Матвей 15:31 - Библи

³¹ Тиин хэлэгүй байһан зоной хэлэхые, бэртэһэн хүнүүдэй эдэгэхые, дохолонуудай ябахые, һохорнуудай хараатай болоһые хараһан зон аргагүй ехээр гайхаа бэлэй. Тиигээд Израилиин Бурханда алдар соло дуудаа һэн.

Шэнэ Хэлсээн

³¹ Тиин хэлэгүй байһан зоной хэлэхые, бэртэһэн хүнүүдэй эдэгэхые, дохолонуудай ябахые, һохорнуудай хараатай болоһые хараһан зон аргагүй ехээр гайхаа бэлэй. Тиигээд Израилиин Бурханда алдар соло дуудаа һэн.

Матвей 15:31 ပူးပေါင်းရင်းမြစ်များ

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

Эхин 33:20

Тэндээ тэрэ үргэлэй шэрээ түхеэржэ, «Израильшуудай шүтэдэг Эзэн Бурханай үргэлэй шэрээ» гэжэ нэрлээ һэн.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Египедһээ гаралга 24:10

Израилиин Бурханиие бараалхаба. Тэрэнэй хүл доро тэнгэридэл арюун тунгалаг эрдэни шулуугаар хэһэн тайзан үзэгдэһэн шэнги байгаа һэн.

Матвей 15:30

Тэрээндэ олон зон ерэжэ байгаа. Дохолон, һохор, хэлэгүй, бэртэһэн, мүн бусадшье элдэб янзын үбшэнтэй зониие Иисүүстэ асаржа, хүлэйнь дэргэдэ һуулгаба. Тэдэ үбшэн зониие Иисүүс бултыень эдэгээбэ.

Матвей 18:8

Хэрбээ гарайшни гү, али хүлэйшни нүгэлдэ шамайе оруулаа һаань, тэдэнээ таһа сабшаад хая, хоёр гартайгаа, хоёр хүлтэйгөө залиршагүй галай тамада хаягданхаар, гаргүйгөөр гү, али хүлгүйгөөр хэтэдээ амиды ябабалшни дээрэ.

Матвей 21:14

Һүмэдэ Иисүүстэ һохор дохолон хүнүүд ерэбэ, Иисүүс тэдэниие эдэгээбэ.

Матвей 8:10

Иисүүс энээниие дуулаад, ехээр гайхаба, тиигээд хойноһоонь ябаһан зондо: – Би израильшуудайшье дунда иимэ һүзэг этигэлтэй хүниие үзөөгүйб гэжэ таанадта үнэниие хэлэнэб, – гэбэ.

Матвей 9:32

Тэдэ хоёрой гаража байха үедэ ада шүдхэртэ барюулһан хэлэ амагүй нэгэ хүниие Иисүүстэ асарба.

Матвей 9:33

Ада шүдхэрэй гарахада, хэлэ амагүй хүн юумэ хэлэдэг болобо. Улад зон гайхалдажа: – Израильда иимэ мэтын юумэн хэзээшье үзэгдөөгүйл, – гэлсэбэ.

Матвей 9:8

Улад зон энээниие хараад айн һүрдэбэ, хүн түрэлхитэндэ иимэ ехэ эрхэ засаг хайрлаһанайнь түлөө Бурханиие магтан алдаршуулба.

Марк 2:12

Бүхы хүнүүдэй хараһаар байтар үнөөхи үбшэн хүн бодоод, дэбисхэрээ абаад, гаража ябаба. Улад зон бултадаа айхабтар ехээр гайхалдан: – Бидэ иимэрхүү юумэ нэгэтэшье үзөөгүйбди, – гэлдэн, Бурханиие магтаба.

Марк 7:37

Дуулаһан зон булта аргагүй ехээр гайхалдаба: – Иисүүс ямаршье юумые һайнаар хэнэ. Дүлии зониие дууладаг болгоно, хэлэгүй зониие дуугардаг болгоно.

Марк 9:43

Хэрбээ гарайшни шамайе нүгэлдэ оруулаа һаань, тэрэнээ таһа сабшаад хая. Хоёр гартайгаа залирдаггүй гал тамада орожо хосоронхаар, ганса гартайгаар мүнхын амидарал амсабалшни шамда дээрэ байха.

Лука 14:13

Зүгөөр найрай шэрээ татахадаа, үгытэйшүүлые, үбшэн үлбэр, һохор дохолон хүнүүдые ури.

Лука 14:21

Барлагынь ерэхэдээ, айлшадай ерэхэ аргагүй байһан тухай эзэндээ дуулгаба. Тиихэдэнь сухалаа хүрэһэн эзэн: «Түргэхэн хотын гудамжада гараад, үгытэйшүүлые, эрэмдэг үбшэнтэниие, һохор дохолон зониие дуудажа асара», – гэжэ барлагтаа хэлэбэ.

Лука 18:43

Һохор хүниинь тэрэ дороо харадаг боложо, Бурханиие алдаршуулан, Иисүүсэй хойноһоо ябалсаба. Һохор хүнэй хараатай болохые хараһан бүхы зон Бурханиие магтан алдаршуулба.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Иоанн 9:24

Тиин һохор түрэһэн хүниие хоёрдохиёо дуудажа асараад: – Үнэн сэхэ руунь хэлэхэб гэжэ ши Бурханда тангаригаа үгэ! Манай мэдэһээр, Тэрэтнай нүгэлтэн, – гэжэ еврейнүүдэй ахамадууд хэлэбэ.