Матвей 12:46 - Библи

⁴⁶ Иисүүсэй иимэ мэтээр улад зониие һургажа байха үедэнь Тэрэнэй эжы, дүүнэрынь Тэрээнтэеэ хөөрэлдэхэ һанаатай ерээд, гэрэй газаа зогсобо.

Шэнэ Хэлсээн

⁴⁶ Иисусай иимэ мэтээр улад зониие һургажа байха үедэнь тэрэнэй эжы, дүүнэрынь тэрээнтэеэ хөөрэлдэхэ һанаатай ерээд, гэрэй газаа зогсожо байба.

Матвей 12:46 ပူးပေါင်းရင်းမြစ်များ

Матвей 1:18

Бурханай табисуурта Иисүүс Христоосой түрэһэн түүхэ иимэ: Мария эжынь хадагаа табиһан Иосиф нүхэртэйгөө гэрлэхынгээ урда Арюун Һүлдэһөө хээлитэй болоһоноо мэдэрбэ.

Матвей 12:47

Тиимэһээ нэгэ хүн Иисүүстэ: – Харыт даа, эжытнай, дүүнэртнай газаа зогсоно. Тантайгаа хөөрэлдэхэ һанаатай байна, – гэбэ.

Матвей 13:55

– Үгы, энэмнай дарханай хүбүүн бэшэ һэн гү? Эхэнь Мария бэшэ һэн гү? Яков, Иосиф, Симон, Иуда гэгшэд дүүнэрынь бэшэ һэн гү?

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.

Матвей 2:20

– Ши бодоод, хүбүүгээ эхэтэйнь абажа, Израиль нютагаа бусажа ошо. Хүбүүнэй ами хороохоёо һанагшад мүнөө хосороо, – гэжэ хэлэбэ.

Марк 2:21

– Хэншье хуушан хубсаһанда шэнэ бүдөөр халааһа табидаггүй бшуу, тиимэ халааһан хуушан хубсаһые удара татахал, хахархайень улам ехэ болгохол.

Марк 6:3

Үгы, Энэмнай дархан бэшэ һэн гү? Мариягай хүбүүниинь, Яковай, Ёшияагай, Иудын, Симонэй ахань бэшэ һэн гү? Дүү басагадынь энэ хотодо маанадаар ажаһууна бэшэ аал? – гэлсэбэ. Тиигэжэ зон Тэрэнэй талаар һэжэглэбэ.

Лука 1:43

Минии Эзэнэймни эжы, иимэ һайнаар намда орожо ерэһэндэшни би баяртай байнаб.

Лука 2:33

Иисүүс тухай Симеоной хэлэһэн эдэ үгэнүүдые дуулахадаа, Иосиф Мария хоёр ехээр гайхаба.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Лука 2:48

Хүбүүгээ хараад, Иосиф Мария хоёр ехэтэ гайхаба. – Хүбүүмни, юундэ бидэниие иигэжэ зобообош? Эсэгэ бидэ хоёршни шамайгаа үгы болгоод, һанаагаа зобоһон, бэдэрһэн гээшэмнай! – гэжэ эхэнь хэлэбэ.

Лука 2:51

Иисүүс аба эжытэйгээ Назарет хотодоо бусажа ерээд, үгөөрнь байба. Мария эхэнь тэрэ болоһон ушар мартахагүйгөөр ой ухаандаа хадуун абаа.

Лука 8:10

– Бурханай хаан түрэ тухай гүн нюусанууд таанадтал тайлбарилагдана, харин бусад хүнүүдтэ һургаалта үгэнүүдээр лэ хэлэгдэнэ. Тиимэһээ тэдэнэр хаража, шагнажа байһан мүртөө үнэн удхыень ойлгодоггүй.

Иоанн 19:25

Иисүүсэй хэрээһэнэй хажууда Тэрэнэй эжы, нагаса эжынь, Клопаасай һамган Мария, мүн Магдалай Мария гэгшэд зогсожо байгаа.

Иоанн 2:1

Хоёр хоногой удаа Галилей можын Каана хотодо түрэ найр болобо. Тэндэ Иисүүсэй эжынь байлсаа.

Иоанн 2:12

Энэ ушарай удаа Иисүүс эжытэеэ, аха дүүнэртэеэ, шабинартаяа хамта Капернаум ошоо. Тэндэ хэдэн үдэр байгаа һэн.

Иоанн 2:5

– Энээнэйл хэхэ гэһэн юумэ хэгты, – гэжэ эхэнь зарасанарта хэлэбэ.

Иоанн 7:10

Аха дүүнэрэйнгээ һайндэртэ ябаһан хойно Иисүүс баһа тиишэ бэеэ мэдүүлэнгүй ошобо.

Иоанн 7:3

Аха дүүнэрынь Иисүүстэ хэлэбэ: – Та эндэһээ гараад, Иудей ошогты! Танай бүтээдэг гайхамшаг хэрэгүүдые тэндэ ажаһуудаг һурагшадтнай хараг лэ.

Иоанн 7:5

Иисүүсэй аха дүүнэрыньшье Тэрээндээ этигэдэггүй байгаа.

Хэрэгүүд 1:14

Тэдэнэр Иисүүсэй эхэ Мариятай, аха дүүнэртэйнь болон бусад эхэнэрнүүдтэй хамта сугларжа, ходо һанал сэдьхэлээрээ нэгэдэн зальбардаг байгаа.

Коринфынхидтэ 1-дэхи 9:5

Али бусад элшэнэрые, Эзэнэй дүүнэрые, Пётрые һажаан, һүзэглэгшэ һамгаяа замай хани болгон абажа ябаха эрхэгүй аалди?

Галадуудта 1:19

Иисүүсэй дүү хүбүүн Яковһаа бэшэ ондоо элшэнэрые би хараагүйб.