Матвей 16:17 - Библи

¹⁷ Тиихэдэнь Иисүүс: – Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог Минии Эсэгэ тайлбарилаа.

Шэнэ Хэлсээн

¹⁷ Тиихэдэнь Иисус: «Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог минии Эсэгэ тайлбарилаа.

Матвей 16:17 ပူးပေါင်းရင်းမြစ်များ

Исай 54:13

Улад зониишни һургажа, урагшатай бэрхэнүүд болгохоб.

Лука 22:32

Гэбэшье, Симон, һүзэгэйншни буурахагүйн тула Би зальбарааб. Тиигээд ши Намдаа бусажа ерэхэдээ, аха дүүнэрээ зоригжуулан батадхаарай!

Иоанн 1:42

Андрей Симониие Иисүүстэ асаржа харуулба. Иисүүс тэрэниие анхаралтайгаар шэртэн хараад: – Ши Иоаннай хүбүүн Симон байнаш. Теэд шамайе Кефа гэжэ нэрлэдэг болохо («шулуун» гэһэн удхатай, грек хэлэн дээрэ болбол «Пётр»), – гэбэ.

Иоанн 6:45

«Бүхы хүнүүдые Бурхан һургаха», – гэжэ лүндэншэд бэшэһэн байна. Эсэгын үгэ дуулажа, Тэрэнэй һургаал ойлгожо абаһан хүн Намда ерэхэ.

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй гэжэл би таанадта хэлэхэ һанаатайб.

Галадуудта 1:16

Хүбүүн тухайгаа үнэн зүбые нээгээд, бусад арадуудта Христоос тухай номнохыемни захираа. Тиихэдэ би ямаршье хүнһөө зүблэл һураагүйб.

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Эфесэйхиндэ 3:5

Энэ нюусые урданай хүнүүдтэ нээдэггүй байгаа, харин мүнөө Бурхан Арюун Һүлдөөрөө дамжуулан гэгээн элшэнэртээ ба лүндэншэдтэ тэрэ нюусаа нээгээ.

Эфесэйхиндэ 6:12

Ушарынь юуб гэбэл, бидэ хүнүүдэй урдаһаа бэшэ, харин замбуулинай харата хүсэнүүд, захирагшад, эрхэ засагууд, энэ харанхы мунхаг үеын замбуулинай хүсэнүүдэй урдаһаа тэмсэнэбди.

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Пётрой 1-дэхи хандалга 5:1

Мүнөө би танай һүзэглэгшэдэй бүлгэмэй хүтэлэгшэдтэ ханданаб. Би өөрөө бүлгэмэй хүтэлэгшэб, Христоосой зобохыень хараа һэнби, һаядаа элирхэйлэгдэхэ Тэрэнэй алдарые хубаалсахаб.

Иоаннай 1-дэхи хандалга 4:15

Иисүүс болбол Бурханай Хүбүүн гэжэ мэдэрдэг хүн Бурхантай нэгэн хамта байна, Бурхан тэрэ хүнтэй нэгэн хамта байна.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.