Матвей 1:20 - Библи

²⁰ Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: – Давидай үри һадаһан Иосиф, Мариягай түрэхэ хүбүүн Арюун Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Шэнэ Хэлсээн

²⁰ Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: «Давидай үри һадаһан Иосиф, Мариягай түрэхэ хүбүүн Нангин Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Матвей 1:20 ပူးပေါင်းရင်းမြစ်များ

Эхин 31:11

Тиигээд Эльгээмэлэй намайе тэрэ зүүдэндэмни «Яков!» гэжэ ооглоходо, би «Эндэ байнаб» гэжэ харюусааб.

Эхин 46:3

Бурхан тэрээндэ иигэжэ айладхаба: – Би болбол шинии үбгэ эсэгын хүндэлдэг Бурхамби. Египет ошохоһоо бү ай. Би тэндэ шинии уг удамһаа агууехэ арад зониие бии болгохоб.

3 Хаан түрэнүүд 17:13

– Бү һанаагаа зобо, – гэжэ Элияа хэлэбэ. – Хэлээшэ юумэеэ ошожо хэ. Харин урид намда энээнһээ багахан талха хээд асара. Өөртөө болон хүбүүндээ энээнэй удаа эдеэ хоол хэхэш.

3 Хаан түрэнүүд 3:5

Гибэһоондо тэрэл һүниндөө Эзэн Соломоондо зүүдэндэнь үзэгдэжэ: – Юун шамда хэрэгтэйб, Намһаа гуйхадаш болохо, – гэжэ Бурхан айладхаба.

Псалманууд 143:8

Тэдэнэй аман худал хэлэдэг, баруун гарынь буруу юумэ хэдэг.

Һургаал 12:5

Шударга үнэн хүнэй бодол һанаан сэхэ байдаг, харин хара һанаатын хүсэлдэ хара мэхэ.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 51:7

Үнэн шударгые мэдэдэг, ой ухаандаа Минии хуули ёһо хадууһан арад түмэн, Намайе шагнагты! Зоной наада энедэ барихаһаа, доромжолхоһоо бү айгты.

Исай 7:13

Тиихэдэнь Исай иигэжэ хэлэбэ: – Давид хаанай үри һадаһад, одоо шагныта! Зоной тэсэбэри туршажа байхатнай таанадта багадаад, Бурханайшье тэсэбэри туршажа-шалгажа байхаяа һанаба гүт?!

Исай 7:2

Эпрааимай газар дайдада Араамай сэрэгэй ороод байһан тухай мэдээсэл Давидай гэр бүлэдэ дуулдахадань, Ахааз хаан арад зонтоёо хамта һалхинда найгажа байһан ойн модод мэтэ шэшэрэлдэн айба.

Ерэмияа 31:22

Найдалгүй улад зон, таанад хэды болотор энэ-тэрээгүүр ябаха юмта? Юуб гэбэл, Би газар дэлхэй дээрэ нэгэ шэнэ зүйл бүтээгээб, эмэгтэй хүнэй эрэ хүниие хамгаалжа байһандал адли тэрэ юумэн юм.

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 40:9

Шапаанай аша, Ахикаамай хүбүүн Гэдаалияа тэдэнэй ба тэдэнэй хүнүүдэй урда иигэжэ тангариглаба: – Халдейн ноёд һайдһаа бү айгты! Энэ орон нютагта үлэгты. Вавилооной хаанда алба хэгты, тиигэбэл, бүхы юумэнтнай һайн байха.

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Тоололго 12:6

Эзэн тэдэ хоёрто иигэжэ айладаба: – Минии үгэ шагнагты! Хэрбэеэ Минии лүндэншэн таанадай дунда бии болоһон байбал, Би, Эзэн, тэрээндэ үзэгдэл үзүүлдэгби. Зүүдэлжэ байхадань, тэдээндэ айладхал буулгадагби.

Матвей 1:18

Бурханай табисуурта Иисүүс Христоосой түрэһэн түүхэ иимэ: Мария эжынь хадагаа табиһан Иосиф нүхэртэйгөө гэрлэхынгээ урда Арюун Һүлдэһөө хээлитэй болоһоноо мэдэрбэ.

Матвей 2:12

Тэдэ зүүдэндээ Иродтэ бусажа бү ошогты гэһэн һэргылэмжэ Бурханһаа абаһан хадаа, ондоо харгыгаар түрэл нютагаа бусаба.

Матвей 2:13

Тэдэ сэсэшүүлэй ябаһан хойно Бурханай Эльгээмэл Иосифой зүүдэндэ үзэгдөөд, иигэжэ хэлэбэ: – Ирод энэ хүбүүе алахаяа һанаашалаад, бэдэржэ орохонь. Тиимэһээ ши бушуухан бодоод, хүбүүгээ эхэтэйнь абажа, Египет руу тэрьедэ. Тиигээд минии шамда дуулгатар тэндээ байгаарай.

Матвей 2:19

Иродэй үхэһэн хойно Египедтэ байһан Иосифой зүүдэндэ Бурханай Эльгээмэл үзэгдөөд:

Матвей 2:22

Иродэй орондо Архелай хүбүүниинь Иудейдэ хаан болоо гэжэ дуулаад, Иосиф тиишэ ошохоёо айгаа. Харин Иосиф зүүдэндээ дахин зүблэл абаад, Галилейн можо зүглэбэ.

Матвей 27:19

Пиладай зарга шүүбэри хэдэг газарта һуухадань, тэрэнэй һамганиинь: – Тэрэ ямаршье гэм зэмэгүй хүндэ муу юумэ бү хэ! Мүнөө һүни Тэрэниие зүүдэндээ харааб, тиин Тэрэнэй түлөө аргагүй һанаагаа зобооб, – гэһэн мэдээсэлтэйгээр хүниие ябуулба.

Матвей 28:5

Бурханай Эльгээмэл эхэнэрнүүдтэ хандан: – Бү айгты. Таанар хэрээһэндэ хадуулһан Иисүүсые бэдэрнэт гэжэ би мэдэнэб.

Лука 1:19

– Би болбол Бурханай ойро оршодог Габриһээл гээшэб. Энэ һайн мэдээсэл дуулгахыемни Бурхан намайе шамда эльгээгээ юм.

Лука 2:4

Давидай обогһоо уг гарбалтай Иосиф гэгшэ Галилейн Назарет хотоһоо гаража, Давид хаанай тоонто нютаг болохо Иудейн Бэтлэһээм хото руу мүн лэ нэрээ бэшүүлхэеэ ошобо.

Хэрэгүүд 5:19

Гэбэшье Эзэнэй Эльгээмэл һүниндөө түрмын үүдэ нээжэ, элшэнэрые сүлөөдэ гаргаба. Тиихэдээ тэрэ Эльгээмэл:

Гэршэлгэ 19:7

Бидэ баярлахабди, хүхихэбди, Тэрэниие магтан, алдар сууень дуудахабди, ушарынь хадаа Үргэлэй Хурьганай түрэ болохонь! Хадамда ошохо басаганиинь бэлэн болоод, Тэрэнээ хүлеэжэ байна:

Ударидагшад 13:3

Эзэнэй Эльгээмэл Манооһаагай һамганай урда бии болоод, тэрээндэ иигэжэ айладаба: – Ши үхибүүтэй болодоггүй байнаш, харин мүнөө хээлитэй боложо, хүбүү түрэхэш.