Матвей 14:31 - Библи

³¹ Иисүүс тэрэ дороо гараа һарбайжа, Пётрые дүнгэн баряад: – Ямар бирагүй һүзэгтэйбши! Юундэ һэжэглэбэш? – гэбэ.

Шэнэ Хэлсээн

³¹ Иисус тэрэ дороо гараа һарбайжа, Пётрые дүнгэн баряад: «Ямар бирагүй этигэл һүзэгтэйбши! Юундэ һэжэглэбэш?» – гэбэ.

Матвей 14:31 ပူးပေါင်းရင်းမြစ်များ

Эхин 22:14

Эзэнэй иигэжэ хуса үгэһэн ушарһаа Абраһаам тэрэ газарые «Эзэн хэрэгтэй зүйл үгэдэг» гэжэ нэрлэбэ. Мүнөөшье болотор «тахилгатай уула дээрэ хэрэгтэй юумээр Эзэн хангажа үгэдэг» гэһэн яряа үгэ бии юм.

Псалманууд 138:7

Танай Һүлдэһөө би хайшаа ошожо шадахабиб? Танай нюурһаа хайшаа зугадажа шадахабиб?

Исай 63:12

Моисей гэгшые хүтэлжэ, далайн уһа хубаагаад, Өөртөө мүнхэ нэрэ олгуулагша Эзэн хаанаб?»

Матвей 14:30

Теэд шанга һалхинай үлеэхэдэ айгаад, уһанда шэнгэжэ эхилбэ. – Эзэн! Намайе абарыт, – гэжэ тэрэ хашхарба.

Матвей 14:32

Тэдэ хоёрой онгосодо һуухатайнь сасуу һалхин намдаба.

Матвей 16:8

Энээниие Иисүүс мэдээд, тэдээндэ иигэжэ хэлэбэ: – Этигэл багатан, таанар хилээмэ абаагүйбди гэжэ юундэ хоорондоо хэлсээбта?

Матвей 17:20

Иисүүс тэдэндэ харюусаба: – Таанарай этигэл багадаһанһаа болоно. Хэрбээ таанад горчицын жэжэхэн үрэһэнэйшье шэнээхэн этигэлтэй байжа, энэ хадада хандан: «Эндэһээ хүдэлжэ тиишээ боло» гээ һаатнай, хада тиишэлхэ юм. Таанар юушье хэжэ шадаха һэнта гэжэ танда баталан хэлэнэб.

Матвей 6:30

Мүнөөдэр эндэ ургажа байгаад, үглөөдэрынь, магад, галда шатаагдажашье болохо хээрэ ургаһан алишье ногоое Бурхан үзэсхэлэнтэ гоёор шэмэглэдэг юм. Харин таанадые Бурхан тэрэ ногоонһоо һураггүй ехээр анхараа бэзэ, этигэл багатан!

Матвей 8:26

– Таанад юундэ иигэтэрээ айгаабта? Һүзэг этигэлээр хомор байнат даа, – гэжэ Иисүүс тэдэндээ хэлэбэ. Тиигээд хүл дээрээ бодожо, дошхон һалхинда, далайн долгинуудта зогсохыень захирба. Тиихэдэнь оршон тойрон огто аалин намдуу болошобо.

Марк 1:31

Иисүүс тэрэ эхэнэрэй хажууда ерэжэ, гарһаань баряад бодхообо. Тиихэдэнь халууниинь бууража, эхэнэр айлшадаа хүндэлжэ оробо.

Марк 1:41

Иисүүс тэрэ хүниие хайрлаад, гараа һарбайжа тэрээндэ хүрөөд: – Эдэгээхэ хүсэлтэйб, арюун болыш даа, – гэбэ.

Марк 11:23

Хэрбээ Бурханда һүзэгтэй, зүрхэ сэдьхэлдээ ямаршье һэжэг маргалтагүй һаа, уулада хандан: «Эндэһээ хүдэлөөд, далай руу һүрэ» гээ һаатнай, захирһан бүхэнтнай бүтэхэ гэжэ Би баталан хэлэнэб.

Марк 16:7

Мүнөө шабинартань, илангаяа Пётрто ошожо: «Таанадта хэлэһэнэйнгээ ёһоор, Тэрэ түрүүн Галилей ошохо, тэндэ Тэрэниие харахат», – гэжэ дуулгагты.

Марк 4:40

Тиигээд Иисүүс шабинартаа хандажа: – Таанад юундэ иигэтэрээ айбабта? Этигэл һүзэггүй байна гүт? – гэбэ.

Марк 5:41

Тиигээд басаганай гарһаань баряад: – Талита кум! – гэбэ (энэнь: «Басаган, бодо!» – гэһэн удхатай).

Лука 24:34

– Эзэн үнэхөөрөө амидыраад, Симондэ үзэгдөө, – гэжэ бүлэг зон орожо ерэһэн хоёрто хөөрэбэ.

Хэрэгүүд 4:30

Танай гэгээн зараса Иисүүсэй нэрэ алдараар хүнүүдые аршалан эдэгээжэ, гайхамшаг хэрэгүүдые болон тэмдэгүүдые үзүүлхымнай тула һүр хүсөө харуулыт даа».

Хуули дабталга 32:36

Эзэн Өөрынгөө арад зониие сүүдлэхэ. Тэдэнэр хүсэгүй болоо, Өөртэнь мүргэдэг зон ямаршье туһагүй болоо гэжэ харахадаа, эдэ зониие Тэрэ хайрлаха.

Тимофейдэ 1-дэхи 2:8

Бурханда өөрыгөө зорюулһан хүн бүхэнэй ямаршье газарта уур сухалгүйгөөр, хэрүүлгүйгөөр гараа өөдэнь һарбайгаад, зальбаржа байхыень хүсэнэб.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.