Матвей 11:23 - Библи

²³ Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат. Хэрбээ танай хотодо бүтээһэн гайхамшагта хэрэгүүдээ Содомдо харуулһан байбални, тэрэ хотынхид гэмээ наманшалаад, хотонь мүнөөшье хүрэтэр бүтэн байха бэлэй.

Шэнэ Хэлсээн

²³ Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат. Хэрбээ танай хотодо бүтээһэн гайхамшагта хэрэгүүдээ Содомдо харуулһан байбални, тэрэ хотынхид гэмээ наманшалаад, хотонь мүнөөшье хүрэтэр бүтэн байха бэлэй.

Матвей 11:23 ပူးပေါင်းရင်းမြစ်များ

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Эзэкээл 26:20

Эртэ урда сагта ажаһуудаг байһан зонтой хамтаруулан, шамайе үхэһэн зоной орон руу доошонь буулгахаб. Иигэжэ нүгшэһэн зонтой хамта, хэтэ мүнхэдөө һандарал шулуунуудай дунда байхыеш баадхахаб. Ши хэзээдэшье дахин улад зоноор дүүрэжэ, хүүежэ байхагүйш. Өөрынгөө туяа гэрэл Би амиды зоной орон дэлхэй дээгүүр сасаргахаб.

Эзэкээл 31:14

Уһаар оройдоошье дутангүй ургаашье хадаа ямаршье модон иимэ үндэр болохоёо, оройгоо үүлэд хүрэтэр үргэхэеэ бэшэ һанахагүй. Зоной нүгшэжэ, үхэлэй орон руу ошоһондол модон бүхэн мүн лэ һалаха юм.

Эзэкээл 32:18

– Хүнэй үри Эзэкээл! Египедэй улад зон тушаа гашуудан уйла. Удаань үхэлэй орон руу тэдэниие эльгээ, тэндэ тэдэ хүсэтэй шанга арадуудай улад зонтой хамта хэбтэхэл.

Эзэкээл 32:24

Элаамай сэрэгшэдэй хүүрнүүд мүн лэ тэндэ байна. Тэдэ бултадаа дайн дажарта алуулаа, бурхангүй үхэлэй орон руу доошолон буугаа. Амиды мэндэ байхадаа тэдэ зониие ехэ айлгадаг бэлэй, харин мүнөө үхэнхэй, бузарлагданхай хэбтэнэ.

Авдии 1:4

Бүргэд шэнги үндэртэ, одо мүшэдэй дунда уурхайгаа түхеэрээшье һааш, тэндэһээш Би шамайе доошонь унагаахаб! – гэжэ Эзэн Бурхан айладана.

Матвей 10:15

Зарга шүүбэриин Үдэрэй болоходо тэрэ хотын зониие Бурхан Содом, Гоморро хотынхидһоо бүри үлүү аймшагтай хэһээлтэдэ хүртөөхэ гэжэ таанарта үнэниие хэлэнэб.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 17:24

Иисүүсэй шабинартайгаа Капернаумда ерэхэдэнь, Һүмын алба татабари суглуулагшад Пётрто ойртоод: – Багшатнай Һүмэдэ алба татабари түлэхэ гү? – гэжэ һураба.

Матвей 4:13

Теэд Назарет хотодоо байхын орондо, Тэрэ Капернаум хотодо һуурижаба. Тэрэ хото Галилей далайн хажууда, Зэбүлүүн ба Напталиим обогуудай газарта оршожо байгаа.

Матвей 8:5

Иисүүсэй Капернаум хото орожо байхадань, зуунай нэгэ дарга Тэрээндэ ойртожо, туһалхыень гуйба:

Лука 10:15

Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат!

Лука 14:11

Ушарынь юуб гэхэдэ, өөрыгөө дээгүүр абхуулһан хүн доошоо даруулагдаха, харин даруу доогуур хүн дээшээ үргэгдэхэ бшуу.

Лука 16:23

Тэрэ баян тамын оёорто хаягдаад зобожо байхадаа, дээшээ хаража, Абраһаамые, мүн хажуудань Лазариие холоһоо анхарба.

Лука 4:23

Иисүүс тэдээндэ хэлэбэ: – Эмшэн, түрүүн өөрыгөө һайнаар аргалжа эдэгээ гэдэг үгэ таанад Намда хэлэхэ һанаатайт гэжэ мэдэнэб. Капернаум хотодо гайхамшагта үйлэ хэрэг бүтээһэн тухаймни таанад дуулаат. Тиимэл гайхамшаг хэрэг мүнөө эндээ, түрэһэн нютагтаа бүтээ гэхэтнай гээбы.

Хэрэгүүд 2:31

Тиимэһээ Бурханай юу хэхые мэдэжэ байгаад, Бурханай табисууртын амидырха тухай тэрэ иигэжэ хэлээ: Бурхан һүнэһэ һүлдыень үхэлэй орондо орхёогүй, Тэрэнэй бэе агы нүхэндэ шалзаржа үмхирөөгүй.

Иудын хандалга 1:7

Тэдээндэл адли зальхай ябадалтай Содом, Гоморро хотынхидой, хажуудахи хотонуудайнь зоной залиршагүй хэтын галда шатан, аймшагтай саазада хүртэһэн тухай һанагты. Таанадай эдэ бүхэниие мэдэжэ байһаншье һаа, би һануулжа хэлээб.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.

Гэршэлгэ 11:8

Тэдэнэй үхэһэн бэень Содом гү, али Египедтэл адли муу суутай хотонуудай нэгэ тон ехэ хотын гудамжада хэбтэхэ. Тэрэ хотодо мүн тэдэнэй Эзэн хэрээһэндэ хадагдажа саазалуулаа.

Гэршэлгэ 20:13

Бии байһан үхөөшэдөө далай үгөө, бии байһан үхөөшэдөө үхэл, үхэлэй орон хоёр үгөө, тиин үхөөшэн бүхэниие тэрэнэй хэһэн үйлэ хэрэгэйнь хэмжээгээр шиидхээ.

Гэршэлгэ 6:8

Харан гэхэдэмни, сунхигар сагаабтар морин байба. Дээрэнь Үхэл һууба, тэрэниие дахаад, Үхэлэй орон ябаба. Газар дэлхэйдэ һуугаашадай дүрбэнэй нэгэ хубиие һэлмэ жадаар, үлэсхэлэн хооһон байдалаар, үбшэн тахалаар, ан арьяатанаар алуулха хюдуулха эрхэ засаг Үхэлдэ, Үхэлэй орондо олгогдобо.