Лука 8:28 - Библи

²⁸ Иисүүсые хараһаар тэрэ хүн хашха хуугай табяад, хүлдэнь унажа: – Иисүүс, Дээдэ Бурханай Хүбүүн, би Танда ямар хамаатай хүнбиб? Намайе бү зобоогыт даа, ехэтэ гуйнаб! – гэжэ ори дуу табиба.

Шэнэ Хэлсээн

²⁸ Иисусые хараһаар тэрэ хүн хашха хуугай табяад, хүлдэнь унажа: «Иисус, Дээдын Бурханай Хүбүүн, би танда ямар хамаатай хүнбиб? Намайе бү зобоогыт даа, ехэтэ гуйнаб!» – гэжэ ори дуу табиба.

Лука 8:28 ပူးပေါင်းရင်းမြစ်များ

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Матвей 8:29

Тиигээд тэдэ галзуу амитад: – Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

Лука 8:27

Иисүүсэй онгосоһоо буужа эрье дээрэ гарахада, досоогоо ада шүдхэрнүүдтэй хотын нэгэ хүн дайралдаба. Тэрэ хүн үнинэй хубсаһа хунар үмдэхэеэ, гэртэ байхаяа болёод, агы соохи үхээриин газарта байрладаг һэн ха.

Лука 8:29

Юундэ тиигээб гэхэдэ, Иисүүс тэрэ хүн сооһоо үтэр гара гэжэ ада шүдхэртэ захираа бшуу. Тэрэ хүнэй досоонь ада шүдхэр оло дахин шэгэжэ ородог байгаа. Хүнүүд тэрэ зоболонтые хүлеэдшье, гэнжэдэ һуулгаадшье, харууһалаадшье ядалсаа һэн. Досоонь ороһон ада шүдхэр гэнжыень таһа татаад, тэрээниие эзэгүй хооһон газарта намнажа абаашадаг байгаа.

Яковай хандалга 2:19

Бурхан ори ганса юм гэжэ ши этигэнэш. Тэрэшни һайн. Ада шүдхэрнүүдшье баһа тиимэ этигэлтэй байһан дээрэһээ айн һүрдэн һалаганадаг.

Пётрой 2-дохи хандалга 2:4

Эльгээмэлнүүдэйшье нүгэл үйлэдэхэдэ, Бурхан тэдэниие хайрлаагүй, Зарга шүүбэриин Үдэрэй ерэтэр тэдэниие тамада хэтын харанхыда хүлеэд барижа байгаа.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.

Гэршэлгэ 20:10

Тэдэ зониие мэхэлэгшэ шолмос дүрэжэ байһан дүүрэн хүхэртэй нуур худар хаюулаа һэн. Түрүүн тэрэ нуур руу арьяатан, хуурмаг лүндэншэ хоёр шэдүүлээ. Тэдэниие хэтын хэтэдэ, үдэр һүнигүй тэндэ зобоожо туляажа байха юм.