Матвей 12:25 - Библи

²⁵ Тэдэ фарисейнүүдэй һанал бодол мэдэжэ байһан Иисүүс тэдээндэ иигэжэ хэлэбэ: – Хэдэн бүлэг боложо хубааралдаад, хоорондоо хёморолдоһон алишье хаан орон хооһорон, бутаран һалаха. Баһа хоорондоо хубааралдажа хёморолдоһон алишье хото, үгы һаа гэр бүлэ мүн лэ бутаран һалаха.

Шэнэ Хэлсээн

²⁵ Тэдэ фарисейнүүдэй һанал бодол мэдэжэ байһан Иисус тэдээндэ иигэжэ хэлэбэ: «Хэдэн бүлэг боложо хубааралдаад, хоорондоо хёморолдоһон алишье хаан орон хооһорон, бутаран һалаха. Баһа хоорондоо хубааралдажа хёморолдоһон алишье хото, үгы һаа гэр бүлэ мүн лэ бутаран һалаха.

Матвей 12:25 ပူးပေါင်းရင်းမြစ်များ

3 Хаан түрэнүүд 16:21

Тиигээд Израилиин арад түмэн хоёр хэһэг болон хубаарба: хахадынь Гинаадай хүбүүн Тибнии гэгшые, нүгөөдэ хахадынь Омриие хаан болгохо дуратай байба.

Псалманууд 139:2

Эзэн, намайе муу зонһоо абарыт, хүсэрхэгшэдһээ аршалыт.

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Амоос 4:13

Хараарайгты, хада уулые бии болгожо, һалхи бүтээдэг, Өөрын бодол түсэбые зондо мэдүүлдэг, үүрэй туяае харанхы болгожо, дэлхэйн үндэр газарнуудые гэшхэн ябадаг Нэгэн гэбэл, Түмэн Сэрэгтэ Эзэн мүн!

Матвей 9:4

Тэдэнэй һанал бодол мэдэжэ байһан Иисүүс хэлэбэ: – Таанар юундэ иимэ харата һанал сэдьхэлдээ түрүүлбэт?

Марк 2:8

Тиигэжэ бодожо байхыень Иисүүс гансата мэдээд: – Юундэ тиигэжэ сэдьхэлдээ бодобот? – гэжэ асууба.

Иоанн 21:17

Иисүүс тэрээнһээ гурбадахияа: – Иоаннай хүбүүн Симон, ши Намда дуратай гүш? – гэжэ һураба. Намда дуратай гүш гэжэ Иисүүсэй гурбадахияа һурахадань, Пётрой досоо уйдхартай байба. – Эзэн, Та бултыень мэдэнэт. Танда минии дуратайе мэдэнэ ха юмта, – гэжэ Иисүүстэ Пётр харюусаба. Иисүүс тэрээндэ: – Минии хонидые харууһалжа бай.

Коринфынхидтэ 1-дэхи 2:11

Гансал зосоомнай оршодог һүлдэ бидэн тухай хамагые мэдэдэг бэшэ аал? Тон тиигэжэл ганса Бурханай Һүлдэ Бурхан тухай хамагые мэдэдэг.

Галадуудта 5:15

Харин бэе бэеэ таһара удара таталсажа, эдилсэжэ байһаар таанар өөһэдыгөө сүм хюдажа бү һалгаажархигты.

Еврейнүүдтэ 4:13

Бурханһаа далда, нюуса юумэн гэжэ үгы. Харин бүхы юумэн Тэрэнэй харасада элиржэ, нээгдэдэг. Тиин бидэ булта Тэрээндэ өөһэд тухайгаа тоосоо хэхэ ёһотойбди.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.