Малаахи 2:14 - Библи

¹⁴ «Юундэ Эзэн манай үргэл абанагүйб?» гэжэ асуужа болохот. Юундэб гэхэдэ, Эзэн шинии нүгэл хэлгын гэршэ болоно. Өөрынгөө һамгые мэхэлхыеш хараһан байна. Ши залуудаа тэрэ һамга абаа һэнши. Тэрэ шинии хани халуун нүхэр байгаа, хожомынь заяата эхэнэршни болоо. Эзэн тэрээнэй гэршэ болоно.

Малаахи 2:14 ပူးပေါင်းရင်းမြစ်များ

Эхин 2:18

Тиигээд Эзэн Бурхан: – Хүнэй гансаараа байхань муу. Өөртэнь таараха хани бии болгохомни, – гэжэ айладхан шиидэбэ.

Эхин 31:50

Хэрбэеэ ши минии басагадые доромжолоо һаа гү, үгышье һаа, тэдэнэй хажуугаар шэнэ һамгадые абаа һаа, һанажа яба: минии нюдэнһөө далда байгаашье һааш, Бурхан ши бидэ хоёрой бүхы үйлэ хэрэг хаража, гэршэлжэ байха!

Һургаал 2:17

Тэрэ эмэ эдир наһанайнгаа хани нүхэрые орхижо, Бурхантай хэлсээе мартаа.

Һургаал 30:20

Эрэеэ мэхэлдэг һадар эмын замынь эли: тэрэ эдижэ, амаа аршаад, «Би буруу юумэ хээгүйб» гэжэ хэлэхэ.

Һургаал 5:20

Яахадаа ондоо хүнэй эхэнэртэй бэеын жаргал эдлэжэ, хүнэй һамганай бэе тэбэрихэ болообши, хүбүүмни?

Экклезиаст 9:9

Бурханай шамда үгэһэн хүлгөөтэ бүхы үдэрнүүдтэ дурлаһан эхэнэртэйгээ жарган һуугты. Энэ хадаа нарата дэлхэйдэ шамда үгтэһэн шагнал болоно.

Дуунай дуун 1:15

Үзэсхэлэн түгэс инагни! Үнэн сэдьхэлэйм хайратамни! Хүбдэ ногоогоор оро хэе,

Исай 54:6

Израиль, ши үбгэндөө орхигдоһон, уйдажа байһан залуу һамгандал адлиш. Гэбэшье Эзэн шамайе дахин һөөргэнь дуудажа, иигэжэ айладхана:

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 42:5

Тиихэдэм тэдэ намда иигэжэ хэлэбэ: – Эзэн Бурханайнгаа захиралтые дүүргээгүй һаамнай, Эзэн манай урдаһаа гэршэ болон байг лэ.

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Ерэмияа 9:2

Элһэн сүл губида аяншадай хонохо газар намда байгаа гээшэ һаань, өөрын арад түмэнөө орхижо, тэдэнһээ ошохо байгааб. Тэдэ бултадаа забхайрагшад, урбагшадай үүр гээшэл!

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Михей 1:2

Бүхы арадууд, шагныта! Дэлхэй дээрэ байгаашад, бултадаа анхарыт! Таанадай урдаһаа Эзэн гэршэ болохонь! Тэрэ огторгойдохи Өөрын нангин ордонһоо таанадые гэмнэхэнь!

Малаахи 2:15

Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Малаахи 3:8

Хүнүүд Бурханиие мэхэлхэ ёһогүй. Гэбэшье таанад Намайе мэхэлжэ байнат. «Яахадаа Таниие мэхэлһэн болонобибди?» гэнэт. Таанад бүхы зөөриингөө арбанай нэгэ хубиие үгэхэ, мүн Намда онсо үргэл хэхэ ёһотой байгаат.

Ударидагшад 11:10

Галаадай аха захатад тэрээндэ иигэжэ хэлэбэ: – Эзэн бидэнэй гэршэ! Илалта заабол туйлахаш гэжэ бидэнэр тангаригланабди.

1 Хаан түрэнүүд 12:5

Самуил тэдээндэ: – Таанарай намда ямаршье гэм зэмэ олоогүй тухай Эзэн мүнөөдэр таанадай дунда гэршэ боложо, Тэрэнэй тоһо түрхин арюудхаһан хүн мүн лэ гэршэ боложо байна, – гэхэдэнь, тэдэ: – Тэрэ болбол гэршэ мүн! – гэлдэбэ.