Марк 16:14 - Библи

¹⁴ Һүүлдэнь Иисүүс үдэшын хоол барижа байһан арбан нэгэн шабинартаа ерэбэ. Амидырһан хойнонь хараһан зондо үнэншэжэ үгэнгүй зүрюутэһэнэйнь түлөө, этигэлгүй байһанайнь түлөө шабинараа Тэрэ харааба.

Шэнэ Хэлсээн

¹⁴ Һүүлдэнь Иисус үдэшын хоол барижа байһан арбан нэгэн шабинартаа ерэбэ. Амидырһан хойнонь хараһан зондо үнэншэжэ үгэнгүй зүрюутэһэнэйнь түлөө, этигэлгүй байһанайнь түлөө шабинараа тэрэ харааба.

Марк 16:14 ပူးပေါင်းရင်းမြစ်များ

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Матвей 11:20

Иисүүсэй гайхамшагта хэрэгүүдээ үлэмжэ олоор бүтээһэн хотонуудта зоной нүгэл үйлэдэхэеэ болижо, Бурханда хандахагүйдэнь, Иисүүс тэдэниие зэмэлэн хэлэбэ:

Матвей 17:20

Иисүүс тэдэндэ харюусаба: – Таанарай этигэл багадаһанһаа болоно. Хэрбээ таанад горчицын жэжэхэн үрэһэнэйшье шэнээхэн этигэлтэй байжа, энэ хадада хандан: «Эндэһээ хүдэлжэ тиишээ боло» гээ һаатнай, хада тиишэлхэ юм. Таанар юушье хэжэ шадаха һэнта гэжэ танда баталан хэлэнэб.

Матвей 28:17

Тиигээд Иисүүсые харахадаа, Тэрээндэ дохин мүргэбэ, зүгөөр тэдэнэй зариманиинь бүрин этигэнгүй байгаа.

Марк 7:18

– Хэлэһыемни хэнтнайшье мүнөө болотор ойлгоогүй гээшэ гү? Гаднаһаа зосоотнай ороһон ямаршье юумэн үнэндөө таанадые бузарлажа шадахагүй,

Лука 24:11

Һамгад дэмы юумэ шашана гээд, тэдэнь үнэншэбэгүй.

Лука 24:25

– Лүндэншэдэй уридшалан айладхаһан бүхы юумэндэ этигэхэ талаар мохоо модохир, тэнэг амитад аа!

Иоанн 20:25

– Эзэниие бидэ хараабди! – гэжэ Фомада бэшэ шабинарынь хэлэбэ. – Тэрэнэй гарта хадааһаар хадаһанай шарха хараадүйдөө, тэрэ шарха руунь хургаяа хэжэ үзөөдүйдөө, һүбээгэйнь шархые гараараа барижа үзөөдүйдөө, би этигэхэгүйб! – гэжэ Фома харюусаба.

Иоанн 20:26

Долоо хоноод, Иисүүсэй шабинарынь дахин сугларба, мүнөө тэдэнтэй хамта Фомашье байлсаа. Үүдэнь хаалтатай байгаа. Иисүүс орожо ерээд, тэдэнэй урда зогсон: – Таанарта амгалан тайбан! – гэбэ.

Иоанн 20:27

Удаань Фомада хандажа: – Хургаяа үгэ! Энэ Минии гарые барижа үзэ. Гараа һарбайгаад, һүбээгэйм шарха руу хэ! Юумэндэ һэжэг түрэхэеэ боли, этигэжэ яба! – гэбэ.

Иоанн 21:1

Энээнэй удаа Тибериада нуурай хажууда байһан шабинартаа Иисүүс дахин Өөрыгөө үзүүлбэ. Энэ ушар иигээд болоһон байна.

Иоанн 21:14

Амидырһанайнгаа һүүлдэ шабинартаа Иисүүсэй гурбадахияа Өөрыгөө үзүүлхэдэнь, тиимэ ушар болоо һэн.

Хэрэгүүд 1:3

Хэрээһэндэ хадагдажа зоболон эдлэһэнэйнгээ удаа дүшэн хоногой туршада Тэрэ Өөрынгөө амиды байһые баталан, элшэнэртээ оло дахин ерээ. Элшэнэрынь Тэрэниие харадаг, тиихэдэ Иисүүс тэдэндээ Бурханай хаан орон тухай хөөрэдэг һэн.

Коринфынхидтэ 1-дэхи 15:5

тиигээд Пётрто, һүүлдэнь арбан хоёр шабинартаа бултандань үзэгдөө.

Гэршэлгэ 3:19

Дуратай хүнүүдээ Би элишэлэн шүүмжэлдэг, хэһээдэгби. Тиимэһээ таанад хэшээл оролдолго гаргагты, нүгэл хэхэеэ болигты.