Малаахи 2:15 - Библи

¹⁵ Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Малаахи 2:15 ပူးပေါင်းရင်းမြစ်များ

Эхин 1:27

Бурхан Өөртөө адли түһөөтэйгөөр хүниие бүтээгээ. Тэрэ эрэ эмэ хоёрые бүтээгээ.

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

Эхин 24:44

„Уугыт. Танай тэмээнүүдшье уһа ууг“ – гэжэ харюусаһан тэрэ басагые эзэнэймни хүбүүнэй һамган болгохоор Танай зааһан басаган мүн гэжэ ойлгохоб».

Эхин 27:46

Удаань Рэбээккаа Исаагта иигэжэ хэлэбэ: – Эсаавай хээт яһатан хоёр һамгадһаа боложо, би зобоноб. Яковаймнай баһа хээт яһанай һамга абабалнь, амиды байһанһаа үхэһэмни дээрэ.

Эхин 6:2

хүн түрэлтэнэй басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

Эзраа 9:4

Тиихэдэмни нүүжэ ерэгшэдэй гэм зэмэтэ ябадалай түлөө Израилиин Бурханһаа айһан зон булта намда сугларба. Би гашуудалда баригданхай, үдэшын үргэл болотор һуубаб.

Нэхэмьяа 13:24

Тэдэнэй үхибүүдэй хахадынь ашдоодой, үгышье һаа, ондоо арадуудай хэлэн дээрэ хэлэнэ, тэдэнэр еврей хэлэ мэдэнэгүй.

Иоов 27:3

амияа табяагүй, һүнэһэ һүлдөө алдаагүйдэмни минии аманһаа хуурмаг үгэ дуулдахагүй, минии хэлэн худалаар хэлэхэгүй.

Египедһээ гаралга 20:14

Ханидаа бү урба.

Һургаал 2:17

Тэрэ эмэ эдир наһанайнгаа хани нүхэрые орхижо, Бурхантай хэлсээе мартаа.

Һургаал 4:23

Хамагай түрүүн зүрхөө хамгаала. Тэрээнһээ аминай булагууд гарадаг юм.

Һургаал 6:25

Тэрэ эмын тансаг һайханиинь шинии дура буляаха ёһогүй, харасань бэе тээшэ бү татаг.

Һургаал 7:25

Зүрхэ сэдьхэлтнай тэрэ эмэ тээшэ бү эрьег, замынь дахажа бү ябагты.

Экклезиаст 12:7

Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Ерэмияа 2:21

Би шамайе шэлэгдэн абтаһан, эгээл эрхим үрэһөө тариһан үзэмэй модоной эшэ мэтээр һуулган дүмөө бэлэйб. Теэд яагаад шимни гашуун муу үзэм үгэдэг эгээлэй ондоо эшэ мэтэ болошоо гээшэбши?

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Левит 20:10

Хэн хадамтай һамгантай унтанаб, хэн танилайнгаа һамгантай унтанаб, тэдэ урбагшад хоюулан алуулха ёһотой.

Малаахи 2:14

«Юундэ Эзэн манай үргэл абанагүйб?» гэжэ асуужа болохот. Юундэб гэхэдэ, Эзэн шинии нүгэл хэлгын гэршэ болоно. Өөрынгөө һамгые мэхэлхыеш хараһан байна. Ши залуудаа тэрэ һамга абаа һэнши. Тэрэ шинии хани халуун нүхэр байгаа, хожомынь заяата эхэнэршни болоо. Эзэн тэрээнэй гэршэ болоно.

Матвей 15:19

Ушарынь юуб гэбэл, зүрхэнһөөтнай хара һаналнууд түрөөд, таанадые алаха, эрэдээ гү, али эхэнэртээ урбаха, забхай зальхай ябадал гаргаха, хулгай хэхэ, бусадые хардаха, муушалха гэхэ мэтын дорой хэрэгүүдтэ түлхидэг юм.

Иоанн 20:22

Тиигэжэ хэлэмсээрээ, Иисүүс тэдэн тээшээ үлеэгээд: Арюун Һүлдые тогтоон абагты!

Хэрэгүүд 3:25

Таанад лүндэншэдэй үри һадаһад гээшэт, тиин танай үбгэ эсэгэнэрэй Бурхантай баталһан хэлсээндэ баһа хабаатай болонот. «Шинии уг удамаар дамжан бүхы дэлхэйн арадууд буян хэшэгтэ хүртэхэ», – гэжэ Бурхан Абраһаамда айладаа.

Коринфынхидтэ 1-дэхи 7:14

Юундэб гэхэдэ, һүзэглэдэггүй эрэ һүзэглэдэг һамганайнгаа ашаар арюудхагдана, тон тиигэжэл һүзэглэдэггүй эхэнэр һүзэглэдэг нүхэрэйнгөө ашаар Бурханай урда арюудхагдана. Тиигээгүй һаа, тэдэнэй үхибүүдынь сэбэр бэшэ байха һэн, үнэндөө болбол тэдэ үхибүүд Бурханай урда арюун сэбэр юм.

Коринфынхидтэ 1-дэхи 7:2

Гэхэтэй сасуу ташаяан хурисалһаа бэеэ һэргылхын тула хүн бүхэн һамгантай байха, эхэнэр хүн нүхэртэй байха ёһотой.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Эфесэйхиндэ 6:4

Аба эжынэрынь, үхибүүдээ уурлуулан урмыень бү хухалагты, зүгөөр Эзэн тухай заажа, заабаришалжа, тэдэнээ хүмүүжүүлжэ байгты.

Хуули дабталга 7:4

Юуб гэхэдэ, тэдэнэр үхи хүүгэдыетнай Эзэнһээ буруу харуулха, тиихэдэнь, тэдэ ондоо бурхадта мүргэжэ эхилхэл. Тиигэмсээрнь Эзэн угаа ехээр уурлажа, тэрэ дары таанадые усадхахал.

Тидтэ 1:6

хүтэлэгшэ хүн ямаршье гэмгүй, гансал һамгатай байха ёһотой, харин үхибүүдынь хүнэй үгөөр байдаг, өөһэдыгөө һайнаар абажа ябадаг, Христоосто һүзэглэдэг байха ёһотой.

Рүүт 4:12

Эзэнэй энэ залуу эхэнэрһээ үгэхэ үри удамаар дамжуулан, шинии гэр бүлэ Иудада Тамаарай түрэгшэ Пээрэцэй гэр бүлэдэл адли болохонь болтогой! – гэлдэбэ.

1 Хаан түрэнүүд 2:20

Тиихэдэ Элии Элканаае ба һамгыень үреэжэ, иигэжэ Элканаада хэлэдэг һэн: – Эзэндэ зорюулһан хүбүүнэйшни орондо Эзэн энэ һамганһаашни шамда хүүгэдые үшөө үршөөхэнь болтогой! Энээнэй удаа тэдэ гэртээ харидаг һэн.