Матвей 1:1 - Библи

¹ Абраһаамай үри һадаһан болохо Давидай үри һадаһан Иисүүс Христоосой уг гарбалынь иимэ:

Шэнэ Хэлсээн

¹ Абраһамай үри һадаһан болохо Давидай үри һадаһан Иисус Христосой уг гарбалынь иимэ:

Матвей 1:1 ပူးပေါင်းရင်းမြစ်များ

Эхин 12:3

Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Эхин 2:4

Иимэл даа, оршолон юртэмсын байгуулагдаһан түүхэ. Эзэн Бурханай газар дэлхэй болон огторгой бүтээхэдэнь,

Эхин 22:18

Минии үгые дуулаһанайш түлөө шинии уг удамаар дамжан, бүхы дэлхэйн арад зон Минии үреэл хайрада хүртэхэ».

Эхин 5:1

Энэ болбол Адаамай угай бэшэг юм. Бурхан зониие бии болгоходоо, Өөрынгөө дүрэ үгэжэ бүтээһэн гэхэ.

Псалманууд 89:3

газар дэлхэй болон юртэмсэ мүндэлхэһөөнь урид, эгүүриһээ эгүүри хүрэтэр Та Бурхан мүн.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Исай 53:8

Тэрэниие барижа, буруу шүүһэн юм… Үри ашанар тухайнь хэн хөөрэжэ шадахаб? Газар түбидэ Тэрэнэй ами наһан таһалагдаа, арадаймни нүгэлэй түлөө Тэрэ хэһээгдэжэ саазалагдаа.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Захарияа 12:8

Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Матвей 1:18

Бурханай табисуурта Иисүүс Христоосой түрэһэн түүхэ иимэ: Мария эжынь хадагаа табиһан Иосиф нүхэртэйгөө гэрлэхынгээ урда Арюун Һүлдэһөө хээлитэй болоһоноо мэдэрбэ.

Матвей 1:2

Абраһаам болбол Исаагай эсэгэ, Исаак – Яковай эсэгэ, Яков – Иудын ба тэрэнэй аха дүүнэрэй эсэгэ байгаа.

Матвей 15:22

Тэндэ ажаһуудаг нэгэ хананей эхэнэр Иисүүстэ ерэжэ: – Эзэн, Давидай үри һадаһан, намайе хайрлажа үршөөгыт! Басагамни ада шүдхэртэ барюулаад, аймшагтай зобожо байна, – гэжэ орилбо.

Матвей 3:16

Уһаар арюудхууламсаараа Иисүүс уһанһаа гараба. Тиихэдэнь Тэрээндэ огторгой сэлигдэн нээгдэбэ, гулабхаагай дүрсэтэйгөөр Бурханай Һүлдын дээрэнь буухые Тэрэ хараба.

Матвей 9:27

Иисүүсэй тэндэһээ ябажа ябахада, хойноһоонь хоёр һохор хүн дахажа: – Давидай үри һадаһан, Иисүүс, маниие үршөөгыт! – гэжэ хашхаралдаба.

Лука 1:33

Тиигэжэ Тэрэ Яковай үри һадаһадые хэтын хэтэдэ захирха, Тэрэнэй хаан түрэ хэзээш һүнэхэгүй, – гэжэ Эльгээмэл хэлэбэ.

Иоанн 7:42

Бурханай табисуурта болбол Давидай үри һадаһан мүн, Давидай түрэһэн Бэтлэһээм хотоһоо ерэхэ ёһотой гэжэ Нангин Бэшэг соо хэлээтэй ха юм.

Хэрэгүүд 2:30

Давидай хаан шэрээдэ үри һадаһыень һуулгахаб гэжэ Бурханай үгэһэн тангаригые Давид лүндэншэ байһан дээрэһээ мэдэжэ байгаа.

Римэйхиндэ 1:3

Бурхан Һайн Мэдээсэл номнохыемни намайе шэлэжэ абаа. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан амалаа. Тэрэ Мэдээсэлынь Бурханай Хүбүүн, манай Эзэн Иисүүс Христоос тухай. Иисүүс хүнэй бэе бэелхэдээ Давидай үри һадаһан боложо түрөө. Харин Тэрэнэй һүр хүсэтэй Бурханай Хүбүүн байһыень, үхөөд амидырхадань Арюун Һүлдэ харуулаа. Бүхы яһатаниие, тиихэдэ Иисүүс Христоосой дуудаһан таанадые һүзэгтэй, мэдэлдэ оросотой болгохын тула Бурхан Хүбүүгээрээ дамжан, Тэрэнэй аша туһада намайе элшэн болгон үршөөгөө.

Римэйхиндэ 4:13

Бурхан Абраһаамда, тэрэнэй үри һадаһадта газар дэлхэйе залгамжалан абахаш гэһэн найдуулга үгөө. Абраһаамай Хуули сахижа байһандань бэшэ, харин Бурханда һүзэглөөд, үнэн сэдьхэлтэй болоһон хадань тэрэ найдуулга үгтөө.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Галадуудта 3:16

Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Тимофейдэ 1-дэхи 2:5

Ушарынь юуб гэхэдэ, Бурхан ори ганса юм. Тиихэдэ Бурханай болон хүнүүдэй хоорондо гансал зууршалагша бии. Тэрэнь бүхы хүн түрэлтэниие абарха гэжэ Өөрыгөө үргэл болгоһон Христоос Иисүүс гэдэг Хүн мүн. Бурхан Өөрынгөө тогтооһон сагта Тэрээниие харуулаа.

Тимофейдэ 2-дохи 2:8

Минии номноһон Һайн Мэдээсэлэй ёһоор үхөөд амидырһан Давидай үри һадаһан болохо Иисүүс Христоосые һанажа байгаарай.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.