Матвей 15:14 - Библи

¹⁴ Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Шэнэ Хэлсээн

¹⁴ Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм».

Матвей 15:14 ပူးပေါင်းရင်းမြစ်များ

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Исай 42:19

Минии богоолһоо өөрэгүй ехэ һохор хүн хэн бэ? Минии эльгээһэн элшэдэл адли дүлиинь хэн бэ?

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 9:16

Удамаршадынь зоноо төөрюулхэ, гээгдэхүүлхэ.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Һошээ 4:17

Израилиин арад зониие онгонууд эльбэ жэльбэ дороо оруулаа. Орхиё тэрэ зандань!

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Лука 6:39

Иисүүс тэдээндээ иимэ һургаалта үгэнүүдые хэлэбэ: – Һохор хүн һохор хүниие хүтэлэн ябажа шадаха аал? Хоюулаа нүхэ руу унаха бэшэ гү?

Иоанн 9:39

– Зарга шүүбэри хэхэеэ Би энэ дэлхэйдэ ерээб. Тиихэдээ юумэ харадаггүй хүнүүд харадаг болохо, юумэ харадаг хүнүүд һохор болохо, – гэжэ Иисүүс хэлэбэ.

Тимофейдэ 1-дэхи 6:5

Тиимэ хүнүүд үнэн зүбһөө холодоһон, балартаһан ухаантай хүнүүдээр дэмы заргалдажа байдаг. Тэдэнэр зөөри баялигтайл болохын тула Бурханда шүтэдэг гэжэ бододог.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Пётрой 2-дохи хандалга 2:17

Тэдэ хүнүүд хатаһан булагуудта, шуурганда туугдаһан үүлэнүүдтэл адли дэмы юм: Бурхан тэдэндэ хаб харанхыда газар бэлдээд байна.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.