Марк 8:17 - Библи

¹⁷ Юун тухай хэлсэжэ байһыень мэдээд, Иисүүс тэдэндээ хэлэбэ: – Таанар хилээмэ абаагүйбди гэжэ юундэ хоорондоо хэлсээбта? Мүнөө болотор мэдэбэ, ойлгобогүй гээшэ гүт? Ухаан бодолтнай тиимэ мунхаг байна гээшэ гү?

Шэнэ Хэлсээн

¹⁷ Юун тухай хэлсэжэ байһыень мэдээд, Иисус тэдэндээ хэлэбэ: «Хилээмэгүй байһан тухайгаа юундэ хэлсээбта? Мүнөө болотор мэдэнэгүй, ойлгоногүй гээшэ гүт? Ухаан бодолтнай тиимэ мунхаг байна гээшэ гү?

Марк 8:17 ပူးပေါင်းရင်းမြစ်များ

Исай 63:17

Оо, Эзэн, Та юундэ бидэниие Өөрын замһаа төөрюулэн, маанадые үсэд болгон, Танһаа айхагүй болгонобта? Танай богоолнуудай, Өөрын уг залгамжал – обогуудай тала харан, маанадта эрьеыт!

Матвей 12:15

Зүгөөр Иисүүс тэдэнэй хэлсээн тухай мэдээд, тэндэһээ гаража ошобо. Хойноһоонь олон зон дахажа ябаба. Иисүүс үбшэн хабшантай байһан зониие бултыень эмшэлэн эдэгээгээд,

Матвей 15:17

Ойлгоногүй аалта, амандаа хэһэн эдеэтнай хотондотнай ороод, һүүлдэнь бэеһээтнай гарадаг.

Матвей 16:7

Шабинарынь өөһэд хоорондоо: – Маанадай хилээмэ абаагүйдэмнай тиигэжэ хэлээ ёһотой, – гэлсэбэ.

Марк 16:14

Һүүлдэнь Иисүүс үдэшын хоол барижа байһан арбан нэгэн шабинартаа ерэбэ. Амидырһан хойнонь хараһан зондо үнэншэжэ үгэнгүй зүрюутэһэнэйнь түлөө, этигэлгүй байһанайнь түлөө шабинараа Тэрэ харааба.

Марк 2:8

Тиигэжэ бодожо байхыень Иисүүс гансата мэдээд: – Юундэ тиигэжэ сэдьхэлдээ бодобот? – гэжэ асууба.

Марк 3:5

Иисүүс тэдэниие сухалтайгаар хараад, зүрхэ сэдьхэлэйнь мохооршоһондо уйдан гашуудажа, үбшэн хүндэ хандан: – Гараа һарбай, – гэбэ. Үбшэн хүнэй гараа һарбайхадань, хатаһан гарынь эдэгэшэһэн байба.

Марк 6:52

Тэдэнэр хилээмэнтэй бүтээһэн гайхамшагта хэрэгэй үнэн удхые ойлгоогүй, ухаан бодолынь үшөөл баларшаг байгаа бшуу.

Марк 8:16

– Маанадта хилээмэнэй үгы байһан дээрэһээ тиигэжэ хэлээ ёһотой, – гэжэ шабинарынь өөһэд хоорондоо тухайлба.

Лука 24:25

– Лүндэншэдэй уридшалан айладхаһан бүхы юумэндэ этигэхэ талаар мохоо модохир, тэнэг амитад аа!

Иоанн 16:30

Та бүхы юумэ мэдэнэт, Танһаа асуухаһаашье урда мэдэнэт гэжэ бидэ ойлгобобди. Тиимэһээ Та Бурханһаа ерээт гэжэ этигэнэбди.

Иоанн 21:17

Иисүүс тэрээнһээ гурбадахияа: – Иоаннай хүбүүн Симон, ши Намда дуратай гүш? – гэжэ һураба. Намда дуратай гүш гэжэ Иисүүсэй гурбадахияа һурахадань, Пётрой досоо уйдхартай байба. – Эзэн, Та бултыень мэдэнэт. Танда минии дуратайе мэдэнэ ха юмта, – гэжэ Иисүүстэ Пётр харюусаба. Иисүүс тэрээндэ: – Минии хонидые харууһалжа бай.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.