооһоо үтэр гара гэжэ ада шүдхэртэ захираа бшуу. Тэрэ хүнэй досоонь ада шүдхэр оло дахин шэгэжэ ородог байгаа. Хүнүүд тэрэ зоболонтые хүлеэдшье, гэнжэдэ һуулгаадшье, харууһалаадшье ядалсаа һэн. Досоонь ороһон ада шүдхэр гэнжыень таһа татаад, тэрээниие эзэгүй хооһон газарта намнажа абаашадаг байгаа.

Лука 9:42

Хүбүүнэй дүтэлжэ ябахада, шэгэһэн ада шүдхэр тэрэниие газарта унагаагаад, шүрбэһыень таталдуулжа оробо. Харин Иисүүс ада шүдхэрые хорижо, хүбүүе эдэгээгээд, эсэгэдэнь тушааба.

Хэрэгүүд 16:18

Тэрэ эхэнэр олон үдэрэй үргэлжэдэ иимэ маягаар һүхиржэ байгаа. Һүүлэй һүүлдэ Павел тэсэбэриеэ алдаад, гэдэргээ хаража, тэрэ һүлдэдэ хандан: – Иисүүс Христоосой нэрээр энэ эхэнэрһээ гара гэжэ шамда захирнаб, – гэбэ. Тэрэ һүлдэнь дары гаража талиигаа бэлэй.