Лука 22:56 - Библи

⁵⁶ Нэгэ зараса эхэнэр галай хажууда һууһан Пётрые анхаралтайгаар хараад, һайнаар шэртэһэнэйнгээ удаа: – Энэ хүн баһа Иисүүстэй суг ябадаг һэмнай, – гэжэ хэлэбэ.

Шэнэ Хэлсээн

⁵⁶ Нэгэ зараса эхэнэр галай хажууда һууһан Пётрые анхаралтайгаар хараад, һайнаар шэртэһэнэйнгээ удаа: «Энэ хүн баһа Иисустай суг ябадаг һэмнай», – гэжэ хэлэбэ.

Лука 22:56 ပူးပေါင်းရင်းမြစ်များ

Матвей 26:69

Пётрой газаа хорёодо һуухадань, нэгэ зараса һамган тэрээндэ ерэжэ: – Ши баһал Галилейн Иисүүстэй хамта байлсаа һэнши, – гэбэ.

Марк 14:17

Үдэшэ болоходо Иисүүс арбан хоёр шабинартайгаа ерэбэ.

Марк 14:6

Харин Иисүүс тэдэ зондо хэлэбэ: – Болигты даа! Юундэ энэ эхэнэрые аягүй байдалда оруулнабта? Энэ Намда ехэл һайн юумэ хээ гээшэ.

Марк 8:25

Иисүүс дахин нюдэндэнь гараараа хүрэбэ. Тиигэхэтэйнь сасуу үнөөхи хүн хараатай болобо; нюдэнь эдэгэжэ, тэрэ бүхы юумэ эли тодоор харадаг болобо.

Лука 22:55

Гэрэй хашаа соо ехэ түүдэг носоожо, зарасанарай тойроод һуухадань, Пётр тэдэнэй дунда һуулсаба.

Лука 22:57

Пётр буруушаажа: – Эхэнэр аа, би Тэрэниие мэдэхэшьегүйб! – гэжэ хэлэбэ.

Иоанн 18:17

– Ши энэ хүнэй шабинь хаяаш? – гэжэ зараса эхэнэрынь Пётрто хэлэбэ. – Бэшэб даа, – гэжэ Пётр харюусаа.