Матвей 14:23 - Библи

²³ Зоной тарахада, Иисүүс гансаараа хада өөдөө зальбархаяа гараба. Үдэшэндөөшье Тэрэ тэндэ гансаараа байгаа.

Шэнэ Хэлсээн

²³ Зоноо тараагаад, Иисус хада өөдөө зальбархаяа гансаараа гараба. Үдэшэндөөшье тэрэ тэндэ гансаараа байгаа.

Матвей 14:23 ပူးပေါင်းရင်းမြစ်များ

Матвей 26:36

Удаань Иисүүс шабинартайгаа хамта Гефсимани гэдэг газарта ерээд, тэдэндээ: – Минии тэндэ ошожо зальбараад ерэтэр эндээ һуужа байгты, – гэжэ хэлэбэ.

Матвей 6:6

Харин ши зальбархадаа, өөрынгөө таһалгада орожо, үүдээ хаагаад, шамтай далда газарта байһан Эсэгэдээ зальбараарай. Тиигэбэлшни, нюуса юумэ хаража, мэдэжэ байдаг шинии Эсэгэ ашыешни заатагүй харюулхал.

Марк 1:35

Иисүүс хойто үглөөнь хара үүрээр бодоод, гэрһээн гаража нэгэ эзэгүй газарта ошоод, Бурханда зальбарба.

Марк 6:46

Зоной тарахада Иисүүс хада өөдөө зальбархаяа гараба.

Лука 3:21

Бүхы арад зоной уһаар арюудхуулжа байхада, мүн Иисүүсшье уһаар арюудхуулба. Тэрэнэй Бурханда зальбархада, огторгой нээгдэжэ,

Лука 5:16

Харин Иисүүс Өөрөө үе үе болоод лэ эзэгүй газарта ошожо, Бурханда мүргэдэг бэлэй.

Лука 6:12

Тухайлбал, тэрэл үедэ Иисүүс хадын оройдо гаража, бүхэли һүниндөө Бурхандаа мүргэбэ.

Лука 9:18

Нэгэтэ Иисүүсэй гансаараа Бурханда зальбаржа байхада, шабинарынь ерэбэ. – Намайе арад зон хэн гэжэ һананаб? – гэжэ Иисүүс тэдэнһээ һураба.

Лука 9:28

Иигэжэ хэлэһэнэйнгээ һүүлээр найма хоноод, Иисүүс Пётр, Иоанн, Яков гурбые абаад, Бурхандаа зальбархаяа хадын оройдо гараба.

Хэрэгүүд 6:4

харин өөһэдөө Бурханай үгэ номножо, зальбаран амидархабди.